Marc 9:17 - Nouveau Testament en Gulay 2004

¹⁷ Dingem karé dann kosdoo-bulege’t in ile jésu dè’t ede nè: – Ngar, m’ree se ngonn’m ke dingem ke ndil ke majelé ɔge’n tam tà rai’t.

Marc 9:17 ပူးပေါင်းရင်းမြစ်များ

Matthieu 12:22

Dé ree se dingem karé ke ndil ke majelé tò kêmn’t ra Jésu’t. Dingem nè nga è njèkumtɔ a, tam tà lé a tɔ. Jésu ɔr ratur ra dingem’t nè ade tam tà yoror-yoror a, an loo njai-njai a tɔ.

Matthieu 17:15

– Kuwe-ɓee, an! kumtondoo le ngonn’m ke dingem nè nga kɔkrɔ karè. Ngonn nè kɔnon ra’n ndoo ngain. Dɔ-dɔ è toso poro a, toso manné a tɔ.

Matthieu 9:32

Loo ke a in-in le kawi ɓaa, dé ree se dingem karé ke ndil ke majelé ɔge’n tam tà ra Jésu’t.

Marc 10:13

Dooge ɔri non ngannge reei se de ra Jésu’t le kade tɔr ndu’n dè de’t. Njékuwe-gir-Jésuge in-in se njé ke ɔri non ngannge nè nga, ei ndigi kɔgi de loo.

Marc 5:23

E ndête Jésu ɓɔk-ɓɔk ede nè: – Ngar, ngonn’m ke dinye tò tà yo’t. M’deji le kade i ree ile jii dènn’t aje’n ade’m, m inye’n ade wei lé.

Marc 7:26

Dinye nga è Grec, doo ke dɔ ke d’oje’n kêm ɓee ke Phénicie ɓeekon ke Syrie. E deje Jésu le kade rɔ ndil ke majelé kêm ngonn’n ke dinye’t kɔke.

Marc 9:16

Jésu deje njékuwe-girnge ede nè: – Ké tà ri á i ndii i naji nan se njékɔrgir gute-nduge wa?

Marc 9:18

Loo ke rara géa, ndil ke majelé uwe’n ile’n nanga barak. Loo ke uwe’n ile’n nang barak ɓaa, pululu tée tànn’t pɔt-pɔt a, use gɔge’n matchatch-matchatch a, sure mbangang-mbangang a tɔ. M’deje njékuwe-girige le kade rɔi ndil ke majelé nè nga kɔke kêmn’t, nè tɔg de ase lé.

Marc 9:25

Jésu an kosdoo-bulege têti nan yip à reei ke ra de’t. E unn gir ndáng ndil ke majelé nè nga ede nè: – I ndil ke majelé ke njé kɔge ngonn nè tam tà se koo tà nga, man m’unn ndu’m m’adi, unde loo i tee kêmn’t aw se noin.

Tà ke Maje ke Luc ndang 11:14

Ndil ke majelé tò kêm dingem karé’t. Ndɔ karé bè, Jésu rɔ ndil ke majelé ke ɔge dingem nè tam tà nga kɔke. Loo ke ndil ke majelé nè unde loo tee nata ɓaa, dingem nè unn gir tam tà. Kosdoo-bulege ke ndai loon’t nga, ndil de tee an-in soin-soin.

Tà ke Maje ke Luc ndang 9:38

An! dingem karé bè in dann doobulege’t nè nga tam tà se ndu’n ke bòi ede nè: – Njèndó dooge nyan, m’ra ndoo rai’t, kɔkrɔ karè, i ree ile kumi dè ngonnm’t ade’m sei. Tede è nga è ngonn dagi le’m ke dingem.

Jean 4:47

Loo ke doo nè oo titeke Jésu in kêm ɓeekon ke Judée ree kêm ɓeekon ke Galilée ɓaa, è aw rann’t deje’n le kade ree aje ngonn’n ke tò tà yo’t.