Matthieu 25:35 - Nouveau Testament en Gulay 2004

³⁵ Kerɔte kuwe, ndɔ ke ɓo ra’m ɓaa, sei adi man nyan m’use. Ndɔ ke kunde mann tɔl’m ɓaa, sei adi man mann m’an-in. Ndɔ ke m’ee doo ke dɔ ɓaa, sei uwei man ke ra si’t.

Matthieu 25:35 ပူးပေါင်းရင်းမြစ်များ

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 26:11

Njéndooge nga ndii se si se ndɔge malang, nè man ɓaa m’a m’ndi se si se ndɔ’m ndɔ’m lé.

Marc 14:7

Njéndooge ndii se si se ndɔge malang. Sei asikum kuwei se de noje titeke kêm si ndige. Nè man ɓaa, m’a m’ndi se si se ndɔge malang lé.

Tà ke Maje ke Luc ndang 11:41

Ngarankêm si tá adi Nube ke nyan-noje ɓaa, nyankain mannge se nyankuse nyange le si malang à unji.

Jean 13:29

Judas è njè ngonm mbu nar nyankuse ke dé tann. Dooge ke nange giri edi nè: Jésu ede’n kade aw ndogo nyan ke awi ndoo’n le ra’n nan Paque. Njé ke nange giri edi nè: Jésu ede’n le kade nobo njéndooge nyan.

Nyanra Njekawkulege 10:31

«Corneille, Nube ur mbi’n oo’n tà lei ke ɔje se’n nga. Noje ke i uwe se njéndooge nga géa, kêm’n wei nal dè’t lé a tɔ.

Nyanra Njekawkulege 11:29

Njékuwegir-Kristge ɔji njáng le kulei se nyan, ra’n se njétaakêm-Kristge ke ndii kêm ɓeekon ke Judée. Nanan géa unn nyan ade se go nyankinge’n-kinge’n.

Nyanra Njekawkulege 16:15

Loo ke d’ule Lydie manné njonm se njékêmkeige le’n ɓá ɓaa, è ɓar jè ede nè: – Ke nè á an-in man ke njètaakêm-Krist kerɔte ɓaa, i reei awi se’m ɓéee i ndii se’m ndêin ɓita. E aw se jé kabr-kabr ade j’aw se’n kêm kei le’n.

Nyanra Njekawkulege 4:32

Kosdooge malang ke undei kêm de dè Jésu’t nga, umi kêm nan’t karé a, tooi asinan se doo ke karé a tɔ. Ei malang umi nyange le de nan’t loo karé, m doo karé bè géa dann de’t an nyan le’n ke nyankinge’n ke ɔje dè’n se kar’n lé.

Nje Ke Rome 12:13

I rai se njétaakêm-Kristge dè nyange ke nal de. I pabri mbage par-par.

Nje Ke Rome 12:20

Ke nè á ɓo ra njèban lei ɓaa, ade’n nyan use. Ke nè á kunde mann ra njèban lei ɓaa, ade’n mann an-in. Ke nè á i ra titeke bè ɓaa tò asenan se yal por ke uge um dènn’t.

Nje Ke Rome 16:23

Gaius ke njè kei mba le’m ke njétaakêm-Kristge malang kebi nan kêm kei le’n, ra sei lapya. Eraste njè ngonm nar le njékonɓeege se ngokon jéi Quartus, rai sei lapya ngain. [

Nje Ke Ephese 4:28

Doo ke ndɔ ke è njèɓog nga, maje kade ebe ra’n ɓoge. Nè è soo’t kade ule ra’n ndibe ra kule ke maje se ji’n è kuwe. Titeke bè á à inge’n nyan le kai kade doo karé ke nyan nal’n tɔ.

1 Timothee 5:10

Gar-gar, njèkei-kinge à è doo ke d’ɔrgo nyanra’n ke maje a, à è njè koto ngannenge maje a, à è njè ra mba a, à è njè togo nja dooge le Nube a, à è njè ra se njé ke ndii dann nyantosowurge’t a, à è njè ra kulege ke maje malang se ndɔ’n-ndɔ’n a tɔ.

Philemon 1:7

Ngokon’m, tár ke i tár njé ke tooi se ninn de nga ule dingem kem̂’t a, ade’m ranel ngain a tɔ. Tàkuli i á kem̂ njétaakem̂-Kristge oso’n nang pon.

Hebreuge 13:16

Adi kem̂ si wei nal dè ra maje’t, se dè kai tà nyankinge le si kade dooge ke rang nga lé. Nyankuje-mesege ke titeke bè nga taa kum Nube.

Hebreuge 6:10

Nube è njè banm doo lé. Kem̂’n à wei nal dè nyan ke sei rai tede tà le’n nga lé. Sei i ndii rai se njétaakem̂-Kristge ke rang kum si ke kété ɓai tede tár ke i tári Nube nga. Kem̂ Nube à wei nal dè ra ke i rai se de nga lé.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.