Nje Ke Ephese 1:3 - Nouveau Testament en Gulay 2004

³ Nube Bɔ Kuwe-ɓee le jéi Jésu-Krist nga, maje kade dè’n mong káng-káng. E tɔr ndu’n dè jéi’t takul kum nan’t bɔk le jéi se Jésu-Krist a, è ade jéi nyan-majege gai-gai malang ke ɔje dè Ndil kem̂ danran’t.

Nje Ke Ephese 1:3 ပူးပေါင်းရင်းမြစ်များ

Tà ke Maje ke Luc ndang 2:28

Siméon taa’n uwe’n kàdenn’t sêm ɗɔi’n Nube ede nè:

Jean 14:20

Kêm ndɔn’t nè ɓita a i geri titeke m’um nan’t bɔk se Bɔ’m a, sei umi nan’t bɔk se’m a, man géa m’um se si nan’t bɔk a tɔ.

Jean 17:21

Bɔ’m, m’ɔje sei tà le kade dé malang d’um se jé nan’t bɔk titeke i Bɔ’m um’n se’m nan’t bɔk a, man géa m’um’n sei nan’t bɔk a tɔ. Maje kade dé malang d’um nan’t bɔk tede kade dooge ke dè nang nè geri titeke è i kuwe á ule’m.

Jean 20:17

Jésu tel ede Marie ede nè: – Ɔde ra’m lé tede m’in m’aw ra Bɔm’t lé ɓai. Nè i ɓaa, i tel aw ede ngakonmge ede nè m’ndi m’aw ke ra Bɔ’m Nube’t. Bɔ’m Nube nga, è Bɔ si sei a, è Nube le si a tɔ.

Nje Ke Rome 12:5

Titeke bè, jèi géa jè bulei tɔ; jè teli jèi danra ke karé bere takul kum ke j’umi nan’t bɔk se Krist nga. Bè ɓaa, jèi malang jèi balkum ra nan.

Nje Ke Rome 15:6

Titeke bè á sei a kasi kundei ndu si nan’t le kɔse’n pa kile’n riɓar dè Nube, Bɔ Kuwe-ɓee le jéi Jésu-Krist.

1 Nje Ke Corinthe 1:30

Nè Nube um sei nan’t bɔk se Jésu-Krist. Jésu Krist nga Nube tel’n ke kumkunju le jéi ke deri. Takul Krist á Nube ɔr’n tà dè jéi’t a, unde’n jèi se ninn’n ke dooge le’n a tɔ. Nube ɔr jèi wont ji tɔgmong’t le majelé takul Krist.

1 Nje Ke Corinthe 12:12

Krist tò asenan se danran ke karé bere ke aw se balkumnge bule. Kagera doo è karé nè balkum rannge á bulei.

2 Nje Ke Corinthe 1:3

Nube, Bɔ Kuwe-ɓee le jéi Jésu-Krist nga, maje kade dè’n mong maj-maj. Bɔ jéi Nube nga, è Nube ke njè kêmkanm se njè sɔl kêm dooge a tɔ.

2 Nje Ke Corinthe 11:31

Nube, Bɔ Kuwe-ɓee le jéi Jésu-Krist ger mbak titeke m’lanm lé. Maje kade dè’n mong káng-káng sár se non.

2 Nje Ke Corinthe 5:17

Ke nè á doo karé um nan’t bɔk se Krist ɓaa, è tel è doo-kunde ke kige. Ɓuge nyange ke mari tugei gangi ɓá, an! nyange malang teli ei ke kige.

2 Nje Ke Corinthe 5:21

Krist nga ra majelé karé bè lé, nè Nube tel’n ke danra majelé ke deri tede le jéi. Nube ɔr tà dè jéi’t takul Krist. Takul kum ke j’um nan’t bɔk se Krist á Nube ɔr’n tà dè jéi’t.

Nje Ke Galatie 3:9

Abraham um kem̂’n dè’t. Gir’n ke nè á Nube tɔr ndu’n dènn’t. Dooge malang ke undei kem̂ de dè Tà ke Maje’t nè nga ingei ndutɔr titeke Abraham inge’n ndutɔr bè tɔ.

Nje Ke Ephese 1:10

Loo ke ndɔ’n à ase deĵ ɓaa, nyan ke Nube ɔje le ra á tò nè: A ɔse nja nyange ke danrán se nyange ke dè nang nè malang nan’t le kade Krist è doo dè de.

Nje Ke Ephese 1:17

Man m’ra titeke bè le kade Nube le Kuwe-ɓee le jéi Jésu-Krist, è Bɔ jéi ke ndubra è le’n ade sei kumkunju le Ndil. Titeke bè á kum si à gang’n dè Nube’t le kade i geri nin njai-njai.

Nje Ke Ephese 1:20

ke Nube ade Krist ade unde’n loo tee’n dann njé ke koo’t. Nube ade Krist tɔgmong ke bò nè ade aw ndii’n dè jikonn’t dɔ danrán.

Nje Ke Ephese 2:6

Takul kum ke j’um nan’t bɔk se Krist á Nube ade j’undei loo jè teei dann njé ke koo’t le kon’n ɓee nan’t se Krist dɔ danrán.

Nje Ke Ephese 3:10

Nè ɗarinè, takul njékebe nange le Nube á njékɔr non dooge se njétɔgmong-ge ke kem̂ danran’t dɔ geri kumkunju le Nube ke se ri’n-ri’n nga.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

Nje Ke Philippes 2:11

Kerɔte kuwe, dooge karé-karé malang à tami ndàt kedi nè Jésu-Krist nga è Kuwe-ɓee le kilei riɓar dè Bɔ’n Nube’t.

Hebreuge 8:5

Kulege malang ke njékuje nyan-mesege rai se go gute-ndu adi Nube nga, ei til ngarankum nyange ke danrán. Gir’n ke nè á, loo ke ndɔ ke Moise ayé ra kei kubu kade Nube nga, Nube ede’n kété ede nè: «Ade kem̂i dè rai’t tede a i ra nyange malang le tɔl mbas se go rebe ke ndɔ ke m’tɔji dè mbal’t nga.»

Hebreuge 9:23

Kerɔte kuwe, ke nè á til nyange ke danrán nga géa d’ɔr se-de titeke bè ɓaa, danra nyange ke danrán géa awi ndoo kade d’ɔr se-de se nyankuje-mese ke maje ngain dum dè è ke kété.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.