Matthieu 26:63 - Nouveau Testament en Gulay 2004

⁶³ Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?

Matthieu 26:63 ပူးပေါင်းရင်းမြစ်များ

Matthieu 16:16

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.

Matthieu 26:62

Maw njèkuje nyan-mese ɔse nang in dɔ deje Jésu ede nè: – Tà ge ke dooge nè ilei dèi’t nga, ké a tel kile de dè’t lé wa?

Matthieu 27:12

Nè tàge ke maw njékuje nyan-mesege se ngatɔgege le kosdooge ke Israel ilei dè Jésu’t nga an mar-mar anje kile de dè’t.

Matthieu 27:14

Nè Jésu ile’n dè’t karé bè lé sár. Tà ige Pilate njèkonɓee sêl-sêl.

Matthieu 27:40

– I ke njè tuju gile kei ke tò se ninn’n le Nube le tel ra’n gugu rang dann ndɔ mute’t nè kuwe, ke nè á i Ngonn Nube kerɔte ɓaa, i taa rai i kuwe tà yo’t, i rise nang kàde kage-ke-dese’t nè nga ade j’an ta.

Matthieu 27:43

N’unde kêmé dè Nube’t tchên. Ke nè á tur’n tedé kerɔte ɓaa, maje kade taayé tà yo’t ɗarinè ade j’an, tede ndɔ ke n’tam n’ede nè: «Man m’ee Ngonn Nube.»

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Marc 14:61

Nè Jésu ndi an’n mar-mar anje kile maw njèkuje nyan-mese dè’t. Maw njèkuje nyan-mese tel deje Jésu ede nè: – Ké i nga kuwe á i Krist, Ngonn le Nube le jé ke jè ɗɔi’n nè nga wa?

Jean 1:34

Man m’an nyan nè nga se kum’m; gir’n ke nè á ndɔ ke m’tam’n titeke è nè nga è Ngonn Nube kerɔte kuwe.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 10:24

Juipge an-in dè Jésu girm ulei nan’t ɓaa, deji nin edi nè: – Ké ndɔ ke ra a ade kêm jé à oso nang pon wa? Ke nè á i Krist nga ɓaa, ede jè ndàt ade j’oo.

Jean 10:30

Man se Bɔ’m jè karé.

Jean 10:36

Man nga, Bɔ’m Nube ɔr’m unde’m se ninn’n kété ɓita ule’m dè nang nè ɓai. Ké bain á m’ede nè man Ngonn’n ɓaa sei tami edi nè m’nede’n taɓai wa?

Jean 18:37

Pilate tel deje Jésu ede nè: – A ɓaa, ké i ngar wa? Jésu tel ilé dè’t ede nè: – E kuwe i tam non. Man Ngar. Kede dooge ngarankum tà á è gir nyan ke d’oje’m d’ade m’ree’n dè nang nè. Nanan ke è le ngarankum tà ɓaa, à ur mbi’n le koo’n ndu’m.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Jean 19:9

E tel aw kêm kei kɔg-loo gangtà’t le’n gugu, è deje Jésu ede nè: – Ké i nga girkà lei è nan wa? Nè Jésu tel ile Pilate dè tà’t lé sár.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Jean 6:69

Jè ɓaa, j’unde kêm jé dèi’t tede jè ger titeke i i doo ke Nube ɔri undei se ninn’n gai.

Jean 8:25

Juipge teli deji Jésu edi nè: – Ké i nga i nan wa? Jésu tel ile de dè’t ede nè: – Tà ke m’ede sei kété loo kunn gir’t kule’t le’m nga kuwe, m’nda dè’t njáng sár ɗarinè ɓai.

2 Nje Ke Corinthe 1:19

Tede Jésu-Krist Ngonn Nube, ke man a, Silas a, Timothée a tɔ, j’ile mber tà le’n dann si’t nga, è njè kum tà minye’t joo lé. Ke nè á tam ede nè: «ḿ-m̀» ɓaa, è «ḿ m̀». Ke nè á tam ede nè : «oiyo» ɓaa, è «oiyo». Jésu-Krist è njè tam ngarankum tà se ndɔge malang.

1 Pierre 2:23

E nga ndɔ ke dé taje’n, nè è taje de gute made’t lé. Ndɔ ke dé ra se’n nyankem̂kon, nè è tam se de ede nè a an-in ɓai lé a tɔ. Nè è inye ra’n bere mbak ji Nube’t ke njègangtà se dè naje’n kuwe karé.