Marc 11:32 - Nouveau Testament en Gulay 2004

³² Ke nè á j’à j’ilei n’ee dè’t kedi nè: Gir’n in ra dooge’t ɓaa, kosdoo-bulege à in-in se jéi se tà ke le de tɔ. Dé ɓel kosdoo-bulege tede dooge malang an-in Jean ke ngarankum njèribe-dè-tà ke tà Nube’t.

Marc 11:32 ပူးပေါင်းရင်းမြစ်များ

Matthieu 11:9

Nè ké ri á sei awi le kan-in kêm dile’t wa? Ké awi le kan-in njèribe-dè-tà ke tà Nube’t karé bè wa? Oiyo, man m’ede sei ndàt, doo ke sei awi le kan-in nga, dum dè njèribe-dè-tà ke tà Nube’t ɓai.

Matthieu 14:5

Hérode ndige le kade d’ade kum Jean udu. Nè è ɓel kum doobulege tede an-in Jean ke njèribe-dè-tà ke tà Nube’t.

Matthieu 21:46

Ei sangi le kuwei Jésu nè ei ɓeli kum kosdoo-bulege tede an-in nin ke njèribe-dè-tà ke tà Nube’t.

Marc 11:31

Dé murin tà dann de’t d’ede nè: – Ké j’à kilei n’ee dè tà’t kedi nè ri wa? Ke nè á j’à j’ilei n’ee dè’t kedi nè: Gir’n in danrán ra Nube’t ɓaa, n’a n’deje jèi kede nè: A ɓaa ké bain á umi kêm si dè tà’t le Jean lé wa?

Marc 11:33

Gir’n ke nè á dé tel d’ile’n Jésu dè’t d’ede nè: – Jè, jè ger lé. Jésu tel ede de ede nè: – Ke nè á è bè ɓaa, m’a m’ede sei ri njékinye loo kade m’ra’n nyange nè nga ndan lé tɔ.

Marc 12:12

Njékɔr non Juipge geri titeke Jésu tam gostà nè ɔje’n dè de. Ei sangi le kade d’uwe’n, nè ɓeli kum doobulege ɓaa, ei inyei nin ɔti awi.

Marc 6:20

Hérode Antipas ile koje dè Jean’t ngain. E ger’n ke doo ke njè ra nyan se dè naje’n a, se doo ke tò se ninn’n a tɔ. E an dè Jean sêw-sêw, nè loo ke è oo tà le’n ɓaa, tàgir le’n aw yo-yo, nè-nè. Nè né è bè géa, Hérode Antipas ur mbi’n oo’n tà le Jean se ranel.

Tà ke Maje ke Luc ndang 20:19

Njékɔrgir gute-nduge se maw njékuje nyan-mesege sangi rebe le kade d’uwe Jésu ke loon’t nè, nè ei ɓeli kum dooge. Ei geri se kêm de mbak titeke tà ke è tam nè nga ɔje dè de n’ei kuwe.

Tà ke Maje ke Luc ndang 22:2

Maw njékuje nyan-mesege se njékɔrgir gute-nduge sangi gos ke le tɔl’n Jésu, nè dé ɓel kum kosdooge.

Jean 10:41

Dooge ngain reei ra Jésu’t edi nin edi nè: – Jean nga ndɔ ke ra nyankɔbe karé bè lé. Nè tàge malang ke ndɔ ke tam ɔje’n dèi i Jésu nga, è ngarankum tà kerɔte.

Nyanra Njekawkulege 5:26

Ke loon’t nè kuwe, njèkan dè njé ngonm tà keige le Nube aw se dooge le’n uwei njékawkulege teli reei se de jêke^ karè nal ra se de nyan, tede ɓeli edi nè bainléa kosdooge à kin-in tilei de se kuberi her tɔli de.