Marc 1:27 - Nouveau Testament en Gulay 2004

²⁷ Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Marc 1:27 ပူးပေါင်းရင်းမြစ်များ

Matthieu 15:31

Ndil kosdoo-bulege tee an-in soin-soin. Njé ke tami tà lé unni gir tami tà. Njédɔgemetege teli njiyei ɗáj-ɗáj. Njémetege njiyei awi a, teli a, njékumtɔge géa an-in loo njai-njai a tɔ. Doobulege ɔsi pa ulei ndubra dè Nube’t le Israel.

Matthieu 8:9

Man kuwe géa m’ile koje dè doo-dèmge’t a, m’aw se njérɔge ke ndii gir ndukunn’t le’m. Loo ke m’ede njè ke karé m’ede nè: «Aw!» ɓaa, è aw. Loo ke m’ede njè ke karé ke rang m’ede nè: «I ree nè» ɓaa, è ɔte ree. Loo ke m’ede ɓer le’m m’ede nè: «I ra nyan ke nè» ɓaa, è ra nyan nè nga tɔ.

Matthieu 9:33

Loo ke Jésu rɔ ndil ke majelé kɔke kêm dingem’t nè ɓá ɓaa, ke loon’t nè kuwe dingem nè nga unn gir tam tà yàr-yàr. Ndil doobulege tee an-in soin-soin ade tami edi nè: – Ndɔ karé doo an nyan ke titeke bè kêm ɓeekon ke Israel nga ndan lé ɓai.

Marc 1:26

Ndil ke majelé sure dingem nè mbangang-mbangang a, ade non ɓerer-ɓerer ɓita unde loo tee kêmn’t ɓai.

Marc 1:28

Ke loon’t nè kuwe, kɔbe nyan ke Jésu ra nga oso se loo mbit mbit kêm ɓeekon ke Galilée bere mbak.

Marc 10:24

Ndil de tee an-in soin-soin dè tà ke è tam’t nè nga. Nè Jésu tel ede de ede nè: – Basage, njé ke umi kêm de dè nyanbawge ke dè nang nè nga, kaw kêm Konɓee’t le Nube à tur se de ngain.

Marc 10:32

Jésu se dooge ke ndolèi goo’n in-in awi kum de ke kêm ɓee-bò ke Jérusalem. Jésu oso non de’t kété. Kêm njékuwe-girnge tò kekek. Dooge ke ndolèi go Jésu nga géa, ɓel ra de a tɔ. Jésu ɔr njékuwe-girnge ke dɔg-gidé-joo njɔl aw se de se kar de loo ke rang’t. E ede de nyange ke dooge ayé rai se’n.

Marc 16:5

Taɓai loo ke d’aw kêm bolè mbal ke dé son ɓaa, d’an ngonn basa karé. E ndi nang se ke dè jikon, è ule kubu ke ngal ke nda káng-káng rann’t. Loo ke d’an’n bè ɓaa, tà ige de sêl ade ndil de tee an-in soin-soin.

Marc 16:6

Ngonn basa nè nga ede de ede nè: – Adi ndil si tee an-in soin-soin lé. Sei sangi Jésu ke Nazareth ke ndɔ ke dé tɔl’n kàde kage-ke-dese’t nga; Nube ade unde loo tee dann njé ke koo’t ɓá. E goto loo ke nè’t. An-in! è loo ke nè á ndɔ ke d’unde ninn’n tutu.

Marc 7:37

Ndil de tee an-in soin-soin ade dé tam d’ede nè: – N’ra nyange ke dum kum. N’ade njé mbi mbege teli ooi tà ɗarinè a, n’ade njé ke kété asikum tami tà njai lé géa, teli tami tà njai-njai ɗarinè a tɔ.

Tà ke Maje ke Luc ndang 4:36

Dooge malang ke ndii tutu nga, tà ige de sêl ade ei deje nan tà edi nè: – Ké è tà ri á bè wa? Doo nè nga on ndilge ke majelé njanm-njanm ede nè: «Undei loo i teei» ɓaa, ke loon’t nè kuwe, undei loo teei an-in nan.

Tà ke Maje ke Luc ndang 9:1

Ndɔ karé bè, Jésu ɓar njékuwe-girnge ke dɔg-gidé-joo ɔse nja de nan’t . E ade de dèmong se tɔgmong le rɔ’n ndilge ke majelé malang kêm njératurge’t a, se le kɔr’n ratur ra dooge’t a tɔ.

Nyanra Njekawkulege 17:19

D’uwe Paul d’aw se’n dè mbal ke dé ɓar’n «Aéropage», dé deje’n d’ede nè: – Nyan-ndó ke kige ke i tam tà’n nè nga, ké asekum kɔrgir kade j’oo lé wa?