Matthieu 16:17 - Nouveau Testament en Gulay 2004

¹⁷ Jésu ede Pierre ede nè: – Simon, ngonn Jonas, rai neli tede è doo ndul á ade kumi gang dè tà’t nè nga lé. Nè è Bɔ’m ke danrán kuwe ade kumi gang dè tà’t nè nga.

Matthieu 16:17 ပူးပေါင်းရင်းမြစ်များ

Tà ke Maje ke Luc ndang 22:32

Nè man m’ɔje tà se Nube le kade kundekêm tchên lei tel wei soin lé. I nga, loo ke a kɔse wan tel ke ram’t ɓaa, ule dingem kêm ngakoinge’t.

Jean 1:42

E ɔr’n aw se’n ra Jésu’t. Loo ke Jésu tête kum’n pan an’n ɓaa, è tam ede nè: – I i Simon ngonn le Jean. D’a ɓari Céphas (tel se tà koje jéi è kuberi her ke mong).

Jean 6:45

Njéribe-dè tàge ke tà Nube’t ndangi tà kêm Magtub’t le’n edi nè: «Nube kuwe á è njèndó dooge malang nyan.» Doo ke rara ke ur mbi’n oo’n tà le Bɔ’m a, inyei ra’n ade ndó’n nyan a tɔ ɓaa, doo nè nga à ree ram’t.

1 Nje Ke Corinthe 15:50

Ngakonmge, man m’ede sei tà nè ndàt titeke danra se mese asikum kingei i konɓee le Nube lé. Nyan ke à ndum se nyan ke à ndum lé asi koréi nan loo karé lé tɔ.

Nje Ke Galatie 1:16

Nube ade kum’m gang dè Ngonnenn’t tede kade m’ile mber tà le’n made dooge ke ei Juipge lé. Ke loon’t nè kuwe m’aw ra doo karé’t bè m’deje’n tà lé.

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Ephese 3:5

Nyan ke tò loo ɓɔyɔn’t nè nga, Nube ribe dè ade dooge ke kété mari gerii lé. Nè ɗarinè, è ribe dè se go Ndil’n ade njékawkulege se njéribe-dè-tàge ke tànn’t ke tooi se ninn de gai se go Ndil.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

Hebreuge 2:14

Ngannge ke d’oje de se go danra nga ei dooge ke yo on ɓee dè de’t. Jésu géa ade d’oje’n ke doo made de bè tɔ. E ra tite bè tede le kɔr’n tɔgmong le njè kem̂ majelé ke njè tɔ ko dooge wont kɔke se go kwei le’n.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

1 Jean 4:15

Ke nè á doo karé tam ndàt ede nè Jésu è Ngonn Nube ɓaa, Nube um se’n nan’t bɔk a, è géa um nan’t bɔk se Nube a tɔ.

1 Jean 5:20

Jè geri titeke Ngonn Nube ree dè nang nè ɓá. E kuwe ade jèi gos nyanger tede kade jè geri Nube ke get-get. J’umi nan’t bɔk se Nube ke get-get nga takul Ngonn’n Jésu-Krist. Jésu-Krist nga è ngarankum Nube a, è njèndi kumgajer sár se non a tɔ.