Lookilera’n 9:1 - Nouveau Testament en Gulay 2004

¹ Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.

Lookilera’n 9:1 ပူးပေါင်းရင်းမြစ်များ

Tà ke Maje ke Luc ndang 10:18

Nè Jésu tel ile de dè’t ede nè: – Loo ke m’an loo gerer ɓaa, m’an Mweisekar’m lé in danrán oso nang tite ndi ke têl bè.

Tà ke Maje ke Luc ndang 8:31

Ndilge ke majelé nè nga, ndingei ndoo tà Jésu’t le kade unn ndu’n ade n’undei loo n’teei n’awi kêm bolè ke son’n goto’t nga lé.

Nje Ke Rome 10:7

An tá nè à kin tam kêmi’t kede nè: «Ké nan à rise kêm be ke son’n goto’t le kade Krist unde loo tee dann njé ke koo’t wa?»

Lookilera’n 1:18

Man nga m’ee njèndi kumgajer. Man nga ndɔ ke wei ɓá. An! ɗarinè, m’ndi kumgajer sár se non. Man nga m’aw se tɔgmong dè yo’t a, dè ɓee le njé ke koo’t a tɔ.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 11:7

Loo ke njékɔrgo tàge le’m ke joo nè nga à ɔri son le kule le de njêt ɓá ɓaa, dan-ton à unde loo tee kem̂ bolè ke son’n goto’t, le kile rɔ dè de’t. Dan-ton nè nga à tête de rɔ a, à tɔl de a tɔ.

Lookilera’n 17:8

Doo ke danrán nga tel ede’m ede nè: «Dan ke i an’n nga tò tutu kété mari, nè ɗarinè goto ta. A unde loo tee kem̂ be ke son’n goto le kaw ke loo tuju’t. Dooge ke ndii dè nang nè, ke dé ndang ri de kem̂ magtub ndikumgajer’t lé mari loo kunde gir nang’t nga, loo ke à an-in dan nè nga bè ɓaa, tà à ige de sêl. Tà à ige de sêl tede dan nè nga tò tutu kété mari, nè go’t gugu goto njêl. Dan nè nga, ndɔn’t à tel kunde loo tee ɓai.

Lookilera’n 20:1

Go’t gugu, m’an doo karé in danrán rise nang. E uwe lakêlé kɔr tà be ke son’n goto jinn’t. Doo ke danrán nè nga uwe sul ke mong mêr-mêr jinn’t nda’n.

Lookilera’n 20:10

Njè tête tà kunde tà dooge’t se njè libe kum de nga, d’uwe’n d’ile’n patak dann por nyan ke ker jengleng, ke on se laa’n bilm-bilm nga, ndɔ ke kété d’ile dan se njè ra ra’n ke njèribe-dè-tàge ke tà Nube’t danné. D’a d’ade nyantosowur à ra de kada a, ndɔɔ a, se ɓal-ɓal sár se non.

Lookilera’n 6:13

Kɔnyonge ke kàde danran’t teei tosoi nang asenan se kage koté ke nel-bò yei’n ade ɓew’n ur nang bè.

Lookilera’n 8:10

Doo ke danrán ke njèkon’t mute kɔl burunju. Ke loon’t nè kuwe, kɔnyon ke bòi ke on por njoi-njoi tite lampe bè in danrán oso nang. Kɔnyon nè nga oso dè debe ba karé’t dann madege ke mute’t se dè ngur mannge’t a tɔ.

Lookilera’n 8:12

Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.

Lookilera’n 8:2

Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.

Lookilera’n 9:2

Kɔnyon nè nga teen tà bolè ke son’n goto. Ke loon’t nè kuwe, sà tee kem̂é tukuk-tukuk tite sà por mbo-bò bè. Sa tee utu kum loo ke dɔ lêt ade kàde tel tuge ndul bigm.