Marc 11:25 - Nouveau Testament en Gulay 2004

²⁵ Dɔ-dɔ loo ke in-in i ndai dɔ le kɔji tà se Nube nga, ke nè á kêm si on sei dè doo karé’t ɓaa, inyei go nyanrage le’n ke se go rebe’n lé. Titeke bè á Bɔ si ke ndi danrán géa à inye go nyanrage le si ke se go rebe’n lé le si nga tɔ.

Marc 11:25 ပူးပေါင်းရင်းမြစ်များ

Matthieu 5:23

Ke nè á i aw se nyan-noje lei le kade dè ɗinger loo nyankuje-mese’t á ke loon’t nè kêmi olé dè nyan ke ngokoin aw’n sei se tà ɓaa,

Matthieu 6:12

Maje kade ade kêmi tin mbit dè kure majelége’t le jé titeke jè géa j’ade kêm jé tin mbit dè kure majelé ke made jége rai se jé.

Matthieu 6:5

Loo ke a ɔji tà se Nube ɓaa, i rai titeke njékede gosge rai nga lé. Dé nga, dé ndige kɔje tà se Nube kade kum dooge an de njung kêm kei kebe nange’t a , se ngang rebege’t a tɔ. Kerɔte kuwe, man m’ede sei ndàt, dé nè nga d’inge nyan-kuge dè ji de ɗarinè ɓá ta.

Tà ke Maje ke Luc ndang 18:11

Pharisien nè nga ɔse nang in nda dɔ mbeng, ɔje tà se Nube kêmn’t ede nè: «Hei! Nube, m’rai oiyo tede man m’ee tite gute dooge ke ei njéɓog-ge a, njéra nyan danné sêwge lé se njésang dinyege le made dege lé a tɔ. M’rai oiyo tede man tite njètaa tir ke nda nè nga lé a tɔ.

Tà ke Maje ke Luc ndang 18:13

Njètaa tir nga ɔse nang in nda dɔ gugu nú, è ndige kɔr kum’n kan’n loo ke dɔ lé a tɔ. Nè è unde kàde’n se ji’n ɗi ede nè: «Hei! Nube, ade kêmi tin mbit dèm’t tede man m’ee njèkaiya.»

Tà ke Maje ke Luc ndang 6:37

Ilei tà dè dooge’t lé ɓaa, Nube à ile tà dè si’t lé tɔ. Uwei dooge se tà lé ɓaa, Nube géa à uwe sei se tà lé tɔ. Adi kêm si tin mbit dè majelége’t le dooge ɓaa, Nube géa à ade kêm’n à tin mbit dè majelége’t le si tɔ.

Nje Ke Ephese 4:32

I rai kem̂-maje se nan a, i rai kem̂kanm se nan a, adi kem̂ si tin mbit dè nan’t titeke Nube ade kem̂’n tin’n mbit dè si’t takul Krist.

Nje Ke Colosses 3:13

Ilei kem̂ si pon dè nan’t. Ke nè á doo karé dann si sei’t aw se tà ke asekum kade in’n se made’n se tà géa, adi kem̂ si tin mbit dè nan’t. Adi kem̂ si tin mbit dè nan’t titeke Kuwe-ɓee ade kem̂’n tin’n mbit dè si’t nga tɔ.

Jacques 2:13

Doo ke an kumndoo le madennge lé ɓaa, ndɔn’t Nube à unn kum’n mbeng le gangtà dènn’t nal kan kumndoo le’n tɔ. Nè doo ke an kumndoo le madennge ɓaa, à nda loo gangtà’t se kem̂ ɓel ndan lé.

Lookilera’n 11:4

Dé nè nga dé kage Olivierge ke joo a, dé lampege ke joo ke ndai non Kuwe-ɓee ke dè nang nè.