Nje Ke Ephese 4:1 - Nouveau Testament en Gulay 2004

¹ Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

Nje Ke Ephese 4:1 ပူးပေါင်းရင်းမြစ်များ

Nyanra Njekawkulege 9:31

Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.

Nje Ke Rome 11:29

Dooge ke Nube ɓar de nga, è tel girtà ke rang dè de’t ndan lé a, nyan ke è ade de nga à tel taa ji de’t gugu ndan lé a tɔ.

Nje Ke Rome 12:1

Ngakonmge, Nube ra se jéi kêmkanm ke bò. Gir’n ke nè á m’ndeje’n sei le kade unni ra si bere adi Nube ke nyankuje-mese ke tò kumgajer ke ɔje dè Nube a, ke taa kum’n a tɔ. E ke nè á è nyan kunn ke gete ke uwe made nan se tà le Nube.

1 Nje Ke Corinthe 4:16

M’ra ndoo ra si’t kade i ndaji kum’m man titeke man géa m’ndaje kum Krist bè tɔ.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 5:20

Jè jè ngann njékulege tede le Krist. Nube ɓar dooge ke rann’t takul jé jè. Bè ɓaa, jè ndête sei se ri Krist kade umi nan’t bɔk se Nube.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

Nje Ke Galatie 4:12

Ngakonmge, m’deje sei le kade i teli i tooi tite’m titeke man géa m’tel m’ee’n tite si sei bè tɔ. Sei rai se’m majelé karé bè lé.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Ephese 3:1

E tede è ke nè á man Paul m’ee’n dangai le Jésu-Krist tede le si sei ke sei Juipge lé nga.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

Nje Ke Ephese 4:4

Sei sei balkum danra ke karé bere luk-luk, Ndil-Kem̂nda è karé bere luk-luk a tɔ. Titeke bè á sei géa Nube ɓar sei le kade ingei nyan kundekem̂ tchên dè’t ke karé bere luk-luk nga.

Nje Ke Ephese 5:2

I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Philippes 3:14

M’an-in ngɔde m’ɔje’n dè nyankuge dè ji’m. Nube ɓar’m le kade m’inge nyankuge dè ji’m danrán takul kum ke m’um nan’t bɔk se Jésu-Krist.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

Nje Ke Colosses 2:6

Titeke sei an-in Jésu-Krist ke Kuwe-ɓee nga ɓaa, i njiyei se go rebe le’n ke è tɔje sei.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

2 Nje Ke Thessalonique 1:11

Gir’n ke nè á j’ɔje’n tà se Nube se ndɔge malang tede si. Jè deje Nube le jéi le kade ade nyanra si uwe made nan se ndikumgajer se non ke è ɓar sei tede nga. Maje kade ra se si se go tɔgmong le’n ade i rai nyange malang ke maje ke i ndigi rai. Maje kade Nube ade i ndii kum dè ra kule dè kundekem̂’t le si.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

Tite 2:10

I ndeje de le kade ei njé meendé nyange lé, nè le kade se ndɔge malang ei njé ra nyange ke maje tá kuwe dege à taai kem̂ de. Ke nè á ɓerge rai titeke bè ɓaa, ei à ilei riɓar dè nyan-ndó’t le Nube ke njèkaje jèi.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

1 Pierre 2:11

Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.

1 Pierre 3:9

I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

1 Pierre 5:10

Nyankem̂konge ke à rai sei nga, kò’n à tò mbɔr lé. Nè Nube ke ɓar sei nga, nyan-nojege malang in rann’t. E ɓar sei le kade oréi nan se’n dè ndubra’t le’n ke à tò sár se non takul kum ke sei umi nan’t bɔk se Krist. Nube kuwe à tel gɔl sei kade i teli i ndai dè nja si’t njáng anje tɔ pum.

2 Pierre 1:3

Kuwe-ɓee Jésu nga ade jèi nyange malang ke j’awi ndoo’n se go tɔgmong le’n le kade jè ndii kumgajer a, j’ilei koje dè Nube’t a tɔ. Kuwe-ɓee Jésu-Krist ade jè geri nin è ke njè ɓar jèi kade j’oréi nan se’n dè ndubra’t le’n a, dè tɔgmong’t le’n a tɔ.

2 Jean 1:5

Kyria, ɗarinè m’ra ndoo rai’t: ade jè tári nan. E ndukunn ke ndɔ ke j’ingei kété mari ke desêin nga kuwe á m’ndang m’adi m è ke kige lé.