Nje Ke Ephese 3:7 - Nouveau Testament en Gulay 2004

⁷ Takul noje ke Nube uwe se’m se go tɔgmong le’n á m’tel m’ee’n ngonn njèkile mber Tà ke Maje nè nga.

Nje Ke Ephese 3:7 ပူးပေါင်းရင်းမြစ်များ

Nje Ke Ephese 1:19

M’deje Nube ɓai le kade ade kum si gang dè tɔgmong le’n ke kile ke nata tede jéi jèi njétaakem̂-Kristge. Tɔgmong ke bò nè nga, è è ke ndɔ

Nje Ke Ephese 3:20

Se go tɔgmong le Nube ke ra kule kem̂ jéi’t nga, Nube asekum ra nyan kade al dè nyan malang ke jè deji nin éké ke jè giri kem̂ jéi’t.

Nje Ke Ephese 3:2

Sei ooi ser noje ke Nube uwe se’m tede tà le si nga ɓá.

2 Nje Ke Corinthe 3:6

E kuwe tel jè ke ngann njékulege ke ɔje dè mann-ra ke kige nè nga. Mann-ra ke kige nga ndune ra’n ra gute-ndu ke dé ndang kêm magtub’t nga lé, nè ndune ra’n ra Ndil-Kêmnda’t. Gute-ndu ke dé ndang kêm magtub’t nga ade doo wei, nè Ndil-Kêmnda ade doo tel ndi kumgajer.

Hebreuge 13:21

Maje kade Nube ke njè kade jèi kem̂lom ade sei tɔg si ade i rai nyange ke maje ke se ri de-ri de. Maje kade ade sei tɔg si kade i rai nyan ke kem̂’n ndige. Maje kade Nube ade jè rai nyange ke taai kum’n takul Jésu-Krist. Maje kade ndubra è le Krist sár se non. Maje kade è titeke bè kuwe.

1 Nje Ke Thessalonique 2:13

Loo ke ndɔ ke j’ede sei tà le Nube j’ade ooi nga, sei taai dè ɓengre si’t. Sei taai tà nè nga ke tà ke in tà Nube’t kerɔte kuwe m in tà doo’t karè lé. Gir’n ke nè á tà nè nga ra’n kule kem̂ si sei njétaakem̂-Kristge. E ke nè á è gir nyan karé ke rang ke ade jè ra’n oiyo se ndɔ jé-ndɔ jé nal kebe’t.

Nje Ke Colosses 1:29

Gir’n ke nè á m’ra’n kule m’ɔr’n yàl-yàl a, m’rɔ’n se go tɔg le Krist ke ra kule ram’t ngain.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 3:5

A ɓaa, ké Apollos nga è nan wa? Ké Paul nga è nan wa? Jè joo mbak jè ngann njékulege le Nube le ra se si le kade undei kêm si dènn’t. Nanan géa dann jé’t ra kule ke ɔje dè’n ke Kuwe-ɓee um jinn’t.

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Ephese 4:16

E takul’n è á ngire-rage ke gai-gai ndii tà nan’t ndeĵ-ndeĵ a, umi nan’t bɔk adi danra bere mbak uwe’n nan maje sem̂-sem̂ takul dè kur-rage. Ke nè á balkum ra karé-karé malang ra kule ke ɔje dè’n-dè’n ɓaa, danra bere mbak à ra tɔge ke kété-kété a, à ɓisir takul tár nan.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Nje Ke Galatie 2:8

Nube ke njè tel Pierre ke njèkawkule le Juipge nga kuwe á tel’m ke njèkawkule le dooge ke ei Juipge lé tɔ.

2 Nje Ke Corinthe 4:1

Nube ade jè ra kule nè nga se go kêmkanm le’n. Gir’n ke nè á j’ade kêm jé tête’n mann lé.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nje Ke Rome 12:3

Nube uwe se’m noje ke bò. Gir’n ke nè á m’ede’n sei karé-karé malang le kade undei kumkunju dè ra si’t ɔje dè tàgir le si. Maje kade nanan géa aw se tàgir ke ase dè tɔge kundekêm ke Nube ɔje ɗike’n ade’n nga.