Marc 12:40 - Nouveau Testament en Gulay 2004

⁴⁰ Ei njé táa nyange le dinye ke njékei-kingege ndát-ndát a, ɔji tà se Nube adi kur de heb ɗak tede le libe’n kum dooge. Dé nè nga, ndɔ gangtà’t ɓaa, Nube à gangtà ke bòi dum madege dè de’t.

Marc 12:40 ပူးပေါင်းရင်းမြစ်များ

Matthieu 23:13

Sei njékɔrgir gute-nduge se sei Pharisienge ke njékede gosge, a an-in ɓai! Tede sei ilei dooge kage ɔgi de loo kile nja de kêm Konɓee ke danrán’t. Njé ke ndigi kilei nja de tutu nga, sei ɔgi de rebe’n. Bè ɓaa, sei géa a ilei nja si tutu ndan lé tɔ. [

Matthieu 23:14

Sei njékɔrgir gute-nduge se sei Pharisienge ke njékede gosge nga, a an-in ɓai! Sei tosoi kêm kei le njékei-kingege, i kotoi nyange le de malang awi i tuji. Taɓai sei ndai ke loon’t nè ɔji tà se Nube adi kur si heb ɗak tede libe’n kum de. Gir’n ke né á tà ke d’a gang dè si’t ndɔ gangtà’t nga, a tur ngain dum le njé ke rang malang.]

Matthieu 23:33

Sei i tooi asinan se li jênênnge, tà ke d’a gang dè si’t dann loo ke tur’t nga, ké à nal sei titeke bain wa?

Matthieu 6:7

Loo ke a ɔji tà se Nube ɓaa, i tami tàge dè nan’t-dè nan’t titeke dooge ke geri Nube lé rai nga lé. Ei giri titeke tàge ke n’ei n’tami ke dè nan’t-dè nan’t á Nube à ade’n de nyan ke n’deji nin nga.

Marc 12:39

Njékɔrgir gute-nduge nga ndigi ndii loo ke kété non kosdooge’t kêm kei kebe nan’t. Loo ke dé ɓar de loo nyankuse’t géa, ei ndigi ndii loo ndi dooge ke bò’t kété a tɔ.

Tà ke Maje ke Luc ndang 20:47

Nè kêl karé dé njétoso kêm kei le njékei-kingege koto nyange le de ndát-ndát a tɔ. D’ɔje tà se Nube d’ade kur de heb ɗak le taa’n kum dooge. Dé nè nga tà ke d’a gang dè de’t ndɔ gangtà’t nga à dum dè le dooge ke rang malang.

2 Nje Ke Corinthe 11:20

Dooge rai sei ɓer éké tuji nyange le si. Dooge rai sei ade oso ra si’t ɗàk éké nedi sei a, éké tundei mbɔr si njanm-njanm a tɔ. Nè né è bè géa, sei oréi tà si njak dè nyange ke dooge rai se si nga.

2 Timothee 3:6

Njé ke nange dann de’t ei njé toso kem̂ keige le libe kum dinyege ke njé kem̂ mɔrége. Dinyege nè nga kaiya taa ra de pel-pel a, ngur nyange gai-gai ndɔri de a tɔ.