Matthieu 4:3 - Nouveau Testament en Gulay 2004

³ E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Matthieu 4:3 ပူးပေါင်းရင်းမြစ်များ

Matthieu 14:33

Loo ke njé ke ndii kêm bato’t an-in bè ɓaa, ei ɗɔyi Jésu edi nè: – Kerɔte, i i Ngonn Nube nga kuwe.

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 26:63

Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 3:17

An! ke loon’t nè kuwe, ndu doo ɓar danran ede nè: – E nè nga è Ngonn’m ke m’tár’n ngain a, ra’m nel’m dènn’t ngain a tɔ.

Marc 1:1

Tà ke Maje le Jésu-Krist, Ngonn le Nube nga unn gir’n titeke bè.

Marc 3:11

Dɔ-dɔ loo ke ndilge ke majelé an-in Jésu ɓaa, ei osoi nang njann’t ɓari nin kaláng-kaláng edi nè: – I, i Ngonn Nube kerɔte kuwe.

Marc 5:7

E tam tà se ndu’n ke bòi ede nè: – Ké usi ri ram’t wa? I Jésu Ngonn Nube ke Njèndi sêm danran’t. M’ndêti se ri Nube le kade i ra se’m ndáng lé.

Tà ke Maje ke Luc ndang 1:35

Doo ke danran nè nga ile Marie dè’t ede nè: – Ndil-Kêmnda à ra kule rai’t a, tɔgmong le Nube Njèdum dè nyange malang à sebe dèi’t titeke ndil oso’n dè doo’t bè. Gir’n ke nè á, ngonn ke tò se ninn’n ke a oje’n nga d’a ɓar’n Ngonn Nube.

Tà ke Maje ke Luc ndang 22:70

Dé malang dé tel deje’n d’ede nè: – A ɓaa, ké i nga i Ngonn le Nube wa? E ile de dè’t ede nè: – I tami è kum, man Ngonn’n kuwe.

Tà ke Maje ke Luc ndang 4:3

Ke loon’t nè kuwe sú ree ra Jésu’t ede’n ede nè: – Ke nè á i Ngonn le Nube kerɔte ɓaa, unn ndui ade kuberi mbal nè nga tel nyankuse ade use.

Tà ke Maje ke Luc ndang 4:41

Ndilge ke majelé géa undei loo teei kêm dooge’t bule se non tà de’t beng-beng edi nè: – I i Ngonn le Nube. Jésu on de njanm-njanm ɔge de tam tà, tede dé ger’n mbak titeke è Krist.

Tà ke Maje ke Luc ndang 4:9

Go’t gugu njè sú dooge ɔr non Jésu aw se’n kêm ɓee-bò ke Jérusalem. Taɓai unn’n unde’n sêm kei’t le Nube ɓaa, è ede’n ede nè: – Ke nè á i Ngonn le Nube kerɔte ɓaa, inye jii dɔ oso nang ade j’an.

Jean 1:34

Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 9:35

Jésu oo titeke dé rɔ doo ke kété è njèkumtɔ nè d’ile’n nata. E ree inge’n deje’n ede nè: – I nga, ké unde kêmi dè’m man Ngonn doo’t nga kuwe wa?

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

1 Nje Ke Thessalonique 3:5

Ndi’m bè anje koo ká si nga tur se’m ngain. Gir’n ke nè á m’ule’n Timothée le kade deje ká kundekem̂ le si ade m’oo. Kerɔte kuwe, m’ɓel kem̂’t m’ede nè bainléa Sú sú sei ade kule ra ndibe le jé tel è nyan ke raikarè.

Hebreuge 12:16

An-in go ra si maje le kade doo karé bè géa tel è njè tò se nan ke kaiya’t éké njè nede nyan tite Esau lé. Esau nga, ndɔ ke ige nyan ke ɔje dè ngonn der nga kɔke tede nyankuse ke nja karé bere.

Hebreuge 4:14

Ade j’uwei kundekem̂ ke j’ilei mber’n nga mong tede j’awi se njèkuje nyan-mese ke bò. Njèkuje nyan-mese ke bò nè nga è Jésu Ngonn le Nube ke unde kem̂ danran ndàt gang aw sár ra Nube’t nú.

Hebreuge 7:3

Melkisédec nga, Magtub ke tò se ninn’n tam tà ɔje’n dè bɔ’n se kon’n éké girkà le’n ade j’ooi lé. Jè geri ndɔ koje’n éké ndɔ kwei’n lé a tɔ. E tò asenan se Ngonn le Nube. E njèkuje nyan-mese se ndɔge malang a, se ɓal-ɓal a tɔ.

1 Jean 3:8

Nanan ke ra kaiya se ndɔ’n-ndɔ’n ɓaa in ra njè kem̂ majelé’t, tede njè kem̂ majelé nga unn gir ra majelé se ndɔge malang kété mari ke desêin. Gir’n ‘ke nè á Krist, Ngonn Nube unde’n loo tee’n pan tede le tuju nyanrage le njè kem̂ majelé nga kɔke.

Lookilera’n 2:10

I ɓel nyankumndoo ke à rai nga lé. An! njè kem̂ majelé à tile dooge ke nange dann si’t dangai’t tede nan’n sei. Nyantosowur à ra sei ndɔ dɔg. Um kem̂i dèm’t i nda njang sár ndɔ kwei’t ɓaa, m’a m’adi jɔkɔ kunn banga ke ndikumgajer nga tɔ.