Marc 16:14 - Nouveau Testament en Gulay 2004

¹⁴ Loo ke njékuwe-gir-Jésuge ke dɔg-gidé-karé ndii à usei nyan ɓaa, Jésu tee pan kum de’t malang. Jésu in se de ede nè: – Sei njé kunn mbi dè tàge’t se njékêm nderge! Sei mbati kumi kêm si dè tà’t le njè ke an-in man kumgajer loo kunde loo tee’t le’m dann njé ke koo’t.

Marc 16:14 ပူးပေါင်းရင်းမြစ်များ

Matthieu 11:20

Dooge ke kêm ɓee-bòge ke ndɔ ke kété Jésu ra nyankɔbe ke nange tutu mbati turi hal de a, rai majelé kum de ke kété a tɔ. Gir’n ke nè á Jésu ndáng de ede nè:

Matthieu 17:20

Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Matthieu 28:17

Loo ke d’an’n ɓá ɓaa, d’ule dè de nang dé ɗɔi’n, nè kêm njé ke nange nda geng dènn’t ɓai.

Marc 7:18

E ede de ede nè: – Sei géa ké kêm si tɔ kuju tà lé titeke bè tɔ wa? Nyan ke doo use nga à tel’n ke doo ke mine lé.

Tà ke Maje ke Luc ndang 24:11

Nè tàge nè tooi asinan se tà ni bè tàkum njékawkulege’t ade umi kêm de dè’t lé.

Tà ke Maje ke Luc ndang 24:25

E ede de ede nè: – Sei njé kêm tɔ kuju tà lége tur se si ngain le ger gir tà ke njéribe-dè-tàge ke tà Nube’t tami kété mari nga.

Jean 20:25

Loo ke Thomas ree ɓaa, njékuwe-gir-Jésuge ke rang edi nin edi nè: – Jè j’an Kuwe-ɓee ɓá. Thomas tel ede de ede nè: – Ke nè á m’an tà dò pondɔ ke jinn’t, m’ule ngaw ji’m tà dò ninge ke kêl kàdenn’t nga lé ɓaa, m’a m’taa tà le si ndan lé.

Jean 20:26

Ndɔ sɔsɔ gugu ɓai, njékuwe-gir-Jésuge teli kebi nan kêm kei karé’t. Ei uti tà rebege dè de’t kák-kák. Thomas è se de nan’t kêm ndɔn’t nè nga. Nè né è bè géa, Jésu tee hɔi, nda dann de’t ede de ede nè: – Maje kade kêmlom nain se si.

Jean 20:27

Go’t gugu è tur kum’n dè Thomas ede’n ede nè: – An tà dòge ke jim’t. Ule ngonn jii ke kété nè ɔde’n tà dò ninge ke kêl kàdem’t. Ebe’t kunn mbii dè tà’t lei. Unde kêmi dèm’t.

Jean 21:1

Ndɔ ke gugu rang, Jésu tee hɔi ke ra njékuwe-girnge’t tà ba ke ri’n nè Tibériade. An! dé ke è tɔje de ra’n ade d’an’n nga ri de á tò nè:

Jean 21:14

Taɓai unn tutu kanje nobo de titeke bè tɔ. Nube ade Jésu unde loo tee dann njé ke koo’t. E tɔje ra’n ade njékuwe-girnge an-in nin. Ke nè ɓaa, è njèkon’t mute ɗarinè ta.

Nyanra Njekawkulege 1:3

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

1 Nje Ke Corinthe 15:5

Krist tee pan ke ra Céphas’t ɓita tee hɔi ke ra njékawkulege ke dɔg-gidé-joo nga ɓai.

Lookilera’n 3:19

Man ɓaa, dooge malang ke m’tár de nga, m’ndáng de a, m’um ndêin dè de’t a tɔ. Maje kade in kalang i tur hali.