Marc 6:36 - Nouveau Testament en Gulay 2004

³⁶ Unn ndui ade doobulege teli awi kêm ɓeege’t se ngann ɓeege ke dè nan’t gêrêr nè, ndogoi nyan usei.

Marc 6:36 ပူးပေါင်းရင်းမြစ်များ

Matthieu 15:23

Nè Jésu ile’n dè’t lé. Njékuwe-girnge reei edi nin edi nè: – I rɔyé ade n’aw tede n’non go jéi’t ɗêl-ɗêl ngain.

Matthieu 16:22

Pierre ɔr Jésu njɔl se kar’n aw se’n in se’n dè tà’t nè ede nè: – Kuwe-ɓee, maje kade Nube ngonmi ade nyan nè nga tee dèi’t lé.

Marc 3:21

Loo ke njénojege le Jésu ooi tà ke ɔje dè’n bè ɓaa, in-in awi le kɔr’n dann doobulege’t le tel ree se’n ɓéee. Ei giri kêm de’t edi nè: – Tà gir le’n ke maje tel waks.

Marc 5:31

Njékuwe-girnge deji nin edi nè: – Kosdooge ke njin nan rai’t njàng-njàng nè nga an de lé á i deje doo ke njè kɔde rai taɓai wa?

Marc 6:35

Nain ngɔr kade kàde ur. Njékuwe-gir-Jésuge reei rann’t edi nin edi nè: – Loo ke nè nga è ngang loo ke nata karè a, kàde géa à ur ngɔr a tɔ.

Marc 6:37

Jésu ede de ede nè: – Sei kuwe adi de nyan d’use. Nè njékuwe-girnge deji nin se gos edi nè: – Ké i ndige kade j’aw jè ndogo nyankuse kum nar kule ke ndɔ aru joo ɓaa, j’ade de d’use wa?