Matthieu 25:34 - Nouveau Testament en Gulay 2004

³⁴ Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Matthieu 25:34 ပူးပေါင်းရင်းမြစ်များ

Matthieu 13:35

E ra titeke bè le kade tà ke njèribe-dè-tà ke tà Nube’t tam kété mari ede nè: «M’a m’ede de tà se gostàge, m’a m’ɔr gir nyange ke tooi loo ɓɔyɔn’t mari loo kunde gir nang’t.» Tà nè nga aw loon’t deĵ.

Matthieu 19:29

Nanan ke inye kei le’n éké ngakonnge ke dingem éké njé ke dinye, bɔ’n éké kon’n, ngann’n éké loo ndɔrge le’n tede ri’m man ɓaa, à inge nyan-kunde dè nja’n bule ngain dè made’t. Tá à inge ndikumgajer se non dè’t ɓai.

Matthieu 20:23

– Nyantosowur ke Nube à ade ra’m nga, à ra sei se’m kuwe. Nè tà ke ɔje dè ndi dè jikonm’t éké dè jigelm’t nga, è tà le’m lé. Loo nè nga, njé ke Bɔ’m uwe dè nja ɔje’n dè de á d’a d’inge.

Matthieu 21:5

«Edi dooge ke kêm ɓee-bò ke Jérusalem edi nè: An-in! ngar le si à ree ke ra si’t. Ngar le si nga è doo ke aw lom-lom, è al dè kon koro’t. E al dè ngonn koro ke dingem tɔ.»

Matthieu 25:21

Kuwe’n tel ile’n dè’t ede nè: «Maje ngain, i i ngonn njèndi ke maje, m’ase kum kêm’m dèi’t kuwe. Nyan ke ndêin bè ke ndɔ ke m’adi nga, i tɔse kumi dè’t ade tee kɔde. M’a m’ɔri kundei ke njèkan dè nyange le’m ke rang ɓai. I ree, i ra ranel se’m man kuwei.»

Matthieu 25:23

Kuwe’n tel ede’n ede nè: «Maje ngain, i i ngonn njèndi ke maje, m’asekum kêm’m dèi’t kuwe. Nyan ke ndêin ke ndɔ ke m’adi nga, i tɔse kumi dè’t ade tee kɔde. Man m’ɔri kundei ke njèkan dè nyange le’m ke rang ɓai. I ree i ra ranel se’m man kuwei.»

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Matthieu 25:41

Ngar à kede njè ke ndai dè jigeln’t k’ede nè: «Sei njénonkilge, ɔti tam’t ke rang awi dann por ke à wei ndan lé ke d’uwe dè nja d’ɔje’n dè sú se ngann njékulege le’n.

Matthieu 27:37

Dé ndang gir tà ke d’ile’n tà dènn’t kade kage-ke-dese’t, dènn’t dɔ d’ede nè: «Doo nè nga è Jésu, ngar le Juipge.»

Matthieu 3:2

– I turi hal si tede Konɓee ke danran nain ngɔr ta.

Matthieu 5:19

E ke altà tà ndukunn’t karé dann ndukunnge ke ndêin-ndêin nè a, ndó dooge le kade rai titeke bè a tɔ nga ɓaa, d’a d’an’n ke ngonn ke ndêin bè dum madennge malang kêm Konɓee ke danrán. Nè nanan ke an dè ndukunnge nè nga sêw-sêw a, ndó dooge kade rai titeke bè tɔ ɓaa, d’a d’an’n ke doo ke bò kêm Konɓee ke danrán.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Marc 10:40

Nè tà ke ɔje dè ndi dè jikonm’t éké dè jigelm’t nga, è tà le’m lé. Loo nè nga, è le njé ke Nube uwe dè nja ɔje’n dè de kété.

Tà ke Maje ke Luc ndang 11:28

Nè Jésu ile’n dè’t ede nè: – Nè dooge ke ra de à nel de ke get-get nga, è njé ke ooi tà le Nube a, an-in dè sêw-sêw a tɔ.

Tà ke Maje ke Luc ndang 11:50

Njéribe-dè-tàge ke tà Nube’t malang ke d’ile mese de nang unn gir loo kunde gir nang’t sár tee’n ɓila nga, Nube à ade kure’n à ɔde kum dooge ke ndii dè nang nè ɗarinè ɓai.

Tà ke Maje ke Luc ndang 12:32

– Sei ke i tooi asinan se nyankulge le’m ke tchɔp bè nga, ebi’t ɓel; tede Bɔ jéi ade sei Konɓee le’n.

Tà ke Maje ke Luc ndang 19:38

– Maje kade Kuwe-ɓee Nube tɔr ndu’n dè ngar ke è kuwe ule’n. Jè j’inge kêmlom ke ra Nube’t. Gir’n ke nè á jè j’ule’n ndubra dènn’t dè nang nè.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 12:13

Dooge têti balkum kage marge ji de’t kêl-kêl tilei kum’n gide ɓee-bò’t nata. Dé ra nyan bòi beng-beng d’ede nè: – I ɗɔyi Nube! Ngar le Israel ke ree se ri Kuwe-ɓee nga, maje kade dè’n mong kang-kang.

Jean 17:24

Bɔ’m, njé ke um de jim’t nga, loo ke m’a m’ndi tutu ɓaa, m’ndige kade ndii se’m nan’t tutu tɔ. Titeke bè á d’a d’an’n ndubra ke i ule dèm’t nga se kum de. I tár’m kété mari ɓita unde nang nè ɓai.

Jean 19:15

Juipge teli rai nyan wuu edi nè: – I tɔlé ke tɔl kuwe bè! I ɓeré kàde kage-ke-dese’t ade kumé udu kɔke. Pilate tel deje de ede nè: – Ké ngar le si nga kuwe edi nè gar-gar se m’ɓer’n kàde kage-ke-dese’t wa? Maw njékuje nyan-mesege edi nè: – Ngar le jé ke rang goto nè César kuwe karé bere.

Nyanra Njekawkulege 15:18

Kuwe-ɓee ke njè ra nyange malang nè nga kuwe á tam bè. Nyan ke è ra ɗarinè nga, è nyan ke è ɔji rebe’n kété mari ke desêin.»

Nyanra Njekawkulege 3:26

Nube ɔr ngonn njèndi le’n Jésu ule’n ra si sei’t kuwe kété desêin sàk-sàk. Nube ade ngonn njèndi le’n Jésu unde loo tee dann njé ke koo’t. Ke nè á nanan géa dann si’t inye go nyanra pás-pàsge le’n ɓaa, Jésu à tɔr ndu’n dè si’t.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

1 Nje Ke Corinthe 15:50

Ngakonmge, man m’ede sei tà nè ndàt titeke danra se mese asikum kingei i konɓee le Nube lé. Nyan ke à ndum se nyan ke à ndum lé asi koréi nan loo karé lé tɔ.

1 Nje Ke Corinthe 2:9

Dé ndang kêm Magtub’t le Nube d’ede nè: «Kumkunju ke Nube uwe dè nja unde konn tede le njé ke tári nga, è nyan ke kum doo an lé a, mbi doo oo lé a, è nyan ke doo gir dè ɓengrenn’t lé a tɔ.»

1 Nje Ke Corinthe 6:9

Njé ra nyange ke se dè naje’n lé nga à ingei loo kêm Konɓee’t le Nube lé. Ké sei geri bè lé wa? Adi kum si sú sei lé: Njé tò se nan ke kaiya’t, njé gugu magege, njé sang dinyege éké dingemge ke rang, njé tel ra de ke dinyege, dingemge ke sangi dingemge made dege tooi se de ke dinyege,

Nje Ke Galatie 5:21

Ra ngur nyan pênn-pênn, ra ɓer le yibe, kunn gon nyankuse se nyange ke nange ke taai nan se de bè. Man m’ede sei ndàt kété titeke ndɔ ke m’ede’n sei nga: Dooge ke inyei ra de nyein dann nyange ke nè nga, loo le de goto kem̂ Konɓee’t le Nube sár se non.

Nje Ke Ephese 5:5

Ooi maje: doo karé bè dann njé tò se nan ke kaiya’t éké doo ke ra’n mine éké njè nede nyan a ingei nyan-ndube kem̂ Konɓee’t le Krist lé a, kem̂ Konɓee’t le Nube ndan lé a tɔ. Nede nyan nga è mage polé.

1 Nje Ke Thessalonique 2:12

Jè ndeje sei a, j’ule dingem kem̂ si’t a, le kade pa njiye si ile riɓar dè Nube ke njè ɓar sei kade on-in ɓee se’n a, ingeii ndubra le’n nga a tɔ.

2 Timothee 2:12

Ke nè á jè ndai dè nja jéi’t njáng se’n ɓaa, j’à j’on-in ɓee se’n nan’t tɔ. Ke nè á jè naji se ra jéi dènn’t ɓaa, è géa à naje se ra’n dè jéi’t tɔ.

2 Timothee 4:8

Unn gir’n ɗarinè, jɔkɔ kunn banga le nyanra ke se dè naje’n tò ngine’m. Kuwe-ɓee ke njègangtà se dè naje’n à ade’m kem̂ ndɔn’t nè nga. Kuwe-ɓee à ade’m man á se kar’m lé. Nè dooge malang ke undei kem̂ de tchên dè ndɔ tel kunde loo tee pan’t le’n nga, è à ade jɔkɔ kunn banga nè nga tɔ.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Hebreuge 11:16

Nè ɓeekon ke maje ngain dum dè madege ke ngur’n ra de pênn-pênn ɗarinè nga, è ɓeekon ke danrán. Gir’n ke nè á ra Nube sɔl’n dè ɓar ke dé ɓar’n Nube le de nga lé. Kerɔte kuwe, è uwe dè nja ɓee-bò karé tede tà le de ɓá.

Hebreuge 4:3

Jèi nga, ke nè á j’umi kem̂ jéi dè tà’t nè nga ɓaa, j’à j’ilei nja jéi loo taa kebe’t le Nube nga. Loo nè nga, ndɔ ke Nube tam tà ɔje’n dè kété ede nè: «Wong ra’m ngain ade m’unn ndu’m m’ede nè: D’a d’ile nja de loo taa kebe’t le’m nè nga ndan lé.» Nube tam tà nè nga titeke bè kété mari ɓita unde nyange malang ke dè nang nè tɔl mbas ɓai.

Hebreuge 9:26

Ke nè á è inye ra’n ade ke nyankuje-mese nja bule ɓaa, né ndɔ ke nyankem̂konge à rai nin nja bule unn gir’n mari loo ke Nube unde’n gir nang nè. Nè ɗarinè Krist tɔje ra’n nata ndái-ndái ke nyankuje-mese nja karé bere luk-luk ke ngang’n kem̂ ndɔge ke ngeinn’t nè tede kudu’n kum majelé le dooge.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 1:9

Kem̂ si ke undei dè Jésu-Krist’t nga, loo tɔl tà’n ɓaa à aji ngarankum ra si.

1 Pierre 3:9

I rai majelé se doo gute majelé ke ra se si’t lé a, i teli taji doo ndu ke taje sei nga lé a tɔ. Nè i tɔri ndu si dè dooge’t tede sei nga Nube ɓar sei kade ingei ndutɔr.

Lookilera’n 13:8

Dooge malang ke ndii dè nang nè nga à ulei dè de nang non dan’t nè ɗɔyi nin. Njé ke ulei dè de nang non dan’t ɗɔyi nin nè nga, ei dooge ke mari loo kunde gir nang’t kuwe, dé ndang ri de kem̂ magtub ndikumgajer le Ngonn bate ke ndɔ ke dé tɔl’n nga lé.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 19:16

Doo ke danrán ke al dè sinde-gaglam’t nga, dé ndang ri doo tu kubu’t le’n ke bòi yul a, dè bingenn’t a tɔ, d’ede nè: «Ngar dè ngarge a, Kuwe-ɓee le kuwe-ɓeege a tɔ.»

Lookilera’n 21:7

Doo ke tête rɔ ɓaa, m’a m’ade’n nyan nè nga kuwe. M’a m’ee Nube le’n a, à è ngonn’m ke dingem a tɔ.

Lookilera’n 5:10

I tel de ke ngarge a, ke njékuje nyan-mesege le Nube le jé. Dooge nè nga à on-in ɓee dè nang nè.»