Marc 10:19 - Nouveau Testament en Gulay 2004

¹⁹ Nube unn ndu’n ede nè: «I a tɔl doo lé; i a sang dinye ke rang lé, i a ɓoge lé, i a tête tà kunde tà doo’t lé; i a kede gos taa’n nyan le doo lé; i a kule dèi kade bɔi se koin a tɔ.» Ké ndukunnge nè nga i ger de mbak lé wa?

Marc 10:19 ပူးပေါင်းရင်းမြစ်များ

Marc 10:18

Jésu deje dingem nè nga ede nè: – Ké bain á i ɓar’m doo ke maje ɔr njêt wa? Doo karé ke maje ɔr njêt goto ndát-ndát. Nè Nube kuwe karé bere á è njè maje kɔr njêt.

Tà ke Maje ke Luc ndang 18:20

I ger nyange ke Nube unn’n ndu’n le kade dooge rai éké dooge rai lé nga ɓá. Ei á tooi nè: «I a sang dinye le doo-madi lé a, i a tɔl doo lé, i a ɓog lé, i a tête tà kunde tà doo’t lé a, i a kile koje dè njékojige’t a tɔ.»

Nje Ke Rome 13:9

Ndukunnge ke sei i geri ɓá nga tami edi nè: «I a sang dinye éké dingem ke rang lé, i a tɔl doo lé, i a ɓoge lé, i a ra kêmkein dè nyan’t le doo lé.» Ndukunnge nè se gutege ke nain-in nga, d’oré de nan’t loo karé d’ede nè: «I a tár doo madi titeke i tár’n danrai i kuwe bè tɔ.»

Nje Ke Rome 3:20

Doo karé bè géa Nube à ɔr tà dènn’t tede ra ke è ra nyan ke gute-ndu ɔje nga lé. Gute-ndu tò tede tɔje doo kade ger titeke è njè ra majelé.

Nje Ke Galatie 4:21

Sei ke i ndigi ndii gir gute-ndu’t nga edi man, ké sei ooi tà ke gute-ndu tam nga lé wa?

Nje Ke Galatie 5:14

Ke nè á sei rai titeke bè ɓaa, a i rai gute-ndu nga kade maje ɔr njêt. Tede gute-ndu bere mbak nga d’oré nan’t d’ade è ndukunn ke karé bere d’ede nè: «I a tár doo madi titeke i tár’n rai i kuwe bè tɔ.»

1 Nje Ke Thessalonique 4:6

Maje kade njètaakem̂-Krist sang ngomande éké dinye ke rang ra’n majelé se ngokon’n éké kon nann’n lé. Ndɔ ke j’ede sei tà nè ndàt kété ɓá, nè jè tel j’ede sei ɓai tite Kuwe-ɓee Nube à dalban nyange nè nga malang.

Jacques 2:11

Kerɔte kuwe, è Nube ke karé ke njè tam kede nè: «I sang dinye éké dingem ke rang lé» nga kuwe á tam ɓai ede nè: «I tɔl doo lé.» Nè ke nè á i sang dinye éké dingem ke rang lé géa, nè i tɔl doo ɓaa, i tel i njèkal tà tà gute-ndu’t ɓá ta.