Lookilera’n 9:4 - Nouveau Testament en Gulay 2004

⁴ D’unn ndu de d’ade de le kade on-in walè se nyan ke tebe karé éké kage karé bè géa dè nang nè lé. Nè d’inye loo d’ade de le kade rai kum dooge ke nyankorji le Nube goto nat-non de’t ndoo.

Lookilera’n 9:4 ပူးပေါင်းရင်းမြစ်များ

Matthieu 24:24

Njé tête tà kunde tà Krist’t se njé tête tà kunde tà Nube’t à undei loo teei. A rai nyankɔbege se nyanpindege ke tooi ɓel tede le kade bainléa súii njé ke Nube tɔr de kuwe géa tɔ.

Nje Ke Ephese 4:30

I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.

Lookilera’n 14:1

M’an loo gerer ɓaa, m’an Ngonn bate nda dè mbal ke ɓee-bò ke Sion. Dooge le’n ke aru dɔg loo aru se kɔr-sɔ-gidé-sɔ ei se’n nan’t. Dé ndang ri Ngonn bate se ri Bɔ’n nat-non de’t.

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.

Lookilera’n 7:1

Go’t gugu, m’an dooge ke danrán sɔ ndai se nja de dɔ dè kum nang ke sɔ’t. Dooge ke danrán nè nga on-in nelge ke sɔ ke dè nang nè njanm-njanm tede kade nel karé bè géa ule dè nang nè éké dè ba-bò’t éké dè kage karé bè lé a tɔ.

Lookilera’n 8:7

Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.