Nje Ke Ephese 5:3 - Nouveau Testament en Gulay 2004

³ Maje kade ri tò se nan ke kaiya’t se ra mine se nede nyan ke rara géa ɓar dann si’t lé. Nyange nè nga tuwe sei njétaakem̂-Kristge ɗêw lé karè.

Nje Ke Ephese 5:3 ပူးပေါင်းရင်းမြစ်များ

Matthieu 15:19

Tàgirge ke majelé, tɔl doo, sang dinye le doo, tò se nan ke kaiya’t, mêndé nyan, tête tà kunde tà doo’t, taje ndu a tɔ nga, in-in dè ɓengre doo’t.

Tà ke Maje ke Luc ndang 12:15

Taɓai Jésu ede doobulege ede nè: – Kêm si dè ra si’t nè a kadi ngur kebe nyanbawge ke rara dè nang nè ra sei pênn-pênn. Tede ndikumgajer le doo nga, tò ɔje dè nyanbawge le’n ke tò ndaj-ndaj nga lé.

Tà ke Maje ke Luc ndang 16:14

Loo ke Jésu tam tàge nè nga titeke bè ɓaa, Pharisienge ke njé kunde nar dann kum de’t an-in tà le’n ke nyan lé.

Nyanra Njekawkulege 15:20

Nè adi jè ndangi magtub j’adi de le kade d’ɔge ra de dè nyange ke mine ke dé gugu’n magege a, se dè tò se nan ke kaiya’t a, se dè dange ke mbir kɔbe de a, éké dè mese dange’t a tɔ.

Nyanra Njekawkulege 20:33

M’aw ndoo nar-nda éké nar-ɔr éké kubu le doo karé lé.

Nje Ke Rome 1:29

Nyanrage ke se dè naje’n lé gai-gai se kêmyêr, se kêmkein, se kêm majelé rusu kêm de njin-njin. Ngur tɔl doo, se tɔl nan, se tà sú kum nan, se nyanra ke majelé rusu kêm de njin-njin.

Nje Ke Rome 16:2

Uweii ke ra si’t se kêmnda káng se ri Kuwe-ɓee titeke njétaakêm-Kristge rai se nan bè. I rai se’n dè nyan malang ke è aw ndoo’n kade i rai se’n dè’t nga. E taa dè dooge ke rang bule ngain. Man ke mbain kuwe géa è taa dè’m a tɔ.

Nje Ke Rome 6:13

Inyei balkum ra sige adi ei nyan ra kule le nyan ra ke majelé nga lé. Nè tà le kade sei ke i tooi asinan se dooge ke undei loo teei dann njé ke koo’t teli ndii kumgajer bè. Inyei ra si sei kuwe bere mbak adi Nube ke nyan ra kule ke maje.

1 Nje Ke Corinthe 10:8

Ade j’inyei ra jéi nyein dè tò se nan ke kaiya’t titeke njé ke nange dann de’t ndɔ ke rai nga lé. Dooge aru dɔg loo kɔr-joo-gidé-mute weii kabak kêm ndɔ karé bere tede nyange ke titeke bè nga.

1 Nje Ke Corinthe 5:1

Nyankɔbe karé tò dann si’t. E kaiya ke bò ke sei oréi dè nang, nè tà’n oso se loo mbit-mbit. Gàr kaiya nè nga dann dooge ke geri Nube lé géa, doo à inge ndan lé. Dé tam d’ede nè: Doo karé dann si’t taa neen bɔ’n ndii’n.

1 Nje Ke Corinthe 6:13

Sei i tami edi nè: «Nyankuse tò tede kêm doo a, kêm doo tò tede nyankuse a tɔ.» E kum kuwe, nè né è bè géa ndɔ karé kuwe Nube à tuju de joo mbak. Nè danra doo nga Nube ra’n ɔje dè tò se nan ke kaiya’t lé. Danra doo nga tò tede Kuwe-ɓee a, Kuwe-ɓee géa ndi tede le danra doo a tɔ.

1 Nje Ke Corinthe 6:18

Utei ra si mbeng dè tò se nan ke kaiya’t. Majelé ke rang ke rara ke doo ra nga, è gide rann’t nata. Nè doo ke inye ra’n nyein dè tò se nan ke kaiya’t ɓaa, è kuwe ra majelé se danra’n.

2 Nje Ke Corinthe 12:21

M’ɓel kêm’t tede bainléa ndɔ ke m’a m’tel kaw ɓee le si nga, Nube à ade m’a m’ndi dann rasɔl’t ɔje dè si. M’ndɔ ngain m’ede nè bainléa tel’m dann si’t ke gugu rang ɓaa, m’ayé ndi dann kumndoo’t tede tà le njé ke kété ke ndii se ra de ke mine titeke kété kuwe ɓai. M’ndɔ ngain m’ede nè bainléa ndɔn’t m’ayé ndi dann kumndoo’t tede tà le njé ke nange ke ndii à tooi se nan ke kaiya’t a, à ɔdi nan rai nyange ke pás-pàs se ndɔge malang a tɔ.

Nje Ke Ephese 5:12

Nyange ke dooge rai se go ngein nga tò rasɔl m maje kum tam tà’n lé.

Nje Ke Ephese 5:5

Ooi maje: doo karé bè dann njé tò se nan ke kaiya’t éké doo ke ra’n mine éké njè nede nyan a ingei nyan-ndube kem̂ Konɓee’t le Krist lé a, kem̂ Konɓee’t le Nube ndan lé a tɔ. Nede nyan nga è mage polé.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.

1 Nje Ke Thessalonique 4:3

Nyan ke taa kum Nube nga è le kade ra si unju nyang-nyang a, le kade ɔgi ra si dè tò se nan ke kaiya’t a tɔ.

1 Nje Ke Thessalonique 4:7

Nube ɓar jéi le kade jè ndii se ra jéi ke mine tanm-tanm lé, nè le kade jè ndii se ra jéi ke unju nyang-nyang.

1 Timothee 2:10

Nè maje kade nyanrage ke maje á ei kubu kule ra’t le de. E ke nè á è nyan ke tuwe dinyege ke njétaakem̂-Kristge nga ɗêw.

1 Timothee 3:3

Gar-gar, njèkan dè njékebe nange le Nube à è ɓer le yibe lé a, è njè ɓeekos lé, nè gar-gar à è njè kaw lom-lom, à è njè kɔl se doo lé, à è njè ndige nar lé a tɔ.

1 Timothee 6:10

Mwei-yo-nar è ngire nyange ke majelé malang. Njé ke nange ke an-in ngɔde go nar’t nga ndemi osoi kɔke heb dè kundekem̂’t le de, uwei nyantosowurge gai-gai ɓuki dè de ei’t kuwe adi wur de ndir’n njàk-njàk.

2 Timothee 3:2

Dooge à ei njé tɔse kum de dè ra de ei’t kuwe a, à ei njé ndige narge a, à ei njé tɔje ra dege a, à ei njé ti ra dege a, à ei njé taje Nubege a, à ei njékaltà tà njé koje dege’t a, à ei njé tel ra oiyoge lé a, è k’ei njé kile rasɔl dè loo ke tò se ninn’t nga a tɔ.

Tite 1:11

Dooge nè nga, gar-gar maje kade uwe tà de. Dé njé tête tà tchap-tchap ndó dooge ndonm’n de bere mbak nang ndalang-ndalang tede le kinge’n nyan ke nal naje’n.

Tite 1:7

Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

Hebreuge 12:16

An-in go ra si maje le kade doo karé bè géa tel è njè tò se nan ke kaiya’t éké njè nede nyan tite Esau lé. Esau nga, ndɔ ke ige nyan ke ɔje dè ngonn der nga kɔke tede nyankuse ke nja karé bere.

1 Pierre 5:2

Uli bate kosge le Nube ke um de ji si’t nga se kem̂nda káng. Adi doo unde dè si tá lé, nè i tɔsi kum si dè de’t se kem̂nda káng titeke Nube ndige’n. I rai se kem̂nda káng m i rai tede kinge’n nar tá lé.

2 Pierre 2:10

Dooge ke ulei ra de mbiriri dann ngur nyange ke majelé le danra nga minei tanm-tanm tàkum Nube’t. E dé nè kuwe mbain á Nube à gangtà dè de’t. Dé dooge ke njé nede tɔgmong le Nube. Dé njé tà turge ke d’an ra de ke dooge ke asi. Dooge ke danrán ke ndubra le Nube gan dè de wak nga géa, dé d’ile koje dè de’t lé a, dé taje de a tɔ.

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

2 Pierre 2:3

D’a gol dè tàge gai-gai le libe’n kum si. D’a ra titeke bè tede kite’n dè si’t se go ngur nar ke ra de. Nè tà ke dé gang dè de’t mari bere nga, kure’n à ɔde kum de m tuju inye go de lé sár.

Lookilera’n 2:14

Nè i ngonm dooge ke nange ke njé liger lagr-lagr dè nyan-ndó’t le Balaam nga sár ɓila ɓai. Balaam nga kété ndó Balak kade tel è jig non ngann Israelge’t. E ndó de kuse dan ke dé tɔl d’ade magege a, le kade tooi se nan ke kaiya’t a tɔ. E ke nè á è nyan ke ade m’aw’n sei se tà ndêin.

Lookilera’n 2:21

M’inye kurloo m’ade’n kade tel tur hal’n. Nè è ndige tel tur hal’n ke ɔje dè tò se nan ke kaiya’t le’n nga lé.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 22:15

Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.

Lookilera’n 9:21

Dooge nè nga mbati kinyei go tɔl dooge se ra nyan mbelige, se tò se nan ke kaiya’t, ei mbati kinyei go ɓoge le de a tɔ.