Nje Ke Ephese 2:8 - Nouveau Testament en Gulay 2004

⁸ E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Ephese 2:8 ပူးပေါင်းရင်းမြစ်များ

Matthieu 16:17

Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 20:9

Njékulege ke reei se kàde mi ke loo sɔlé nga, nanan géa taa sile karé-karé.

Marc 16:16

Doo ke um kêm’n dè Tà ke Maje’t ade d’ule’n manné njonm ɓaa, d’a d’aje’n. Nè doo ke um kêm’n dè’t lé ɓaa, tà à uwe dè’n ndɔ gangtà’t.

Tà ke Maje ke Luc ndang 7:50

Jésu tel ede dinye nè ede nè: – Nube ɔri ji ɓer’t le kaiya ɓá tede kêmi ke unde dèm’t. Ɗarinè, aw se kêmlom.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 4:10

Jésu tel ile dinye nè nga dè’t ede nè: – Ke nè á i ger noje ke Nube uwe sei karè nè nga a, i ger doo ke deji ede nè: Ade’m mann m’an-in a tɔ nga ɓaa, né i kuwe a in kété le deje’n mann kain, ayé kadi mann ke an-in kutch-kutch kade an-in i ndii’n kumgajer.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 6:35

Jésu ede de ede nè: – Mapa ndikumgajer nè nga è man. Doo ke ree ram’t ɓaa, ɓo a ra’n ndan lé. Doo ke unde kêm’n dèm’t ɓaa, kunde mann à ra’n ndan lé a tɔ.

Jean 6:37

Njé ke Bɔ’m ade’m se de malang nga à reei ram’t. Doo ke ree ram’t nga, m’a m’ute’n mbeng kile’n nata ndan lé.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Jean 6:44

Ke nè á Bɔ’m ke njèkule’m ndɔr doo ke ram’t lé ɓaa, doo karé géa ase kin se dè’n ree ram’t lé. Doo ke ree ram’t nga, m’a m’ade à unde loo tee dann njé ke koo’t ndɔ ke ngeinn’t.

Jean 6:65

Jésu tam ede nè: – Gir’n ke nè á, ndɔ ke m’ede’n sei kété m’ede nè: Doo karé bè asekum kin se dè ra’n ree ram’t lé. Ke nè á doo karé ree ram’t ɓaa, è Bɔ’m kuwe inye rebe ade’n ree ram’t.

Nyanra Njekawkulege 13:39

Doo ke rara ke unde kêm’n dènn’t ɓaa, Nube à ɔr tà dènn’t kɔke.

Nyanra Njekawkulege 14:27

Loo ke njékawkulege ke joo nè teli reei Antioche, ɓeekon ke Syrie ɓá ɓaa, ɔsi nja njékebe nange le Nube ɔri ser nyange malang ke Nube ra se de a, se tà rebe ke è ɔr inye wei ade dooge ke ei Juipge lé undei kêm de dènn’t a tɔ adi d’oo.

Nyanra Njekawkulege 15:11

Jè geri titeke j’ingei kaje takul kêmnoje le Kuwe-ɓee Jésu tite de bè tɔ.

Nyanra Njekawkulege 16:14

Dinye karé dann de’t ri’n nè Lydie, è njè ra gate. Dinye nè nga in kêm ɓee le’n ke ri’n nè Thyatire á ree ndi kêm ɓee-bò ke Philippes ige kubuge ke ker perm-perm. Dinye nè è njè ɓel Ndil Nube. Lydie ndi ur mbi’n ke ra jé’t. Gir’n ke nè á Kuwe-ɓee teen’n ngarankêm’n ade ur’n mbi’n ngaw njêt oo’n tàge ke Paul à tam.

Nyanra Njekawkulege 16:31

Paul se Silas ilei nin dè’t edi nè: – Unde kêmi dè Kuwe-ɓee Jésu’t ɓaa, d’a d’aji i se njénojege lei.

Nje Ke Rome 10:14

Ke nè á doo unde kêm’n dè Kuwe-ɓee’t lé ɓaa, è à ɓar Kuwe-ɓee kade ra se’n titeke bain wa? Ke nè á doo oo tà le Kuwe-ɓee lé ɓaa, è à unde kêm’n dènn’t titeke bain wa? Ke nè á doo ile mber Tà ke Maje ade dooge lé ɓaa, ei à ooi tà le Kuwe-ɓee Nube titeke bain wa?

Nje Ke Rome 10:17

Tà ke Maje ke Krist unn ndu’n ade d’ile mber’n d’ade doo á è gir kade doo unde’n kêm’n dè Krist’t.

Nje Ke Rome 4:16

Titeke bè ɓaa, kunn-ndu nè nga tò ɔje dè kundekêm tede le kade è nyan-noje le Nube. Kunn-ndu nè nga tò njáng tede le ngannkà Abrahamge malang. Kunn-ndu nè nga è tede le njé ke ilei koje dè gute-ndu’t á se kar de lé, nè è tede le njé ke undei kêm de dè Nube’t tite bɔ jéi Abraham bè tɔ.

Nje Ke Rome 4:5

Ke nè á è ra kule lé, nè è unde kêm’n dè Nube ke njè kɔr tà dè njè ra nyan majelé’t nga ɓaa, Nube ɔr tà dènn’t takul kundekêm le’n.

Nje Ke Rome 9:16

Bè ɓaa, Nube ɔr doo ke è ndige le ra se’n kêmkanm. Kɔr ke è ɔr doo nga tò ɔje dè kêmndige le doo éké nyanra doo lé; nè ɔje dè Nube ke njè ra kêmkanm se doo nga kuwe karé bere.

Nje Ke Galatie 3:14

Krist ra titeke bè le kade dooge ke ei Juipge lé ingei ndutɔr ke ndɔ ke Nube unn’n ndu’n ade Abraham. Ndutɔr nè nga dooge ke ei Juipge lé ingei takul Jésu-Krist. Ndil-Kem̂nda ke ndɔ ke unn ndu’n le kade jéi nga, j’ingei takul kundekem̂.

Nje Ke Galatie 3:22

Nè Magtub ke tò se ninn’n tam ndàt ede nè: Dooge malang ndii gir tɔgmong’t le kaiya. Nyan ke Nube unn’n ndu’n le kade dooge nga, njétaakem̂-Kristge ingei takul kundekem̂ le de.

Nje Ke Ephese 1:19

M’deje Nube ɓai le kade ade kum si gang dè tɔgmong le’n ke kile ke nata tede jéi jèi njétaakem̂-Kristge. Tɔgmong ke bò nè nga, è è ke ndɔ

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Philippes 1:29

Tede Nube uwe se si noje le kade undei kem̂ si dè Krist’t á go karé lé, nè le kade ingei nyankem̂konge tede le Krist.

Nje Ke Colosses 2:12

Dé dubu sei se Krist nan’t ndɔ ke d’ule’n sei manné njonm nga. Nè sei undei loo i teei se’n nan’t dann njé ke koo’t takul kem̂ si ke undei dè tɔgmong’t le Nube ke njè kade è unde loo tee’n dann njé ke koo’t.

2 Nje Ke Thessalonique 1:9

Dé nè nga, kure nyanra de ke à ɔde kum de nga, è tuju ke se non a, d’a ndi heb tàkum Kuwe-ɓee ke tɔgmong le’n dum dè loo.

Hebreuge 6:4

Doo ke nange ke teli osoi dann majelé’t nga, ei dooge ke ingei lookar le Nube ɓá. Ei dooge ke nan-in nyan-noje le Nube geri nel’n ɓá a, ingei Ndil-Kem̂nda ɓá a tɔ.

1 Pierre 1:5

Sei nga tɔgmong le Nube an-in ngang si garar-garar takul kundekem̂ le si. E an-in ngang si titeke bè tede kaje ke è uwe dè nja tede le si nga, nain ngɔr ɓaa à kile ra’n ke nata ndɔ ke ngeinn’t.