Matthieu 19:22 - Nouveau Testament en Gulay 2004

²² Nè loo ke basa doo nè nga oo tà nè nga bè ɓaa, kêm’n nel’n lé ade ɔte se wong biring aw tede nyankinge’n è ngain.

Matthieu 19:22 ပူးပေါင်းရင်းမြစ်များ

Matthieu 13:22

Njar ko ke dubu dann konnge’t nga, tò asenan se doo ke oo tà nè, nè kêm’n tò kekek a, nyan sú le nyanbawge ke dè nang nè pujuri dè tà nè nga ade ur kuju.

Matthieu 14:9

Tà ige ngar Hérode sêl ade tel ndi tikn. Nè tede mann ke è mann ra’n tàkum dooge ke è ɓar de nga, è unn ndu’n le kade d’ade dè Jean ke njèkule dooge manné njonm ngomande nè nga.

Matthieu 16:26

Ke nè á doo karé inge nyan malang ke dè nang nè, nè ile ngarankum ra’n kɔke salang ɓaa, ké ri á è soon’t wa?

Matthieu 19:21

Jésu ede dingem nè nga ede nè: – Ke nè á i ndige le k’ee doo ke maje ɔr njêt ɓaa, aw ige nyanbawge lei malang inye nar’n i kai njéndooge ɓaa a inge nyanbaw ra Nube’t danrán nú. Aw i ra nyange nè pa ɓita i tel ree unn rebe goom’t ɓai.

Matthieu 19:23

Jésu tel ede njékuwe-girnge ede nè: – Kerɔte kuwe, man m’ede sei ndàt, le kade baw um nan’t bɔk se Nube nga è nyan ke loo’n tur ngain.

Matthieu 6:24

Doo karé asekum ra kule kade kuwenge joo kêm kurloo ke karé’t lé. E à ɔr è ke karé njêt, nè è à unde è karé ke rang dann kumn’t. Taɓai è à ile koje dè è ke karé’t, nè à an è karé ke nyan lé. Sei asikum ra ɓer le Nube se ra ɓer le nar kade nan’t joo mbak lé.

Marc 10:22

Loo ke Jésu tam tà nè bè ɓaa, wur basa nè gang ɓann ade ɔte mbiring aw, tede nyanbaw le’n ke dè nang nè è ngain.

Marc 6:26

Ngar tel ndinge ra’n. Nè è asekum kɔge nyan ke ngomande deje’n nè nga lé, tede tà ke kété in ile kɔke salang tàkum dooge ke è ɓar de loo nyankuse’t nga.

Tà ke Maje ke Luc ndang 18:23

Nè loo ke doo nè nga oo tàge nè bè ɓaa, wur’n gang mbann tede è baw-nyankinge.

Jean 16:20

Kerɔte kuwe, m’ede sei ndàt, a i noin a, a undei kade si dai-dai a tɔ. Nè njé ke dè nang nè à ali ra de. Sei a i ndii dann kumndoo’t kuwe, nè kumndoo le si nga à tel k’ee ranel ɓai.

Nje Ke Ephese 5:5

Ooi maje: doo karé bè dann njé tò se nan ke kaiya’t éké doo ke ra’n mine éké njè nede nyan a ingei nyan-ndube kem̂ Konɓee’t le Krist lé a, kem̂ Konɓee’t le Nube ndan lé a tɔ. Nede nyan nga è mage polé.

Nje Ke Colosses 3:5

Gir’n ke nè á inyei go tò se nan ke kaiya’t se nyan ke mine, se kem̂kein se ngur nyan ke majelé se nede nyan ke è mage polé nga, adi wei ra si’t mbɔrɔk-mbɔrɔk. Nyange malang nè nga ei le nang nè.