Nje Ke Ephese 3:3 - Nouveau Testament en Gulay 2004

³ Nube ribe dè nyan ke tò loo ɓɔyɔn’t ade m’ger titeke m’ndang’n tà’n ndêin m’ade ooi ɗarinè.

Nje Ke Ephese 3:3 ပူးပေါင်းရင်းမြစ်များ

Nyanra Njekawkulege 22:17

Go’t gugu m’tel m’ree Jérusalem. Ndɔ karé bè, m’ndi kêm kei le Nube m’a m’ɔje se’n tà ɓaa, nyanpinde tee dèm’t. M’an Kuwe-ɓee tee ke kum’t pan ede’m ede nè:

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 23:9

Dé kɔl nan heyei. Njékɔrgir gute-ndu ke nange ke ei dann Pharisienge ɔsi nang in-in naji tà nè nga utei mbeng-mbeng edi nè: – Doo nè nga, jè j’an majelé karé ke è ra lé. Bainléa è ndil éké è doo ke danrán karé á ede’n tà, jè ger lé.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

Nje Ke Rome 16:25

Ade j’ilei riɓar dè Nube’t. E aw se tɔgmong le kule’n dingem kêm si’t se go Tà ke Maje le Jésu Krist ke m’ile mber’n nga. Tà ke Maje nè nga kété mari è nyan ke tò loo ɓɔyɔn’t.

2 Nje Ke Corinthe 12:1

Kunde kàde’m éké kunde kàde’m lé géa, nyan karé ke è soom’t goto. Nè né è bè géa, m’a m’unde kàde’m ndêin kuwe pa ɓita. M’a m’unde kàde’m ɔje dè nyange ke tooi loo ɓɔyɔn’t ke Kuwe-ɓee tee’n ade m’an a, m’ger gir a tɔ.

Nje Ke Galatie 1:12

Tà ke Maje nè nga, m’inge ra doo karé’t lé a, doo karé á ndó’m lé a tɔ. Nè Jésu-Krist á ribe dè ade’m.

Nje Ke Ephese 1:17

Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.

Nje Ke Ephese 3:4

Loo ke sei a i tutei magtub nè ɓaa, sei asikum kan-in titeke m’ger nyan ke tò loo ɓɔyɔn’t ɔje dè Krist nga.

Nje Ke Ephese 3:6

Se go Tà ke Maje á dooge ke ei Juipge lé oréi nan se jéi jèi Juipge dè nyange ke Nube unde konn tede le kosdooge le’n. Jèi se de jèi balkum danra ke karé bere. Jèi se de j’oréi nan dè ndikumgajer ke Nube unn’n ndu’n ade dooge ke umi se’n nan’t bɔk takul Krist.

Nje Ke Ephese 3:9

Ribe dè nyan ke tò loo ɓɔyɔn’t nga, è man á Nube um kule’n jim’t tede dooge malang. Nyan ke tò loo ɓɔyɔn’t nga, kété mari Nube ke Njèkunde nyange malang ɓɔyɔ dè se dooge.

Nje Ke Ephese 6:19

Man géa, ɔji tà se Nube ngain tede’m tɔ. I rai titeke bè tede kade Nube ule tà tàm’t ade m’ile’n mber Tà ke Maje ke tò loo ɓɔyɔn’t nga se kem̂nda káng.

Nje Ke Colosses 2:2

Man m’ndige kade ɓengre de oso nang pon a, le kade umi nan’t bɔk dè tár nan’t a tɔ. M’ndige kade kumkunju se gos ter nyan ke deri taa ra si pel-pel. Titeke bè á a i geri nyanbaw le Nube ke tò loo ɓɔyɔn’t nga. Nyanbaw le’n ke tò loo ɓɔyɔn’t nè nga è Krist.

Nje Ke Colosses 4:3

Ɔji tà se Nube tede tà le jé tɔ. Titeke bè á è à ɔr’n tà rebe kade j’ile’n mber tà le’n. I deji nin le kade ɔr tà rebe ade j’ile’n mber tà le Krist ke tò loo ɓɔyɔn’t ɓai nga. E tede tà le Krist á ɓila m’ndii’n se sulge jim’t.

Hebreuge 13:22

Ngakonmge, m’deje sei kade i taai tà ndejege nè nga se kem̂nda káng, tede tàge ke m’ndang kem̂ magtub’t m’ule’n m’ade sei nga, ase loon’t bè karè.

1 Pierre 5:12

Man m’an Silas ke ngokon jéi ke get. Takul’n è á m’ndang’n magtub ndêin bè m’ade sei le kule’n dingem kem̂ si’t, le kede’n sei ngarankum noje ke Nube uwe se si nga kade i ligri tutu lagr-lagr.

2 Pierre 3:15

An-in! kem̂kile le Kuwe-ɓee Nube nga á è gir kaje le si. E ke nè á è tà ke ndɔ ke ngokon jéi Paul ke è kotár le jéi ndang’n magtub ede’n sei tà nè ɓá. E ede sei tà nè se kumkunju ke Nube ade’n.