Nje Ke Ephese 3:2 - Nouveau Testament en Gulay 2004

² Sei ooi ser noje ke Nube uwe se’m tede tà le si nga ɓá.

Nje Ke Ephese 3:2 ပူးပေါင်းရင်းမြစ်များ

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 11:13

E sei ke sei Juipge lé á ɗarinè m’a m’ade sei tà nè: Man m’ee njèkawkule le dooge ke ei Juipge lé. M’unn tà kule nè ngain tede è kule ke bò ke Nube ade’m.

Nje Ke Rome 12:3

Nube uwe se’m noje ke bò. Gir’n ke nè á m’ede’n sei karé-karé malang le kade undei kumkunju dè ra si’t ɔje dè tàgir le si. Maje kade nanan géa aw se tàgir ke ase dè tɔge kundekêm ke Nube ɔje ɗike’n ade’n nga.

1 Nje Ke Corinthe 4:1

Maje kade an-in jè ke ngann njékulege le Krist a, ke njé kan dè nyange le Nube ke tooi loo ɓɔyɔn’t a tɔ.

Nje Ke Galatie 1:13

Sei ooi ser nyanra’m se pa njiye’m kété ke m’nain’n dann girkàge’t le Juipge ɓai nga mbak. Njékebe nange le Nube nga ndɔ ke m’ɔr de kororoi m’ade al dè loo’n a, m’sanrin de sakte-sakte a tɔ.

Nje Ke Ephese 1:10

Loo ke ndɔ’n à ase deĵ ɓaa, nyan ke Nube ɔje le ra á tò nè: A ɔse nja nyange ke danrán se nyange ke dè nang nè malang nan’t le kade Krist è doo dè de.

Nje Ke Ephese 3:7

Takul noje ke Nube uwe se’m se go tɔgmong le’n á m’tel m’ee’n ngonn njèkile mber Tà ke Maje nè nga.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Nje Ke Ephese 3:9

Ribe dè nyan ke tò loo ɓɔyɔn’t nga, è man á Nube um kule’n jim’t tede dooge malang. Nyan ke tò loo ɓɔyɔn’t nga, kété mari Nube ke Njèkunde nyange malang ɓɔyɔ dè se dooge.

Nje Ke Ephese 4:21

Ké nè á ndɔ ke ooi tà le’n kerɔte a, ndɔ ke dé ndó sei nyan se go ngarankumtà ke in ra Jésu’t a tɔ ɓaa,

Nje Ke Ephese 4:7

Nè né è bè géa, jèi karé-karé malang j’ingei nyan-noje karé ke ɔje dè jéi, dè jéi. Krist á è njè kɔje nyan-noje nè nga se go kem̂-maje le’n.

Nje Ke Colosses 1:4

J’oo ser kundekem̂ dè Jésu-Krist’t le si se ser tár ke sei tári dooge malang ke ei le Nube nga.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

1 Timothee 1:11

Nyan-ndó ke maje nga uwe made nan se Tà ke Maje le Nube ke njè ndubra se njè gir ranel a tɔ. Oiyo, Nube ke njè tɔgmong um kule mber Tà ke Maje nè nga jim’t kuwe.

1 Timothee 1:4

M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.

1 Timothee 2:7

E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ.

2 Timothee 1:11

Man nga Nube ɔr’m unde’m ke paja mber Tà ke Maje nè nga. Nube ɔr’m unde’m ke njèkawkule a, ke njèndó nyan dooge ke ei Juipge lé a tɔ.