Nje Ke Ephese 5:9 - Nouveau Testament en Gulay 2004

⁹ Nyanrage le lookar nga á tooi nè: kem̂-maje ke se ri’n ri’n a, nyanra ke se dè naje’n a, se ngarankum tà a tɔ.

Nje Ke Ephese 5:9 ပူးပေါင်းရင်းမြစ်များ

Matthieu 3:8

I turi hal si, i rai nyanrage ke maje.

Jean 1:47

Loo ke Jésu an Nathanael à ree ke rann’t ɓaa, è tam tà ɔje’n dè’n ede nè: – An! ngonnkà Israel ke è ngarankum doo nga. E njè sú kum loo lé.

Nje Ke Rome 15:14

Ngakonmge, man m’ger kêm’t mbak titeke sei awi se tàgir ke maje. M’ger kêm’t maje titeke sei awi se gos nyanger ke deri, ade ɗarinè sei kuwe asi ndángi nan dann si sei’t.

Nje Ke Rome 2:4

Ké bò kêm-maje se kêmkile se korè ke Nube orè tà’n njak ndi nginei nga, ké i an ke nyan lé wa? Bò kêm-maje le Nube ke ɔsi balang-balang le kade i tur hali nga, ké i ger lé wa?

Nje Ke Ephese 4:15

Ké nè á jè tami ngarankum tà a, jè tári nan se kem̂nda káng a tɔ ɓaa, j’à rai tɔge ke kété-kété dè kum nan’t bɔk se Krist a, dè nyange malang a tɔ. Krist nga è doo dè njékebe nange le Nube.

Nje Ke Ephese 4:25

Gir’n ke nè á inyei go tà lanm, edi nan ngarankumtà tede jèi balkum danra ke karé bere luk-luk.

Nje Ke Ephese 6:14

I ndai dè nja si’t dɔ njáng i tɔi ɓede si se ngarankum tà titeke doo tɔ’n ɓede’n se ndar njanm-njanm; ulei nyanra ke se dè naje’n kàde si’t tite kubu rɔ ke nar bè a tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Colosses 3:18

Dinyege, ulei dè si adi ngaw sige tede è nyan ke tuwe dinyege ke ei le Kuwe-ɓee nga ɗêw.

1 Timothee 6:11

Nè i doo le Nube nga, ute rai mbeng kɔke dè nyange’t nè. I tel ɔr nja nyanra ke se dè naje’n a, ɔr nja kile koje dè Nube’t a, ɔr nja kundekem̂ a, ɔr nja tár nan a, ɔr nja koré tà njak a, ɔr nja kaw lom-lom a tɔ têr-têr.

Hebreuge 1:8

Nè loo ke Nube tam tà ɔje’n dè Ngonn’n ke dagi nè ɓaa, è ede’n ede nè: «Kutu-ngar lei i Nube tò sár se non a, kage konɓee lei nga è kage konɓee ke se dè naje’n a tɔ.

Hebreuge 11:33

Dooge nè malang undei kem̂ de dè Nube’t á ndɔ ke têti rɔ ɓeekonge a, rai nyan ke se dè naje’n a, ingei nyange ke ndɔ ke Nube unn’n ndu’n ade de a, uwei tà toboige a tɔ.

1 Jean 2:29

Sei geri mbak titeke Krist è Njè ra nyan se dè naje’n. Nanan ke ra nyan ke se dè naje’n se ndɔ karé-karé ɓaa, è ngonn Nube ke Nube kuwe oje’n.

3 Jean 1:11

Kotár le’m, i ndaje nyanra ke majelé lé, nè i ndaje nyanra ke maje tá. Doo ke ra nyan ke maje nga è le Nube. Doo ke ra nyan ke majelé nga an Nube lé.