Nje Ke Ephese 2:2 - Nouveau Testament en Gulay 2004

² Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

Nje Ke Ephese 2:2 ပူးပေါင်းရင်းမြစ်များ

Matthieu 11:19

Nè loo ke man ke m’ee Ngonn doo nga m’ree ɓaa, m’use nyan a, m’an-in nyan a tɔ ɓaa, dooge tami edi nè: «An-in! doo nyankuse se doo nyankain. E uwe made nan se njétaa tirge se njé ra majelége.» Nè loo ke doo an nyange ke Nube ra se kumkunju le’n ke deri nè ɓaa, à ger titeke Nube ndige kaje jèi kuwe.

Matthieu 13:22

Njar ko ke dubu dann konnge’t nga, tò asenan se doo ke oo tà nè, nè kêm’n tò kekek a, nyan sú le nyanbawge ke dè nang nè pujuri dè tà nè nga ade ur kuju.

Matthieu 13:38

Ndɔr nga è dè nang nè. Njar ko ke maje nga, è njé ke ndigi le kade Nube on ɓee dè de’t. Jer nga è njé ke ndigi le kade njèkêm majelé on ɓee dè de’t.

Marc 4:19

Nè kêm de tò kekek ke dè nyange ke dè nang nè se ndɔ de-ndɔ de. Taɓai ngur nyankinge a, se ngur nyange ke rang gai-gai leŝi de awi ndii dè ɓengre de’t. Nyange nè nga malang in-in pujuri dè Tà ke Maje ke dé dubu dè ɓengre de’t nga ade dè’n ur kuju karè.

Tà ke Maje ke Luc ndang 16:8

Kuwe njèkan-dè-nyange ke njègos nè nga ede nè: «I ger nyan ngain kuwe.» E ke nè á ke nyan ra dooge ke ei le nang nè ke rai se nan dum njé ke dé le lookar.

Tà ke Maje ke Luc ndang 22:31

Go’t gugu Jésu ɓar Pierre ede’n ede nè: – Simon, Simon, an! Nube inye loo ade Njè sú dooge le kade yei sei titeke dé yeii’n ko le kɔr’n yinge-dè’n gai bè.

Jean 12:31

Tà ke Nube à gang dè dooge ke dè nang nè nga, ɗarinè unn gir’n ɓá ta. Ngar le njé ke dè nang nè nga, Nube à sure’n kile’n nata ɗarinè ta.

Jean 13:2

Loo ke Jésu se njékuwe-girnge ndii tà nyankuse’t ɓaa, sú ree dubu tà kunn dè Jésu kêm ɓengre Judas Iskariot ngonn Simon.

Jean 13:27

Loo ke Judas taa mapa nè use làng ɓaa, njèkêmyêr ree ur kêmn’t. Ke loon’t nè kuwe, Jésu ede’n ede nè: – Nyan ke a i ra nga, i ra kalang.

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 15:19

Ke nè á sei le dè nang nè ɓaa, njé ke dè nang nè ayé ndigi sei tede ei ndigi nyan ke è nyan kinge de tá. Sei nga, sei le dè nè nang lé; nè è man kuwe m’tɔr sei dann de’t kɔke m’unde sei se ninn’n dè nang nè. Gir’n ke nè á njé ke dè nang nè ɔri sei njêt.

Jean 16:11

Njè ra se si nga à ade kum dooge à gang dè gangtà’t le Nube, tede njèkonɓee ke nang nè nga dé gangtà dènn’t ɓá ta.

Jean 7:7

Sei ɓaa, dooge ke dè nang nè asikum kɔr sei njêt lé, nè man ɓaa dooge ke dè nang nè ɔri man njêt tede kɔr ke m’ɔr gir nyanra de ke majelé ke nata se ndɔ’m-ndɔ’m.

Jean 8:23

Jésu tel ile de dè’t ede nè: – Sei ɓaa, sei dooge ke dè nang nè, nè man m’in dɔ danrán. Sei ɓaa, sei le nang nè, nè man ɓaa m’ee le nang nè lé.

Jean 8:44

Sei ɓaa, bɔ si ke le si è sú. Nyange ke ngur’n ra bɔ si pênn-pênn á sei ndigi rai. E nga, è njè tɔ koo dooge ká-ká, kété mari ke desêin sár tee ɓila. E nga, nda dè njann’t njáng dè ngarankum tà’t lé, tede ngarankum tà goto kêmn’t. Tà lanm ke è tam se ndɔge malang nga in-in kêm’n è’t kuwe tede è njè tà lanm a, è bɔ njé tà lanmge a tɔ.

Nyanra Njekawkulege 19:35

Nè né è bè géa, njèndang magtub le ɓee-bò ke Ephèse ree ngɔr ra doobulege’t ede nè: – Sei dooge ke kêm ɓee ke Ephèse, ké doo ke ra á nal ger titeke ɓee-bò ke Ephèse è njè ngonm kei le Artémis ke dinye ke bò nga wa? Ké nan nal ger titeke ɓee-bò ke Ephèse nè nga è kum gute tà kei le Artémis ke in danrán oso wa?

Nyanra Njekawkulege 5:3

Nè Pierre deje Ananias ede nè: – Ananias ke bain á inye loo ade Sú tà loo ke dè ɓengrei’t ɔge wa? I ede Ndil-Kêmnda tà lanm, tede ɔr’n tà nar loo lei ndêin bè tá i ree’n.

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

1 Nje Ke Corinthe 5:10

Man m’ede sei tà nè nga m’ɔje’n dè njé tò se nan ke kaiya’t malang ke dè nang nè ke geri Nube lé nga lé. E njékêmkeinge se njéɓog-ge éké njé polé magege malang ke ndii dann de’t dè nang nè á m’tam tà nè m’ɔje’n dè de lé a tɔ. Dé nè nga, asi kɔri ra si ra de’t ndii gai dè nang nè ndan lé.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

Nje Ke Ephese 1:21

Titeke bè Nube unn Krist mbeng unde’n dè njé kunde gir gute-nduge se njétɔgmong-ge se njé kàde bòge se kuwe-ɓeege ke danrán éké ke dè nang nè malang, éké ri ke rara malang ke d’a ɓar dann dooge ɗarinè éké ke ndɔ ke rang nga, Krist dum dè de malang.

Nje Ke Ephese 2:11

Adi kem̂ si olé dè tà’t nè: Sei nga, kété sei girkoje le Juipge lé. Juipge ke njé kuje tà mɔte dege ɓari sei dooge ke anji kujei tà mɔte de. Kuje tà mɔte ke danra’t nè nga, è ji doo á uje.

Nje Ke Ephese 2:13

Sei ke umi nan’t bɔk se Jésu-Krist nga, kété i ndii heb se Nube, nè ɗarinè d’age se si dé ree se si ngɔr takul mese Krist.

Nje Ke Ephese 2:3

Ngann njé dum nange nè nga, kété mari jèi malang jèi dann de’t. Kété jè njiyei se go ngur nyange le danra jéi a, jèi rai nyange se go kem̂ndige le danra a, se go tàgirge le jéi a tɔ. Jèi géa, kété se go girkoje le jéi ɓaa wong le Nube nain dè jéi’t tite gute dooge ke rang bè tɔ.

Nje Ke Ephese 4:17

Man m’ede sei ndàt se ri Kuwe-ɓee: Maje kade i teli i njiyei tite dooge ke geri Nube lé nga lé ta, tede ei nga njiyei se go tàgir le de ke raikarè.

Nje Ke Ephese 4:22

inyei go nyanra sige ke mari nga kɔke ta. Nyanra sige ke mari nga uwei ɔri de ra si’t tite kubu ra ndis bè. Sei nga kété ngur libe kum dooge ke rusu kem̂ si njin-njin tuju sei.

Nje Ke Ephese 5:6

Adi doo karé géa sú sei se tàge ke raikarè lé. Wong le Nube oso dè dooge ke mbati kilei koje dènn’t.

Nje Ke Ephese 5:8

Tede kété sei ngannge le loondul, nè ɗarinè ɓaa sei ngannge le lookar takul kum ke umi nan’t bɔk se Kuwe-ɓee nga. Bè ɓaa, i njiyei tite ngannge le lookar bè.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

Nje Ke Colosses 1:21

Sei nga kété mari d’an sei ke mbage a, ke njébange le Nube se go tàgirge le si a, se go kule ra sige ke majelé nga a tɔ.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

Jacques 1:7

E soo’t kade doo ke titeke bè nga gir kem̂n’t ede nè n’a n’inge nyan karé ji Kuwe-ɓee’t lé.

Jacques 4:4

Sei njé mbate Nubege! Doo ke uwe made nan se nang nè nga è njèban le Nube. Ké sei geri titeke bè lé wa? Doo ke ndige kuwe made nan se nang nè ɓaa, è kuwe tel ra’n ke njèban le Nube ta.

1 Pierre 1:14

Ilei koje dè Nube’t. Inyei go nyanrage ke majelé ke kété i rai loo ke ndɔ ke i geri Krist lé ɓai nga kɔke ta.

1 Pierre 4:3

Kété mari sei ndigi rai nyange ke uwei kem̂ dooge ke geri Nube lé tá ngain. Nè adi ase bè ɗarinè ta. Tede kété mari sei rai nyange ke pás-pàs. Sei njé ra ɓer le ngur nyange gai-gai a tɔ. Kété nga, sei njé ra ɓer le yibege a, sei doo nyankusege a, sei gon kain yibege a, se njé kule ra de mbiriri dann polé mage ke tò yêr tàkum Nube’t.

2 Pierre 2:14

Kum de tò dè kaiya-dinyege’t kakak a, d’aw kum de ke kété-kété dè ra majelé’t a tɔ. Dooge ke nange ke nja de uwe nang ba lé nga, dé leŝe de leŝ-leŝ. Dé dooge ke njé nede nyange. Ndutɔr le Nube goto dè de’t.

1 Jean 3:10

E ke nè á d’a ger’n ngann Nube se ngann le njè kem̂ majelé nga njai-njai. Nanan ke ra nyan ke se dè naje’n lé se ndɔ’n-ndɔ’n ɓaa, è le Nube ndan lé. Nanan ke tár ngokon’n lé ɓaa, è le Nube ndan lé tɔ.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

1 Jean 4:4

Ngannemge, sei têti rɔ njétête tà kunde tà Nube’t tede k’ee ke sei lennge a, tede Ndil le’n ke ndi kem̂ si’t a tɔ. Ndil Nube ke ndi kem̂ si’t nga á tɔg’n dum dè le njè kem̂ majelé ke ndi kem̂ dooge ke dè nang nè.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

1 Jean 5:4

Oiyo, nanan ke Nube kuwe oje’n ɓaa à tête rɔ dooge ke ei le nang nè. Rɔ ke jè têti dooge ke ei le nang nè nga, è kundekem̂ le jéi.

Lookilera’n 12:9

Dan-kɔbe ke bò ke ri’n nè li ke mari, dé ɓar’n sú, njèkɔse tà se dooge a tɔ nga, dé sure’n mbeng d’ile’n nata dè nang nè. Dan-kɔbe ke bò è njè libe kum dooge dè nang nè bere mbak. E se dooge le’n nga, dé sure de mbeng d’ile de nata dè nang nè.

Lookilera’n 13:14

E libe kum dooge ke dè nang nè se nyankɔbege ke kade tɔli nyan ndajii dan ke ndɔ ke d’ade’n dò ke ase yo’n á tel ndi kumgajer ɓai nè nga.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 16:17

Doo ke danrán ke njèkon madennge’t ji sejimute uwe nyantosowurge ke kem̂ bai wong’t le’n sanrin ke dɔ. Ndu doo in se ke dè kutu-ngar’t ɓar beng gile kei ke tò se ninn’n le Nube ede nè: «Girtà gang ɓá ta.»

Lookilera’n 20:2

E uwe dan-kɔbe ke è li ke mari, ke njè tête tà kunde tà dooge’t a, se njèkɔse tà se dooge a tɔ nga mêtch, tɔɔ’n se sul njanm-njanm ase loge aru dɔg.