Marc 11:23 - Nouveau Testament en Gulay 2004

²³ Kerɔte kuwe, man m’ede sei ndàt, ke nè á doo karé ede mbal nè ede nè: «Ɔr rai loo ke nè’t kɔke aw oso ba ɓaa, d’ade ra nyan nè kade’n kuwe. Nè è tà le kade um kêm’n dè’t bɔk-bɔk m naje se ra’n dè’t lé.

Marc 11:23 ပူးပေါင်းရင်းမြစ်များ

Matthieu 14:13

Loo ke Jésu oo tà nè nga bè ɓaa, è al kêm bato’t ɔr ra’n se kar’n aw kêm dile loo’t se kar’n. Nè loo ke kosdoo-bulege ooi ká’n ɓaa ei in-in se kêm ɓee-bòge gai-gai awi goon’t se nja de.

Matthieu 17:20

Jésu tel ede de ede nè: – E tede kundekêm le si ke tin lé. Kerɔte kuwe, man m’ede sei ndàt, ke nè á kundekêm le si è tite kum kage Mutarde bè ɓaa, sei asikum kedi mbal nè kedi nè: «Ɔr rai loo ke nè’t kɔke aw i nda nú bè» ɓaa, mbal nè nga à ɔr ra’n se gir son’n bere kaw kuwe tɔ. Nyan karé bè ke à dum si goto.

Matthieu 21:21

Jésu tel ile de dè’t ede nè: – Kerɔte kuwe, man m’ede sei ndàt, ke nè á awi se kundekêm ke get á i naji se ra si dè’t lé ɓaa, a i rai nyan ke m’ra se kage koté nè nga á go karé bere lé, nè ke nè á edi mbal nè edi nè: «Ɔr rai loo ke nè’t i kile oso dann ba’t nú» ɓaa, mbal nè nga à ra titeke bè kuwe tɔ.

Tà ke Maje ke Luc ndang 17:6

Kuwe-ɓee tel ile de dè’t ede nè: – Ke nè á kundekêm le si è ndêin-ndêin bè tite kum kage ke ri’n nè Mutarde géa, sei asikum kede kage koté nè kedi nè: «Ɔr rai se ngirei bere mbak aw i nda dann ba’t» ɓaa, kage nè nga à ra nyan ke sei edii.

Jean 14:13

Nyange malang ke a i deji nin se ri’m nga, m’a m’ra kade dooge geri tɔgmong le Bɔ’m takul’m.

Jean 15:7

Ke nè á i nanmi kàdem’t a, tàge le’m urkei kêm si’t a tɔ ɓaa, nyan ke sei ndigi á i deji nga a ingei.

1 Nje Ke Corinthe 13:2

Ke nè á m’aw se nyan-noje ke ɔje dè ribe dè tà ke tà Nube’t, m’ase ger nyange malang ke tooi loo ɓɔyɔ de’t éké m’aw se nyanger ke deri éké m’ase le kaw se kundekêm ke deri tede kɔr’n mbal se girson’n bere géa, ke nè á tár nan goto kêm’t ɓaa, m’ee nyan ke karè.