Nje Ke Ephese 1:9 - Nouveau Testament en Gulay 2004

⁹ Nube ade jè geri nyan-maje ke tò loo ɓɔyɔn’t káráng. E uwe dè nja nyan ke tò loo ɓɔyɔn’t nga kété mari se go kem̂ndige le’n è kuwe.

Nje Ke Ephese 1:9 ပူးပေါင်းရင်းမြစ်များ

Matthieu 13:11

Jésu tel ile de dè’t ede nè: – Sei ɓaa, d’ade non si ar ade i geri nyange ke tooi loo ɓɔyɔn’t kêm Konɓee ke danrán. Nè dé ɓaa, d’ade non de ar tite sei lé ɓai.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 2:14

– Maje kade dooge ulei ndubra dè Nube ke njèndi sêm danran’t. Maje kade kêmlom le Nube nain se dooge ke taai kêm’n dè nang nè a tɔ.

Nyanra Njekawkulege 13:48

Loo ke njé ke ei Juipge lé ooi tà le Paul bè ɓaa, ei rai ranel. Ei rai Kuwe-ɓee Nube oiyo tede tà le’n ke ooi. Dooge malang ke Nube uwe dè nja ndikumgajer se non ɔje’n dè de nga, teli ei njétaakêm-Kristge.

Nyanra Njekawkulege 2:23

Doo nè nga, Nube ule’n ji si’t se go rebe ke ndɔ ɔje se go nyanger le’n kété mari ke desêin. Sei in-in se’n ke kété ulei ji dooge ke ei Juipge lé adi ɓeri nin kàde kage-ke-dese’t tɔli nin.

Nyanra Njekawkulege 4:28

Nyan malang ke i ɔje se go tɔgmong lei a, se kêmndige lei kété mari ke desêin sàk-sàk nga, dé ra d’ade aw loon’t deĵ ɓá ta.

Nje Ke Rome 11:25

Ngakonmge, man m’ndige le kade i geri nyan ke tò loo ɓɔyɔn’t nè nga maje, nè bainléa a kin-in kan-in ra si ke njékumkunjuge. Kunn mbi dè tà’t le Juipge ke nange nga à tò bè sár kade dooge malang ke ei Juipge lé ingei kaje pa ɓita.

Nje Ke Rome 8:28

Jè ger mbak titeke njé ke tári Nube nga, nyan malang ke ra de ɗarinè à tel maje dè de’t ndɔ ke rang ɓai. E Nube á ɓar de se go nyan ke è kuwe ɔje kété mari.

1 Nje Ke Corinthe 1:21

Loo ke Nube tɔje ra’n dè gos nyanger’t le’n tutu nga, dooge asi geri nin se go nyanger le de ke dè nang nè lé. Gir’n ke nè á Nube ɔje njáng le kaje dooge ke undei kêm de dè Tà ke Maje’t ke j’ile mber’n. Tà ke Maje ke j’ile mber’n nga, njégos nyangerge ke ndii à tuji ooi ke tà mbe.

Nje Ke Galatie 1:12

Tà ke Maje nè nga, m’inge ra doo karé’t lé a, doo karé á ndó’m lé a tɔ. Nè Jésu-Krist á ribe dè ade’m.

Nje Ke Galatie 1:15

Nè né è bè géa, Nube ɓar’m unde’m se ninn’n se go kem̂noje le’n loo ke ndɔ ke m’nain’n kem̂ konm’t ɓai.

Nje Ke Galatie 1:16

Nube ade kum’m gang dè Ngonnenn’t tede kade m’ile mber tà le’n made dooge ke ei Juipge lé. Ke loon’t nè kuwe m’aw ra doo karé’t bè m’deje’n tà lé.

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

Nje Ke Ephese 1:8

Kem̂noje nè nga Nube ade taa ra jéi pel-pel. Takul kem̂noje nè nga á j’ingei kumkunju se gos nyanger ke deri.

Nje Ke Ephese 3:11

Se go nyan ke kété mari sár ɗarinè. Nyan ke Nube ɔje kété mari ke desêin nga kile ra’n ke nata ɗarinè takul Kuwe jéi Jésu-Krist.

1 Timothee 3:16

Kerɔte kuwe, nyanger le jéi ke bò ke tò loo ɓɔyɔn’t ke jè geri se go kundekem̂ le jéi nga á tò nè: Krist unde loo tee pan tel ra’n tite jéi jèi dooge bè, Ndil-Kem̂nda ɔr tà dènn’t. Dooge ke danrán an-in nin loo kunde loo tee dann njé ke koo’t a, loo kin kaw danrán’t a tɔ. D’ile mber tà le’n dann dooge ke ei Juipge lé. Dooge ke dè nang nè undei kem̂ de dènn’t a, d’unn’n mbeng d’aw se’n danrán dann ndubra’t a tɔ.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.