Matthieu 5:16 - Nouveau Testament en Gulay 2004

¹⁶ Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Matthieu 5:16 ပူးပေါင်းရင်းမြစ်များ

Matthieu 23:5

Nyan ra de malang è tede kunde’n ra de kum dooge’t karè. Gir’n ke nè á ei tɔri gute-nduge ke nange ei têti lanyange ke laa pe-pe tɔi kil ji de’t se nat-non de’t. Taɓai ei rai ji kubuge le de ade laai ber-ber a tɔ.

Matthieu 23:9

I ɓari doo karé bè géa Bɔ si dè nang nè lé, tede è ke ndi danrán kuwe karé bere á è Bɔ si.

Matthieu 5:45

Ke nè á i rai titeke bè ɓaa, a teli k’ei ngann Bɔ si Nube ke ndi danrán kuwe. E ade kàde le’n ube dè njé ra nyan majelége se njé ra nyan majege’t a tɔ. E ade ndi ede dè njé ra nyan se dè najennge se dè njé ra nyan se dè naje’n lége a tɔ.

Matthieu 6:16

Loo ke ɔgi kêm si ɓo ɓaa, i siwi kum si siw-siw titeke njékede gosge rai nga lé. Ei rai titeke bè le kade dooge an-in titeke ɔgi kêm de ɓo. Kerɔte kuwe, man m’ede sei ndàt, dé nè nga d’inge nyankuge dè ji de ɗarinè ɓá ta.

Matthieu 6:9

Loo ke a ɔji tà se Nube ɓaa, i tami titeke bè edi nè: «Bɔ jé i ke njè ndi danrán, maje kade dooge malang geri titeke rii è ri ke tò se ninn’n gai.

Matthieu 9:8

Loo ke kosdoo-bulege an-in bè ɓaa, ɓel unde de ndàt gang dè ade ɗɔyi Nube ke njè kade dooge tɔgmong ke titeke bè nga.

Tà ke Maje ke Luc ndang 11:2

Jésu ede de ede nè: – Loo ke a ɔji tà se Nube ɓaa, i tami edi nè: «Bɔjé, Maje kade dooge malang geri titeke rii è ri ke tò se ninn’n gai; Maje kade on ɓee dè dooge’t.

Jean 15:8

Ke nè á anni se kann si ɗàk-ɗàk ɓaa, d’a d’ile’n riɓar dè Bɔm’t a, a i teli k’ei njékuwe-girmge a tɔ.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

1 Nje Ke Corinthe 14:25

Tàgirge le’n ke dè ɓengrenn’t tooi nata ndái-ndái tàkumn’t. Titeke bè á doo nè nga à ɗêl’n dè’n le ɗɔi’n Nube kede nè: «Nube è dann si’t kerɔte kuwe.»

2 Nje Ke Corinthe 9:13

Kule ke sei rai nè nga ade dooge geri sei ke njétaakêm-Kristge ke get. Sei tɔji de titeke ilei koje dè Tà ke Maje’t le Krist kuwe. Sei uwei noje se njétaakêm-Kristge ke Jérusalem a, se dooge ke rang malang a tɔ, se kêmnda káng. Gir’n ke nè á à rai Nube oiyo ngain tede tà le si ɔje dè nyange nè malang ke sei rai ɓá.

Nje Ke Galatie 1:24

Njétaakem̂-Kritsge ke Judée ɗɔyi Nube tede tà le’m man.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Ephese 5:8

Tede kété sei ngannge le loondul, nè ɗarinè ɓaa sei ngannge le lookar takul kum ke umi nan’t bɔk se Kuwe-ɓee nga. Bè ɓaa, i njiyei tite ngannge le lookar bè.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

1 Timothee 2:10

Nè maje kade nyanrage ke maje á ei kubu kule ra’t le de. E ke nè á è nyan ke tuwe dinyege ke njétaakem̂-Kristge nga ɗêw.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

1 Timothee 5:25

Kule rage ke maje nga géa tooi nata ndái-ndái tɔ. Kule rage ke majelé nga asikum ɓɔyɔi ra de sár-sár ndan lé a tɔ.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

Tite 2:14

Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Tite 3:14

Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Tite 3:4

Nè né è bè géa, Nube Njèkaje jèi kile kem̂-maje se tár le’n ke nata tede dooge malang.

Hebreuge 10:24

Ade jé tɔsi kum jéi dè nan’t a, adi j’ɔsi gir nan dè tár nan’t a, se dè nyanra ke maje’t a tɔ.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Pierre 3:1

Sei dinyege géa, ulei dè si adi ngaw sige. Ke nè á njé ke nange ke undei kem̂ de dè tà’t le Nube lé géa à teli kundei kem̂ de dè’t takul nyanra si m takul tà tam si lé.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.

1 Pierre 4:14

Ke nè á dé taje sei tede ri Krist ɓaa, i rai ranel tede Ndil Nube ke njè ndubra nain se si.