Nje Ke Ephese 3:9 - Nouveau Testament en Gulay 2004

⁹ Ribe dè nyan ke tò loo ɓɔyɔn’t nga, è man á Nube um kule’n jim’t tede dooge malang. Nyan ke tò loo ɓɔyɔn’t nga, kété mari Nube ke Njèkunde nyange malang ɓɔyɔ dè se dooge.

Nje Ke Ephese 3:9 ပူးပေါင်းရင်းမြစ်များ

Matthieu 10:27

Tà ke m’ede sei dann ndɔɔ nga, ilei mber’n dann kada ndái-ndái. Tà ke dé kɔte mbi si’t nga, ilei mber’n adi dooge malang se loo-loo.

Matthieu 13:35

E ra titeke bè le kade tà ke njèribe-dè-tà ke tà Nube’t tam kété mari ede nè: «M’a m’ede de tà se gostàge, m’a m’ɔr gir nyange ke tooi loo ɓɔyɔn’t mari loo kunde gir nang’t.» Tà nè nga aw loon’t deĵ.

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Jean 10:30

Man se Bɔ’m jè karé.

Jean 5:17

Nè Jésu ede de ede nè: – Bɔ’m ndi ra kule kum’n ke kété-kété sár tee ɗarinè ɓai. Man géa m’ndi m’ra kule kum’m ke kété-kété tɔ.

Jean 5:19

Jesu tel unn tà tam ede de ede nè: – Kerɔte kuwe, man m’ede sei ndàt, Ngonn asekum ra nyan karé bè se dè ra’n lé, nè nyan ke è an ra Bɔn’t á è ra. Tede nyan malang ke Bɔ ngonn ra nga, ngonn’n géa à ra titeke bè tɔ.

Nyanra Njekawkulege 15:18

Kuwe-ɓee ke njè ra nyange malang nè nga kuwe á tam bè. Nyan ke è ra ɗarinè nga, è nyan ke è ɔji rebe’n kété mari ke desêin.»

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

1 Nje Ke Corinthe 2:7

Kumkunju le Nube ke kété tò loo ɓɔyɔn’t á m’ile mber’n m’ade sei. Kumkunju nè nga Nube uwe dè nja unde konn tede riɓar le jéi kété mari ɓita unde nang nè ɓai.

Nje Ke Ephese 1:4

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ.

Nje Ke Ephese 3:2

Sei ooi ser noje ke Nube uwe se’m tede tà le si nga ɓá.

Nje Ke Ephese 6:19

Man géa, ɔji tà se Nube ngain tede’m tɔ. I rai titeke bè tede kade Nube ule tà tàm’t ade m’ile’n mber Tà ke Maje ke tò loo ɓɔyɔn’t nga se kem̂nda káng.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 1:26

Tà le Nube nga kété mari è nyan ke tò loo ɓɔyɔn’t tede le dooge ke ndi dè nang nè. Nè ɗarinè Nube ribe dè ade njé ke ei lennge.

Nje Ke Colosses 3:3

Kerɔte kuwe, sei weii ɓá, ndikumgajer le si nga ɓɔyɔ ra’n sɔk-sɔk ra Nube’t takul kum ke umi bɔk nan’t se Krist.

Nje Ke Colosses 4:3

Ɔji tà se Nube tede tà le jé tɔ. Titeke bè á è à ɔr’n tà rebe kade j’ile’n mber tà le’n. I deji nin le kade ɔr tà rebe ade j’ile’n mber tà le Krist ke tò loo ɓɔyɔn’t ɓai nga. E tede tà le Krist á ɓila m’ndii’n se sulge jim’t.

2 Nje Ke Thessalonique 2:13

Ngakon jége, sei kotárge le Kuwe-ɓee, jè ɓaa jè ra Nube oiyo se ndɔge malang tede le si. Jè ra’n oiyo tede tɔr ke è tɔr sei kété mari ke desêin tede le kaje si se go tɔgmong le Ndil-Kem̂nda. Ndil-Kem̂nda tɔr sei undei sei se ninn’n gai tede kem̂ si ke undei dè ngarankum tà’t nga.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

1 Pierre 1:20

Krist nga Nube ɔr’n ke njè kuge dè dooge kété mari ke desêin ɓita unde nyange malang ke dè nang nè ɓai. Nè ɗarinè è kile ra’n ke nata kem̂ ndɔge ke ngeinn’t nè tede tà le si.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 14:6

Taɓai, m’an doo ke danrán karé ke rang nel se bage’n aw dann danran’t danné bɔp. E aw se Tà ke Maje ke tò se non tede kile mber’n kade dooge malang ke ndii dè nang nè. Mber Tà ke Maje nga ɔje dè kosdooge a, girkoje dooge malang ke dè nang nè ke tà tam de è gai-gai a, se dooge ke se dè ɓee-dè ɓee a tɔ.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 4:11

«Kuwe-ɓee Nube le jé, i asekum kinge ndubra se riɓar a, se tɔgmong a tɔ. E i kuwe á i njèkunde nyange malang. E se go kem̂ndige lei i kuwe á unde’n nyange malang ade tooi tutu.»