Matthieu 9:37 - Nouveau Testament en Gulay 2004

³⁷ Go’t gugu Jésu ede njékuwe-girnge ede nè: – Ko ke kum sa è ngain nè njé saange á di lé ɓai.

Matthieu 9:37 ပူးပေါင်းရင်းမြစ်များ

Matthieu 20:1

Konɓee ke danrán nga tò asenan se kuwe-kei ke tee se ndɔgé ɓat tede kɔi dooge kade rai kule kêm ndɔr nduu’t le’n bè.

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Matthieu 9:38

Bè ɓaa, ɔji tà se Kuwe-ɓee ke njè ko le kade ule njé sa koge loo sa ko’t le’n.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Tà ke Maje ke Luc ndang 10:2

E ede de ede nè: – Ko ke ide kum kuje è ngain, nè njékujennge ii lé ɓai. I deji Nube ke è kuwe-ndɔr le kade ule njékuje koge loo sa ko’t le’n.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Nyanra Njekawkulege 16:9

Loo ke dé tò ndɔɔ ɓaa, nyanpinde Paul ade an dingem karé ke ɓeekon ke Macédoine. Doo ke Paul an’n nga, nda se nja’n dɔ. Doo nè nga ra ndoo rann’t ede nè: – Al garang ke kêm ɓeekon ke Macédoine i din jè.

Nyanra Njekawkulege 18:10

M’a m’ee der giri, doo karé bè géa à kuwei rai majelé lé, tede m’aw se kosdooge le’m ke bulei ɗik-ɗik kêm ɓee-bò’t nè nga.

1 Nje Ke Corinthe 3:9

Jè jè njémade kulege le Nube, nè sei sei ndɔr le Nube a, kei le Nube a tɔ.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

Nje Ke Colosses 4:11

Jésu ke dé ɓar’n Justus nga géa ra sei lapya tɔ. Dé ke mute nè nga kuwe se kar de á dé Juipge ke njétaakem̂-Krist ke dé ra se’m kule ke ɔje dè konɓee le Nube. E dé nè á dé njé sɔl kem̂’mge.

1 Timothee 5:17

Ngatɔgege ke ɔri non njékebe nange le Nube maje nga, è soo’t kade d’ile riɓar dè de’t nja joo. Nè njé ke ulei ra de ndibe dè kule kɔrgir tà’t éké dè kule ndó dooge nyan’t kuwe mbain á ei dooge ke maje kile riɓar dè de’t nja joo.

Jacques 5:4

An-in! dooge ke adi rai kule sa ko kem̂ ndɔrge’t le si nga géa, ɔgi de nar kuge dè ji de mbeng kɔke. Kure nar kuge dè ji de nga ɓar yoror-yoror a, non le njé sa koge nè nga oso mbi Kuwe-ɓee’t ke Njèkunde nyange malang.