Lookilera’n 9:17 - Nouveau Testament en Gulay 2004

¹⁷ Dé tɔje’m sindege nè nga d’ade m’an de se go nyanpinde. Njé kal dege otoi der ke ker tite por a, ke ndul tite hel ban-an a, se ke ker jengleng ji de’t a tɔ. Dè sindege nè nga tò tite dè toboige bè. Por se sa a, nyan ker jengleng tite ndon por bè ube tà de’t ngɔk-ngɔk.

Lookilera’n 9:17 ပူးပေါင်းရင်းမြစ်များ

Lookilera’n 11:5

Ke nè á doo karé ndige ra se de majelé ɓaa, por à tee tà de’t le ró njébange le de rák-rák. Ke nè á doo karé nan le ra se de majelé ɓaa, gar-gar kum’n a udu titeke bè tɔ.

Lookilera’n 14:10

è géa d’ade nim yibe nduu wong kem̂ bai wong’t le Nube kade an-in. Dooge nè nga d’a d’ade nyan ke ker jengleng à mbutu por kon de kade nyantosowur ra de. Nyantosowur nè nga à ule de ndibe tàkum dooge ke danrán ke tooi se ninn de a, tàkum Ngonn bate’t nga a tɔ.

Lookilera’n 19:20

Dan se è ke njè ra ra’n ke njèribe-dè-tàge ke tà Nube’t nga, d’uwe de joo mbak. E ke njè ra ra’n ke njèribe-dè-tàge ke tà Nube’t nga ndɔ ke è ra nyankɔbege gai-gai tàkum dan’t nè libe’n kum dooge ke nyankorji le dan tò ra de’t a, ke ɗɔyi nyan ke dé ra dé ndaje’n dan nè nga a tɔ. Dan se njè ra ra’n ke njèribe-dè-tàge ke tà Nube’t nga, d’uwe de joo mbak d’ile de kumgajer dann por nyan ke ker jengleng ke laa tong-tong a, ke on bilm-bilm a tɔ.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 21:20

Njèkon’t mi è Sardoniks, njèkon’t mute-mute è Sardoine, njèkon’t ji sejimute ri’n nè Chrysolite, njèkon’t sɔsɔ ri’n nè Béryl, njèkon’t jisɔ-jimi è Topaze, njèkon’t dɔg ri’n nè Chrysoprase, njèkon’t dɔg-gidé-karé è Hyacinthe, njèkon’t dɔg-gidé-joo ri’n Améthyste.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»

Lookilera’n 9:18

Nyange ke gir mute ke teei tà sindege’t nga tɔli debe dooge ke karé dann ke mute’t kɔke.

Lookilera’n 9:9

Sɔl-kàde de tò tanan se der-rɔ ke nar bè. Ká bage de ɓar asenan se ká wotro rɔ ke sindege bule ndɔri se ngɔde-ngɔde awi ke loo rɔ’t bè.