Nje Ke Ephese 5:2 - Nouveau Testament en Gulay 2004

² I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

Nje Ke Ephese 5:2 ပူးပေါင်းရင်းမြစ်များ

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Jean 13:34

Man m’ade sei ndukunn ke kige. I tári nan titeke man géa m’tár’n sei bè tɔ.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

Nje Ke Rome 4:25

Kuwe-ɓee le jéi Jésu nga, d’ule’n ji dooge’t d’ade tɔli nin tede ra majelége le jéi. E unde loo tee dann njé koo’t tede kade Nube ɔr’n tà dè jéi’t.

Nje Ke Rome 8:3

Gute-ndu le Moise ase ra nyan nè nga lé, tede yai le danra ra gute-ndu Moise ade tɔg’n goto. Nè Nube ra nyan ke gute-ndu ase ra lé nga. E ule Ngonn kêm’n è kuwe ade ree dè nang nè se danra’n ke tò tanan se le njé ra majelége tede kɔr’n de dann majelé’t.

Nje Ke Rome 8:37

Nè jè têti rɔ nyange nè nga malang takul tɔgmong le Nube ke njè tár jèi nga kum jéi ke kété.

1 Nje Ke Corinthe 16:14

I rai nyan malang dann si’t se go tár nan.

1 Nje Ke Corinthe 5:7

Ɔri se-pululu ke mari ra si’t kɔke tede kade i teli sei nduju ke kige ke anje pululu. Sei sei nduju ke anje pululu nga ɓá ta. Kerɔte kuwe, sei sei nduju ke anje pululu tede Krist ke è ngonn bate ra nan Paque le jéi nga dé tɔl’n ɓá.

2 Nje Ke Corinthe 2:14

Nube ke njè kade j’unn banga se ndɔge malang takul kum ke j’um nan’t bɔk se Krist nga, m’ra’n oiyo ngain. Nube ade j’aw j’ile mber Tà ke Maje se loo malang j’ade dooge geri gel Krist. Gel’n ke dé ger nga tò asenan se wubu ke ɓusu’n ete maje taa loo pel-pel.

2 Nje Ke Corinthe 2:15

Kerɔte kuwe, jè tite wubu ke ɓusu’n ete nel ke Krist ade Nube. Jèi wubu ke ɓus’n ete maje tede le njé ke à aji a, tede le njé ke ndii à weii a tɔ.

2 Nje Ke Corinthe 8:9

Sei geri kêmnoje le Kuwe-ɓee le jéi Jésu-Krist nga mbak. Jésu-Krist nga è baw, nè è tel ra’n ke njèndoo tede tà le si. E ra titeke bè tede kade ndoo le’n tel è nyanbaw le si.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Ephese 1:4

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ.

Nje Ke Ephese 3:17

M’deje Nube le kade ade Krist urkei dè ɓengre si’t takul kem̂ si ke undei dènn’t. Man m’deje Nube le kade ade ulei ngire si nang janm-janm dè tár ke Krist tár jèi’t nga.

Nje Ke Ephese 3:19

Sei a geri titeke tár ke Krist tár jèi nga, è nyanger ke dum dè nyangerge ke rang malang dè nang nè tede kade i geri gel Nube bere mbak a tɔ.

Nje Ke Ephese 4:15

Ké nè á jè tami ngarankum tà a, jè tári nan se kem̂nda káng a tɔ ɓaa, j’à rai tɔge ke kété-kété dè kum nan’t bɔk se Krist a, dè nyange malang a tɔ. Krist nga è doo dè njékebe nange le Nube.

Nje Ke Ephese 4:2

Ulei dè si adi nan a, awi lom-lom dann nan’t a, ilei kem̂ si pon dè nan’t a, oréi tà si njak dè nan’t se go tár ke Krist tár jèi.

Nje Ke Ephese 5:15

An-in! go pa njiye si sêw-sêw. I njiyei tite njékumkunjuge m i njiyei asenan se njé kem̂ tɔ kuje tà lége bè lé.

Nje Ke Ephese 5:25

Ngaw dinyege, i tári neen sige titeke Krist tár’n njékebe nange le Nube á inye ra’n è kuwe ade tede le de nga.

Nje Ke Philippes 4:18

Nyan malang ke ndɔ ke ulei nga m’inge ade ase’m nák-nák. Ɗarinè m’inge nyan malang ke m’aw ndoo’n tede Epaphrodite ree se nyan-nojege le si ke ulei ade’m. E nyan-noje ke ete sununu asenan se nyankuje-mese ke ujei adi Nube a, taa kum’n a tɔ.

Nje Ke Colosses 3:14

I tɔli tà nyange nè malang se tár nan: tede tár nan nga è kule noje ke maje ɔr njêt ke tɔ sei nan’t kade sei dooge ke karé bere.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

1 Timothee 2:6

Jésu-Krist inye ra’n è kuwe ade yo uge’n dè dooge malang. E ke nè á è tà ke è ɔrgo kété kem̂ ndɔn’t le’n nga.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Hebreuge 8:3

Maw njèkuje nyan-mese ke rara géa, d’ɔr’n d’unde’n kade unn nyan-noje se nyankuje-mese ade Nube. Gir’n ke nè á Jésu nga géa, è soo’t kade unn nyan ade Nube tɔ.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Hebreuge 9:23

Kerɔte kuwe, ke nè á til nyange ke danrán nga géa d’ɔr se-de titeke bè ɓaa, danra nyange ke danrán géa awi ndoo kade d’ɔr se-de se nyankuje-mese ke maje ngain dum dè è ke kété.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

1 Pierre 4:8

I tári nan se kem̂nda káng. E ke nè á i rai kété gar-gar. Oiyo, tár nan nga utu dè kaiyage bule ngain.

1 Jean 3:16

Ɗarinè, jè geri ngarankum tár nan takul kinye ke Krist inye ra’n ade yo tede le jéi. Gir’n ‘ke nè á, jèi géa, gar-gar j’à kinyei ra jéi kadi yo tede le ngakon jéige tɔ.

1 Jean 3:23

Nube unn ndu’n ade jèi le kade j’undei kem̂ jéi dè ri Ngonn’n Jésu-Krist’t a, jè tári nan titeke ndɔ ke Krist unn’n ndu’n ade jèi.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.