Nje Ke Ephese 4:4 - Nouveau Testament en Gulay 2004

⁴ Sei sei balkum danra ke karé bere luk-luk, Ndil-Kem̂nda è karé bere luk-luk a tɔ. Titeke bè á sei géa Nube ɓar sei le kade ingei nyan kundekem̂ tchên dè’t ke karé bere luk-luk nga.

Nje Ke Ephese 4:4 ပူးပေါင်းရင်းမြစ်များ

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Nyanra Njekawkulege 15:11

Jè geri titeke j’ingei kaje takul kêmnoje le Kuwe-ɓee Jésu tite de bè tɔ.

Nje Ke Rome 11:29

Dooge ke Nube ɓar de nga, è tel girtà ke rang dè de’t ndan lé a, nyan ke è ade de nga à tel taa ji de’t gugu ndan lé a tɔ.

1 Nje Ke Corinthe 10:17

Mapa nga è karé bere. Jè bulei ngain, nè jè teli jèi danra ke karé bere tede mapa ke karé bere luk-luk ke j’orèi nan de’t.

1 Nje Ke Corinthe 12:20

Titeke j’an-in, balkum ra doo bulei, nè kage ra doo è karé bere luk-luk.

2 Nje Ke Corinthe 11:4

Sei ilei kêm si pon dè doo ke ree ile mber ɔje dè Jésu karé ke rang se è ke ndɔ ke j’ile mber tà le’n j’ade sei lé nga. Sei taai ndil karé ke rang se è ke ndɔ ke ingei kété se ranel. Sei ilei kêm si pon dè doo ke ree ile mber Tà ke Maje ke tò gai se è ke ndɔ ke i taai ɓá nga.

Nje Ke Ephese 1:18

M’deje Nube le kade ade kum ɓengre si gang tchat. Titeke bè á a i geri nyan kundekem̂ tchên dè’t ke è ɓar sei tede nga. Taɓai sei a geri bò ndubra le’n se bò nyan-ndube ke uwe dè nja unde konn tede le njé ke tooi se ninn de.

Nje Ke Ephese 2:16

Dooge nè nga kété ei girkoje dooge joo, nè ɗarinè Krist tel um de nan’t bɔk se Nube ade ei kosdooge ke karé luk-luk takul kwei le’n kàde kage-ke-dese’t. Krist udu kum kɔr nan njêt ke tò dann de’t takul kwei le’n.

Nje Ke Ephese 2:18

Oiyo, è se takul Krist á jè Juipge a, sei a tɔ, jèi malang j’ingei tà rebe kaw ra Bɔ jéi’t kem̂ Ndil ke karé bere’t nga.

Nje Ke Ephese 2:22

Takul kum nan’t bɔk se Kuwe-ɓee á dé rɔte’n sei bere mbak tà nan’t le kade i teli sei kei ndi Nube se go Ndil’n.

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

Nje Ke Ephese 5:30

Jèi jèi balkum ra Kristge.

Nje Ke Colosses 1:5

Sei undei kem̂ si tchên dè nyan ke Nube uwe nja tede le si kem̂ ɓeekon ke danrán. Mber ngarankum Tà ke Maje ke ndɔ ke d’ile d’ade sei nga á è gir kundekem̂ tchên le si kuwe.

Nje Ke Colosses 3:15

Maje kade kem̂lom le Krist on ɓee dè ɓengre si’t. Sei nga, Nube ɓar sei le kade kem̂ si tò lom a, le kade sei danra ke karé bere a tɔ. Adi kem̂ si olé dè kem̂-maje’t le Nube, i rai nin oiyo se ndɔge malang.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Tite 3:7

Jésu-Krist ɔr tà dè jéi’t se go kem̂noje le’n tede kade jè teli jèi njé kinge nyan-ndubege se go kundekem̂ tchên dè ndikumgajer se non nga.

1 Pierre 1:21

E takul’n è Krist á sei undei kem̂ si dè Nube’t ke njè kade unde loo tee dann njé ke koo’t a, ke njè kule ndubra dènn’t a tɔ. Gir’n ke nè á sei undei kem̂ si dè Nube’t a, kem̂ si too’n tchên ke dènn’t a tɔ.

1 Jean 3:3

Nanan ke unde kem̂’n tchên dè Krist’t ɓaa, maje kade ade ra’n unju nyang-nyang titeke Krist géa ade ra’n unju’n nyang-nyang bè tɔ.