Nje Ke Ephese 3:1 - Nouveau Testament en Gulay 2004

¹ E tede è ke nè á man Paul m’ee’n dangai le Jésu-Krist tede le si sei ke sei Juipge lé nga.

Nje Ke Ephese 3:1 ပူးပေါင်းရင်းမြစ်များ

Tà ke Maje ke Luc ndang 21:12

Nè kété ɓita kade nyange nè teei ɓai nga, d’a tuwe sei a, d’a ra kum si ndoo a, d’a d’ule sei ji ngar dè kei kebe nan a, d’ade ɓuku sei dangai’t a, d’ade kali sei kaw se si non ngar-ɓeege’t se non njékonɓeege’t a tɔ. D’a ra se si nyange nè nga titeke bè tede’m man.

Nyanra Njekawkulege 21:33

Njèkan dè njérɔge ke aru dɔg age ngɔr ke ra Paul’t ade d’uwe’n. E unn ndu’n ade dé tɔ’n se sul joo ɓita, go’t gugu è deje ede nè: – Ké doo nè nga è nan wa? Ké ra ri wa?

Nyanra Njekawkulege 23:18

Njèkan dè njérɔge ke aru karé nè nga aw se’n ra kuwe de’t, ede’n ede nè: – Paul ke è dangai nga ɓar’m ede’m le kade m’ree se basa nè rai’t tede aw se tà karé le kedi.

Nyanra Njekawkulege 26:29

Nè Paul ede nè: – Nain ngɔr éké kò’n tò géa, m’kɔ Nube kade teli ke njètaakêm-Krist tite’m man bè, i se kari bere lé, nè sei malang ke ooi tà le’m ɓila, anje sulge ke dé tɔɔ’m nè kuwe se kar de bere.

Nyanra Njekawkulege 9:15

Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

2 Nje Ke Corinthe 1:6

Ke nè á jè ndi dann nyantosowurge’t ɓaa, è tede kade ingei kêmsɔl lom se kaje a tɔ. Ke nè á d’ade j’inge kêmsɔl ɓaa, è tede kade ingei sɔlkêm ke asekum ra se si kade oréi tà si njak dè nyankêmkonge ke rai sei titeke kété ra’n jè nga tɔ.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 11:23

Ke nè á dooge nè nga ei ngann njékulege le Krist ɓaa, man géa m’ee ngonn njèkule le’n m’dum de ɓai. M’tam tà nè asenan se mbe doo bè. M’ule ra’m ndibe loo kule’t m’dum de malang. M’ra dangai ngain m’dum de malang. D’unde’m dé gang ra’m dàp-dàp dum de a, dɔ-dɔ m’ndi tà yo’t nja bule m’dum de a tɔ.

Nje Ke Galatie 5:11

Ngakonmge, man m’ile mber kuje tà mɔte lé. Ke nè á m’ile mber kuje tà mɔte ɓaa, ké Juipge à ɔri man kororoi tede ri taɓai wa? Ke nè á m’ile mber kuje tà mɔte ɓaa, kwei le Krist kàde kage-ke-dese’t à tel k’ee jig le tuge nja doo kile’n dann kaiya’t lé ta.

Nje Ke Galatie 5:2

Ooi maje, man Paul m’ede sei ndàt, ke nè á adi d’uje tà mɔte si ɓaa, sei an-in Krist ke nyan lé.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Ephese 3:11

Se go nyan ke kété mari sár ɗarinè. Nyan ke Nube ɔje kété mari ke desêin nga kile ra’n ke nata ɗarinè takul Kuwe jéi Jésu-Krist.

Nje Ke Ephese 3:13

Gir’n ke nè á m’deje’n sei le kade adi kem̂ si tête mann ɔje dè nyantosowurge ke m’inge tede tà le si nga lé. Nyantosowurge nè nga ei riɓar le si.

Nje Ke Ephese 3:8

Man m’ee tà mbà le njétaakem̂-Kristge malang. Nè né è bè géa, Nube uwe se’m noje ade m’ile mber nyanbaw le Krist ke doo asekum ger lé m’ade dooge ke ei Juipge lé.

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

Nje Ke Ephese 6:20

E tede Tà ke Maje á ɓila m’ndii’n se sulge njam’t. Ɔji tà se Nube tede kade m’ile’n mber Tà ke Maje le’n nga se kem̂nda káng.

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

Nje Ke Colosses 1:24

Ɗarinè, m’ra ranel dè nyankem̂konge ke m’inge tede le si. Titeke bè á m’oré’n se Krist nan dè nyantosowurge ke ndɔ ke ra’n, se ndɔ’m-ndɔ’m tede le danra’n ke è njékebe nange le Nube nga.

Nje Ke Colosses 4:18

An-in! lapya ke man Paul kuwe m’ra sei se ji’m á nè: Adi kem̂ si olé dè sulge ke jim’t. Maje kade kem̂noje le Nube nain se si.

Nje Ke Colosses 4:3

Ɔji tà se Nube tede tà le jé tɔ. Titeke bè á è à ɔr’n tà rebe kade j’ile’n mber tà le’n. I deji nin le kade ɔr tà rebe ade j’ile’n mber tà le Krist ke tò loo ɓɔyɔn’t ɓai nga. E tede tà le Krist á ɓila m’ndii’n se sulge jim’t.

2 Timothee 1:16

Maje kade Kuwe-ɓee ra kem̂kanm se njé ke kem̂ kei le Onésiphore tede dɔ-dɔ è sɔl kem̂’m ade ra’n sɔl’n dè sul ke d’ile jim’t nè nga lé.

2 Timothee 1:8

Ade rai sɔli dè kɔrgo tà le Kuwe-ɓee le jéi nga lé. Ade rai sɔli dè’m man’t ke m’tò dangai’t tede tà le’n nga lé a tɔ. Ule rai se’m nan’t bàj dann nyankem̂kon ke m’ndi tutu tede Tà ke Maje. Dann nyankem̂kon’t nè nga, um kem̂i dè tɔgmong’t le Nube.

Philemon 1:1

Man Paul m’tò dangai’t tede tà le Jésu-Krist. Timothée è se’m nan’t. M’ndang magtub nè m’adi i Philémon kotár le jé se made kule le jé.

Philemon 1:23

Epaphras, njé made dangai le’m gir Jésu-Krist’t rai lapya.

Philemon 1:9

Nè m’ra ndoo rai’t tede k’ee ke i kotár le’m. Man Paul ke m’ee ngatɔg doo nga, m’tò dangai’t ɗarinè tede tà le Jésu-Krist.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.