Marc 1:45 - Nouveau Testament en Gulay 2004

⁴⁵ Nè loo ke dingem nè ɔte aw ɓaa, è unn gir kɔrgir nyan ke tee nè nga ase’n loo nák-nák. Gir’n ke nè á Jésu ase kum kaw ɓee-bò’t tàkum dooge’t ndái-ndái lé. E ndi ngang loo’t nata nè dooge in-in se loo-loo reei rann’t som-som.

Marc 1:45 ပူးပေါင်းရင်းမြစ်များ

Matthieu 28:15

Njérɔge taai nar nè nga ɓaa, ei rai titeke d’ede’n de kété nga tɔ. Titeke bè á tà nè nga oso’n se loo mbit-mbit dann Juipge’t sár tee kêm ndɔ ke ɓila.

Matthieu 9:26

Sertà nè oso se loo mbit-mbit kêm ɓeekon’t nè nga.

Matthieu 9:31

Nè loo ke njékumtɔge ke joo nè undei loo teei ɓaa, mbɔr bè kuwe adi kɔbe Jésu oso se loo mbit-mbit kêm ɓeekon’t nè nga.

Marc 2:13

Ndɔ karé bè Jésu tel aw tà ba-bò ke Galilée gugu. Kosdooge malang reei rann’t ade ndó de nyan.

Marc 3:20

Jésu tel aw kêm kei karé’t bè. Doobulege teli ɔsi nja nan rann’t ade è se njékuwe-girnge an-in loo kuse nyan lé.

Marc 3:7

Jésu ɔr ra’n se njékuwe-girnge awi tà ba-bò ke ɓeekon ke Galilée. Kosdoo-bulege ndolèi goo’n. Kosdoo-bulege nè nga njé ke nange in-in kêm ɓeekon ke Galilée se Judée.

Marc 7:36

Jésu unn ndu’n ade dooge ke ndai loon’t ede nè: – Adi ta nè nga tee tà si’t ade doo ke rang karé bè géa oo lé. Nè loo ke è tam se de tà nè bè ɓaa, lotbè á d’unn tà nè nga d’ase’n loo nák-nák.

Jean 6:2

Doobulege ngain ndolèi goo’n tede an-in nyankɔbege ke kété è ra se njératurge.

Tite 1:10

Ɗarinè, njékaltàge se njé kɔje tàge ke raikarè se njé libe kum dooge bulei ngain dann Juipge ke njétaakem̂-Kristge kuwe mbain.