Lookilera’n 8:7 - Nouveau Testament en Gulay 2004

⁷ Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.

Lookilera’n 8:7 ပူးပေါင်းရင်းမြစ်များ

Jacques 1:11

Loo ke kàde ube, in ɔse ramam ade kam kage ndolè a, putu’n ur nang a, kin mande le’n ɔse ngei ngai a tɔ. Baw nga géa, le’n à è titeke bè tɔ. Ndɔ karé à goto njêl dann nyanbawge’t le’n.

1 Pierre 1:24

Magtub ke tò se ninn’n tam ede nè: «Danra dooge malang tò tite walè bè a, riɓar le de malang tò asenan se putu kage bè a tɔ. Walè tutu a, putu gein nang a tɔ.

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 16:2

Doo ke danrán karé ke desêin ɔte aw unn nyantosowurge ke kem̂ bai wong-ge le Nube ke ji sejimute ɓêngle dè nang nè. Ke loon’t nè kuwe, dò-ngakɔige ke majelé age lêw oso ra dooge’t. Dooge nè nga, ei njé ke dé tɔse nyankorji le dan ra de’t a, ulei dè de nang non nyan ke dé tɔl dé ndaje’n dan nga.

Lookilera’n 16:21

Kɔtchege ke bò-bò ke ɔyi tite nar-nda bè in-in danrán tilei dè dooge vbang-vbang. Dooge taji Nube dap-dap tede nyantosowur ke kɔtchege rai se de. Nyantosowur ke ra de nè nga, è nyantosowur ke tò ɓel ngain dum madege ke rang malang.

Lookilera’n 6:8

An! loo ke m’an loo gerer ɓaa, m’an sinde-mɔse. Doo ke njèkal’n nga ri’n nè yo-kos. Ɓee le njé ke koo ndolè goo’n. Dè kum nang ke tɔ sɔ nga, d’ade yo-kos se ɓee le njé koo gang ɔje dè è ke karé. Yo-kos se se ɓee le njé ke koo à tɔli dooge se kuye kaskar ke bòi bember se ɓo a, se yo-kos a, se dan-tonge ke dè nang nè a tɔ.

Lookilera’n 7:1

Go’t gugu, m’an dooge ke danrán sɔ ndai se nja de dɔ dè kum nang ke sɔ’t. Dooge ke danrán nè nga on-in nelge ke sɔ ke dè nang nè njanm-njanm tede kade nel karé bè géa ule dè nang nè éké dè ba-bò’t éké dè kage karé bè lé a tɔ.

Lookilera’n 9:15

Dooge ke danrán ke sɔ ke dé tutu de d’inye de dɔ nga ndii dè nja de’t tchên nginei kàde’n, ndɔ’n, nan’n se ɓal’n a tɔ, le kin-in kawi tɔli debe dooge ke karé dann ke mute’t.

Lookilera’n 9:18

Nyange ke gir mute ke teei tà sindege’t nga tɔli debe dooge ke karé dann ke mute’t kɔke.

Lookilera’n 9:4

D’unn ndu de d’ade de le kade on-in walè se nyan ke tebe karé éké kage karé bè géa dè nang nè lé. Nè d’inye loo d’ade de le kade rai kum dooge ke nyankorji le Nube goto nat-non de’t ndoo.