Nje Ke Ephese 5:4 - Nouveau Testament en Gulay 2004

⁴ Maje kade adi tà rasɔl se tà mbe a, se tà kule mbe dè nan’t a tɔ, teei tà si’t lé. Nyange nè nga tuwe sei ɗêw lé. Nè è soo’t kade tà ra Nube oiyo tá tee tà si’t.

Nje Ke Ephese 5:4 ပူးပေါင်းရင်းမြစ်များ

Marc 7:22

njé sang neen dooge, njékêmkeinge, njékêmyêrge, njé ra nyan pás-pàsge se njé tête tàge, njé ti rage a, se njé tam tàge ke raikarè a tɔ.

Jean 6:23

Nè né è bè géa, ngann batoge ke rang in-in kêm ɓee-bò ke Tibériade reei. Dé ree ngɔr kɔte loo ke tagela Jésu ra’n Nube oiyo pa ɓita ade dooge mapa usei ɓai nga.

Nje Ke Rome 1:28

Ngarakum ger Nube nga, dé ndige kum kêm de dè’t lé. Gir’n ke nè á Nube inye’n de dann tàgir’t ke se go rebe’n lé ade dé ra’n nyange ke kum ra lé.

2 Nje Ke Corinthe 1:11

Sei geti jè loo kɔje tà’t le si se Nube. Titeke bè á nyan-noje ke j’inge takul dooge bule nè nga à tel k’ee nyan ra Nube oiyo ndɔ ke rang tede le jé ɓai.

2 Nje Ke Corinthe 9:15

Ade jè rai Nube oiyo tede kêmnoje le’n nga dum kɔrgir!

Nje Ke Ephese 1:16

m’ra Nube oiyo m’ebenn’t lé tede le si. Kem̂’m olé dè si’t dɔ-dɔ loo ke m’a m’ɔje’n se’n tà.

Nje Ke Ephese 4:29

Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.

Nje Ke Philippes 4:6

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.

Nje Ke Colosses 3:8

Nè ɗarinè, inyei go nyange ke nè malang kɔke: wong, se kɔl nan, se wurkate, se kem̂kein ke majelé, se taje ndu a, se tà rasɔl ke rara nga a tɔ.

1 Nje Ke Thessalonique 3:9

Ranel malang ke j’inge non Nube’t le jéi tede tà le si nga, ké j’ayé ra’n oiyo nja kandang kade ase loon’t wa?

1 Nje Ke Thessalonique 5:18

I rai Nube oiyo dè nyange’t malang. E á è nyan ke Nube ndige le kade sei ke umi nan’t bɔk se Jésu-Krist i rai.

Philemon 1:8

Man Paul nga, m’ndi dè’m pal ke deri takul kum ke m’um nan’t bɔk se Krist le kunn ndu’m kade i ra’n nyan kuwe.

Hebreuge 13:15

Bè ɓaa, adi tà jéi teen ile riɓar dè Nube’t se ndɔge malang takul Jésu. Pite Nube nga tò asenan se nyankuje-mese ke j’unni j’adi nin bè.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

2 Pierre 2:7

Lot è doo ke njè ra nyan se dè naje’n. Wur’n ndir’n njàk-njàk tede nyanrage ke bann-bann le dooge. Nube ɔr Lot dann de’t aje’n.

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.

Jude 1:13

Dé tite kɔr mann ba ke tal bungus-bungus ade pululu’n ke majelé in pɔk-pɔk bè. Dé tò d’asenan se kɔnyonge ke gangi ndiling-ndiling bè. Nube uwe dè nja loo ke ndul ndin-ndin unde konn le kade dé ndi tutu sár se non.