Nje Ke Ephese 2:1 - Nouveau Testament en Gulay 2004

¹ Sei nga, kété weii yo nyanrage ke se go rebe’n lé a, weii yo kaiyage le si a tɔ.

Nje Ke Ephese 2:1 ပူးပေါင်းရင်းမြစ်များ

Matthieu 8:22

Jésu tel ile njèkuwe-gir’n nè nga dè’t ede nè: – Unn goo’m, inye njé ke weii ade ei kuwe dubi nan.

Tà ke Maje ke Luc ndang 15:24

An-in! ngonn’m ke nda nè nga, man m’an’n ke doo ke wei ɓá nè tel tɔse ndel. Ma m’an’n ke doo ke ndem oso kɔke nè m’tel m’inge’n ɓai.» Ke loon’t nè kuwe d’unn gir kal ra de.

Tà ke Maje ke Luc ndang 15:32

Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»

Jean 10:10

Njèɓog nga ree tede ɓoge batege a, tɔl de a, le tuju de a tɔ. Nè man ɓaa, m’ree le kade dooge se batege ndii kumgajer adi ase de nák-nák.

Jean 14:6

Jésu ile Thomas dè’t ede nè: – Man nga m’ee rebe, man nga m’ee ngarankum tà a, m’a nga m’ee ndikumgajer a tɔ. Doo ke unn rebe ke ram’t lé ɓaa à tee ra Bɔm’t ndan lé.

Jean 5:21

Titeke Bɔ Ngonn ade njé ke koo undei loo teei teli ndii kumgajer nga, Ngonn géa ade nanan ndikumgajer titeke kêm’n ndige tɔ.

Jean 5:25

Kerɔte kuwe, man m’ede sei ndàt, kàde kade njé ke koo ooi ndu Ngonn Nube nga ree ɗarinè ɓá ta. Njé ke à ooi ndu Ngonn Nube nga à ndii kumgajer.

Nje Ke Rome 8:2

Ɗarinè jè ndii kumgajer gir gute-ndu’t le Ndil-Kêmnda takul kum ke j’umi nan’t bɔk se Jésu-Krist. Gute-ndu le Ndil-Kêmnda nga ɔr’m ɓee ɓer’t le majelé ke aw se’m ke tà yo’t.

1 Nje Ke Corinthe 15:45

Titeke dé ndang’n kêm Magtub’t d’ede nè: «Adam, doo ke desêin nga, d’ade’n ndikumgajer.» Nè Adam, doo ke ngeinn’t, è Ndil ke njè kade dooge ndii kumgajer.

2 Nje Ke Corinthe 5:14

Tár ke Krist tár jè nga ɔse jè balang-balang. Ke nè á doo karé inye ra’n ade yo tede dooge malang ɓaa, dooge malang kuwe weii se’n tɔ.

Nje Ke Ephese 4:18

Tà gir le de tel tuge ndul bigm; dé mbate kum se Nube bɔk ɔje dè ndikumgajer le’n ke è ade dooge. Dé ger nyan lé tede kem̂nder urkei dè ɓengre de’t.

Nje Ke Ephese 5:14

Nyan malang ke loo unju dè’t nga tel è lookar tɔ. Gir’n ke nè á dé tam’n d’ede nè: «I ke i tò ɓi nga, i teen kumi, unde loo i tee dann njé ke koo’t ɓaa, Krist à ndoin non-in’t.»

Nje Ke Colosses 2:13

Kété sei weii yo nyanra sige ke go’t lé a, se yo tà mɔte si ke ujei lé nga a tɔ. Nè ɗarinè, Nube ade i teli i ndii kumgajer se Krist. Nube ade kem̂’n tin mbit dè nyanrage malang ke go’t lé le jéi.

1 Timothee 5:6

Nè njèkei-kinge ke ndi tede ranel le danra nga, né ndi kumgajer ɓai géa, è nain ke doo ke wei ɓá ta.

1 Jean 3:14

Jèi ɓaa, jè geri mbak titeke jè tugei loo yo jè gangi j’uri loo ndikumgajer’t. Tede jèi ɓaa, jè geri gir tár ke jè tári ngakon jéige nga. Nanan ke tár ngokon’n lé ɓaa, yo on ɓee dènn’t ɓai.

Lookilera’n 3:1

«I ndang magtub nè ade doo ke danrán ke njèkan dè njékebe nange ke kem̂ ɓee-bò ke Sardes. E ke ndilge ke ji sejimute le Nube se kɔnyonge ke ji sejimute tooi jinn’t nga, tam ede nè: M’ger pa njiyei mbak. Ri ndikumgajer kuwe ɓar dèi’t karè, nè ke get ɓaa, i tò asenan se doo ke wei ɓá. E tam ede nè: