Matthieu 12:45 - Nouveau Testament en Gulay 2004

⁴⁵ E ɔse wan tel aw ɔr ndilge ke majelé ngain dumi è ɓai ji sejimute ree se de ade awi ndii se’n kêm kei nè nga tɔ. Doo nè nga, kêm’n tel majelé ngain dum è ke kété. Girkoje dooge ke njékêm majelége ke ndii dè nang nè ɗarinè nga géa le de à è titeke bè tɔ.

Matthieu 12:45 ပူးပေါင်းရင်းမြစ်များ

Matthieu 12:24

Loo ke Pharisienge ooi tà nè nga bè ɓaa, teli tami edi nè: – Doo nè nga rɔ ndilge ke majelé se tɔgmong ke Béelzébul, ngar le ndilge ke majelé ade’n.

Matthieu 12:44

E á è tam kêmn’t ede nè: «M’a m’tel kaw kêm kei le’m ke kété m’unde loo m’tee tutu nga.» Loo ke è tel ree tee pan ɓaa, è an titeke kêm kei le’n tò wei karè a, d’ɔi náng-náng a, dé gɔl maje a tɔ.

Matthieu 17:21

Nè ndil ke majelé ke tite è ke nè nga, ke nè á ɔgi kêm si ɓo ɔji tà se Nube lé ɓaa, sei asikum rɔ nin kɔke lé.

Matthieu 23:15

Sei njékɔrgir gute-nduge se sei Pharisienge ke njékede gosge, a an-in ɓai! Sei asi loo nák-nák dann ba-bò’t se dè nang nè, tede kinge doo karé ke njè ger Nube tite si. Nè loo ke è tel è njè ger Nube ɓá ɓaa, sei telii ke doo ke aw dann loo ke tur’t dum sei nja joo ɓai.

Matthieu 23:24

Sei njékɔr non dooge nè sei njékumtɔge! Sei ndeein mann ɔgi ngann mann kaw kêm si’t, nè sei uri lugman kêm si’t mban.

Marc 16:9

Jésu unde loo tee dann njé ke koo’t tàgir loo’t. E ndɔ ke desêin ke njè kutu go ndɔ taa kebe. E unde loo tee pan kum Marie ke ɓee le’n è Magdala. Marie ke Magdala nga, ndɔ ke kété Jésu rɔ ndilge ke majelé ji sejimute kêmn’t kɔke.

Marc 5:9

Jésu deje dingem nè nga ede nè: – Ké ri è nan wa? E ile’n dè’t ede nè: – Ri’m nè «kos njérɔge», tede jè bule ngain.

Tà ke Maje ke Luc ndang 11:26

Loo ke è an kêm kei tò wei nal ndi tutu ɓaa, è ɔse wan tel aw ɓar ndilge ke majelé ngain dumi è ɓai, ji sejimute um de dènn’t ree ndii’n kêm kei nè nga gugu. Doo nè nga, loo tɔl tà’n ɓaa, kêm’n tel majelé ngain dum è ke kété ɓai.

Nje Ke Ephese 6:12

Ḿ-m̀, rɔ ke jè rɔi nga, jè rɔi se dooge ke dè nang nè lé, nè jè rɔi se tɔgmong-ge le ndilge ke majelé ke danrán, se njékonɓeege, se tɔgmong-ge le njèkonɓee tilkus’t a tɔ.

Hebreuge 10:39

Dooge ke nange inyei go kundekem̂ le de kɔke awi dann tuju’t. Jèi nga jèi tite de lé. Jèi ɓaa, j’undei kem̂ jéi dè Nube’t tede kaje’n ngarankum ra jéi.