Matthieu 5:1 - Nouveau Testament en Gulay 2004

¹ Loo ke Jésu an kosdoo-bulege bè ɓaa, è al dè mbal’t dɔ. Loo ke è ndi nang ɓá ɓaa, njékuwe-girnge reei rann’t.

Matthieu 5:1 ပူးပေါင်းရင်းမြစ်များ

Matthieu 13:2

Kosdoo-bulege ngain njin nan rann’t njàng-njàng ade an bè ɓaa, al ndi kêm bato’t. Doobulege malang ndi nang rip-rip ngang ba-bò’t.

Matthieu 15:29

Jésu in kêm ɓee-bòge ke Tyr se Sidon aw kum’n ke ngang ba’t ke ɓeekon ke Galilée. E al aw ndi dè mbal’t.

Matthieu 4:25

Kosdoo-bulege ngain in-in kêm ɓeekon ke Galilée se ɓeekon ke Décapole se ɓee-bò ke Jérusalem se ɓeekon ke Judée a, se ɓeekon ke gide ba ke Jourdain’t reei ndolèi go Jésu.

Matthieu 5:2

E unn gir ndó de nyan ede nè:

Marc 3:13

Go’t gugu, Jésu al dè mbal’t dɔ. E ɓar njé ke è aw ndoo de ade undei loo dann doobulege’t teei reei rann’t.

Marc 3:20

Jésu tel aw kêm kei karé’t bè. Doobulege teli ɔsi nja nan rann’t ade è se njékuwe-girnge an-in loo kuse nyan lé.

Marc 4:1

Jésu tel unn gir ndó dooge nyan tà ba’t. Kosdoo-bulege ngain njin nan rann’t njàng-njàng. E al ndi kêm ngonn bato’t. Kosdoo-bulege malang ndii nang rip-rip ngang ba’t.

Tà ke Maje ke Luc ndang 6:12

Kêm ndɔn’t nè nga, Jésu aw dè mbal’t le kɔje tà se Nube. E ɔje se’n tà dann ndɔ sár ade loo ar yerer.

Tà ke Maje ke Luc ndang 6:17

Jésu rise se njékuwe-girnge aw se de kade mbal’t inge’n kutu kos njékuwe-girnge. Kosdoo-bulege in-in dè nang’t le Juda malang se kêm ɓee-bò ke Jérusalem se kêm ɓeege ke tooi tà ba-kate’t, Tyr a, Sidon a tɔ.

Tà ke Maje ke Luc ndang 6:20

Loo ke Jésu ɔr kum’n dɔ an njékuwe-girnge ɓaa, è ede de ede nè: – Sei njéndooge, adi ra si nel sei tede Konɓee le Nube è le si!

Tà ke Maje ke Luc ndang 9:28

Jésu ede dooge tà kwei le’n se tà kunde loo tee le’n dann njé ke koo’t. Loo ke ra ndɔ sɔsɔ ɓaa, è ɔr Pierre se Jean se Jacques aw se de dè mbal’t tede kɔje tà se Nube.

Jean 6:15

Nè loo ke Jésu ger titeke d’ade ree kɔr’n kunde’n ngar ɓaa, è ɔr ra’n njêl se kar’n aw dè mbal’t gugu.