Matthieu 25:46 - Nouveau Testament en Gulay 2004

⁴⁶ Njé ke ndai dè jigel à ɔti kawi loo ke kure nyan ra de à ɔde kum de tutu sár se non. Nè njé ra nyan se dè najennge à ɔti kawi loo ndikumgajer sár se non.

Matthieu 25:46 ပူးပေါင်းရင်းမြစ်များ

Matthieu 13:43

Nè njé ra nyan se dè najennge à ndubi ra de tite kàde bè kêm Konɓee’t le Bɔ de. Nanan ke ka mbi’n tò le koo’n tà ɓaa, gar gar è tà le kade ur mbi’n maje oo’n tàge ke m’ndi m’tam nè nga.

Matthieu 19:16

Dingem karé bè ree ra Jésu’t deje’n ede nè: – Njèndó dooge nyan, ké nyan ri ke maje á m’a ra gar-gar tá le kinge’n ndikumgajer se non nga wa?

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 25:45

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke sei mbati rai se ngonn ke ndêin bè karé dann madennge’t nè nga ɓaa, è man kuwe á i rai se’m non tɔ.»

Tà ke Maje ke Luc ndang 16:26

Taɓai, bolè ke son’n goto gang jè nan danné. Titeke bè á doo karé asekum kin ra jé jè’t kaw ra si sei’t lé a, doo asekum kin ra si sei’t ree ra jé jè’t lé a tɔ.»

Jean 17:2

I ade ngonni tɔgmong dè dooge malang ke dè nang nè. Dooge malang ke i ade de se’n nga, è ade de ndikumgajer se non.

Jean 3:36

Nanan ke unde kêm’n dè Ngonnenn’t nè nga ɓaa, à ndi kumgajer se non. Nè nanan ke unde kêm’n dè Ngonnenn’t nè nga lé ɓaa à ndi kumgajer ndan lé, nè wong le Nube ndi dènn’t ndeĵ ɓá ta.

Jean 4:14

Nè doo ke an-in mann ke m’a m’ade’n nga ɓaa, kunde a tel ra’n gugu ndan lé sár. Mann ke m’a m’ade’n nga à tel ngire mann ndikumgajer ke an-in kutch-kutch kêmn’t.

Jean 5:24

Kerɔte kuwe, man m’ede sei ndàt, nanan ke oo tà le’m, unde kêm’n dè è ke njèkulem’t nga ɓaa ndi kumgajer se non nga ɓá ta. Nube à gangtà dènn’t lé. E doo nè nga tee tà yo’t aw loo ndikumgajer se non ɓá ta.

Jean 5:29

Njé ra nyan majege à undei loo teei kawi loo ndikumgajer’t. Njé ra nyan majelége à undei loo teei kawi loo gangtà’t a tɔ.

Jean 6:27

I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.

Jean 6:40

Nyan ke kêm Bɔ’m ndige á tò nè: Nanan ke oré kum’n dè’m man Ngonnnen’t a, unde kêm’n dèm’t a tɔ ɓaa, è à ndi kumgajer se non. Taɓai man m’ade à unde loo tee dann njé ke koo’t ndɔ ke ngeinn’t a tɔ.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:48

Loo ke njé ke ei Juipge lé ooi tà le Paul bè ɓaa, ei rai ranel. Ei rai Kuwe-ɓee Nube oiyo tede tà le’n ke ooi. Dooge malang ke Nube uwe dè nja ndikumgajer se non ɔje’n dè de nga, teli ei njétaakêm-Kristge.

Nyanra Njekawkulege 24:15

Nube à ade njé ra nyan se dè najennge se njé ra nyan majelége à undei loo teei dann njé ke koo’t gar-gar. M’um kêm’m dè tà’t nè nga bɔk-bɔk. Dé njé sêkemge nè nga, d’um kêm de dè tà’t nè tɔ.

Nje Ke Rome 5:21

Kété yo on ɓee dè dooge’t tede majelé ke taa loo ɔge. Ɗarinè kêmnoje le Nube ɔr tà dè dooge’t ade ingei ndikumgajer se non le Nube takul Jésu-Krist, Kuwe-ɓee le jéi nga.

Nje Ke Rome 6:23

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

Nje Ke Galatie 6:8

Doo ke dubu nyan ke ɔje dè danra ɓaa, è à uje kann nyan ke oje dè danra ke è tuju nga tɔ. Doo ke dubu nyan ke ɔje dè Ndil ɓaa à inge ndikumgajer sár se non. Ndikumgajer sár se non nga, è kann nyan le Ndil.

2 Nje Ke Thessalonique 1:9

Dé nè nga, kure nyanra de ke à ɔde kum de nga, è tuju ke se non a, d’a ndi heb tàkum Kuwe-ɓee ke tɔgmong le’n dum dè loo.

1 Jean 2:25

Ndikumgajer sár se non nga, è nyan ke Krist unn’n ndu’n ade jèi kété ɓá.

Jude 1:21

I ndii dann tár ke Nube tár sei. Undei kem̂ si dè Kuwe-ɓee’t le jéi Jésu-Krist, i nginei ndikumgajer se non se ke à ade sei se go kem̂kanm le’n.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 20:15

Doo ke rara ke dé ndang ri’n kem̂ magtub ndikumgajer’t nè nga lé ɓaa, d’a kile’n patak dann por ke on se laa’n bilm-bilm nè nga tɔ.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»