Nje Ke Ephese 2:3 - Nouveau Testament en Gulay 2004

³ Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Ephese 2:3 ပူးပေါင်းရင်းမြစ်များ

Marc 4:19

Nè kêm de tò kekek ke dè nyange ke dè nang nè se ndɔ de-ndɔ de. Taɓai ngur nyankinge a, se ngur nyange ke rang gai-gai leŝi de awi ndii dè ɓengre de’t. Nyange nè nga malang in-in pujuri dè Tà ke Maje ke dé dubu dè ɓengre de’t nga ade dè’n ur kuju karè.

Jean 1:13

Ei nè nga teli ei ngann le Nube se go girkoje le de ke dè nang nè lé. Nè girkoje le de in ra Nube’t ke njè kade de kebe ke kige.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nyanra Njekawkulege 14:16

Kêm loge ke kété mari Nube inye dooge ke ei Juipge lé adi rai nyange ke kêm de ndige.

Nje Ke Rome 1:24

Gir’n ke nè á, Nube inye’n de dann ngur nyange ke mine ke uri kei dè ɓengre de’t ade d’ile’n rasɔl dè danra de dé’t kuwe.

Nje Ke Rome 11:30

Sei nga kété sei njékaltà tà Nube’t. Nè ɗarinè, è ra se si kêmkanm ade ingei kêm tin mbit tede kaltà le Juipge.

Nje Ke Rome 13:14

Nè i teli i ndaji kum Kuwe-ɓee Jésu-Krist. Inyei ra si adi ngur nyange le danra ndɔr sei aw se si loo nyanra ke majelé’t lé ta.

Nje Ke Rome 2:14

Dooge ke ei Juipge lé nga geri gute-ndu le Moise lé. Nè né è bè géa, ei kuwe in-in se kêm de rai nyange ke gute-ndu ɔje. Loo ke ei rai titeke bè nga ɓaa, ei tɔji jè titeke awi se gute-ndu ke ɔje dè de ei kuwe tɔ.

Nje Ke Rome 5:10

Kerɔte kuwe, kété jéi njébange le Nube. Nè ɗarinè, Nube um jéi nan’t se’n takul kwei le Ngonn’n. Ke nè á j’um nan’t se Nube ɓá ɓaa, Nube à aje jéi takul ndikumgajer le Ngonn’n nga tɔ.

Nje Ke Rome 5:9

Ɗarinè tà ɔr dè jéi’t ɓá takul mese’n. Taɓai Krist á ɔr jèi tà wong’t le Nube.

Nje Ke Rome 6:12

Danra ke ndɔn’t à wei nga adi kaiya tel on ɓee dènn’t ndan lé ta. I teli i turi ra si go ngur nyange’t ke ɔje dè danra si nga ndan lé a tɔ.

Nje Ke Rome 7:18

M’ger titeke man se dè ra’m nga, nyan ke maje urkei kêm’t mbêt lé. M’uwe ra nyan ke maje se ji’m mêtch kuwe, nè tɔge ra’n kɔr son á goto.

Nje Ke Rome 9:22

Nube ndige tɔje wong le’n ke nata; è ndige le kade dooge geri tɔgmong le’n. Nè è ile kêm’n pon dè dooge ke wong ra’n dè de’t a, ke ndii tà tuju’t a tɔ.

1 Nje Ke Corinthe 4:7

Ké nan adi i tò gai dann madige’t wa? Ké ri á i kuwe inge se dè rai nal kade Nube kuwe á adi wa? Ke nè á nyan malang ke inge nga è Nube kuwe á adi ɓaa, ké tede ri á unde’n kàdi titeke è i kuwe á inge se dè rai bè wa?

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Galatie 3:22

Nè Magtub ke tò se ninn’n tam ndàt ede nè: Dooge malang ndii gir tɔgmong’t le kaiya. Nyan ke Nube unn’n ndu’n le kade dooge nga, njétaakem̂-Kristge ingei takul kundekem̂ le de.

Nje Ke Ephese 2:2

Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

Nje Ke Ephese 4:22

inyei go nyanra sige ke mari nga kɔke ta. Nyanra sige ke mari nga uwei ɔri de ra si’t tite kubu ra ndis bè. Sei nga kété ngur libe kum dooge ke rusu kem̂ si njin-njin tuju sei.

Nje Ke Colosses 1:21

Sei nga kété mari d’an sei ke mbage a, ke njébange le Nube se go tàgirge le si a, se go kule ra sige ke majelé nga a tɔ.

1 Nje Ke Thessalonique 4:13

Ngakon jége, tà ke ɔje dè dooge ke weii, jè ndige le kade i geri maje. Titeke bè á a i rai ra si ndoo tite dooge ke rang ke nyan kundekem̂ tchên dè’t le de goto nga lé.

1 Nje Ke Thessalonique 5:6

Bè ɓaa, adi jè tooi ɓi tite njé ke rang bè lé; nè adi jè ndii dè nja jéi’t, adi jè ndii kum jéi karè.

1 Timothee 6:9

An! dooge ke ndigi teli k’ei bawge nga osoi dann nyan sú’t se dann gum’t le ngur nyange ke raikarè ke majelé. Ngur nyange nè nga ile dooge tà yo’t a, dubu de dann tuju’t bɔndum a tɔ.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

1 Jean 2:16

Nyange malang ke ei le nang nè nga á tooi nè: Kem̂kein le danra a, ngur kinge nyange malang ke kum jéi an a, ti ra ke ɔje dè nyankingege ke dè nang nè a tɔ nga, in-in ra Bɔ jéi Nube’t lé, nè ei in-in dè nang nè.

1 Jean 2:8

Nè né è bè géa, è ndukunn ke kige á m’ndang m’ade sei. E ndukunn ke kige ke ngarankum nyan’n ribe ra’n ke nata takul Krist a, takul si sei a tɔ. Tilkus ndi sanrin kɔke ade lookar ke get unn gir ndogó ɓá ta.