Lookilera’n 8:3 - Nouveau Testament en Gulay 2004

³ Doo ke danrán karé ke rang ree nda ngɔr se ke dè ɗinger loo nyankuje-mese. E uwe bai ró katchatcha jinn’t. Doo ke danrán nè nga d’ade’n katchatcha ngain kade unn ade nan’t se kɔje-tà se Nube le dooge malang ke ɔji se’n dè ɗinger loo nyankuje-mese’t. Ɗinger loo ke ra se nar-ɔr nè nga tò ngɔr se kutu-ngar.

Lookilera’n 8:3 ပူးပေါင်းရင်းမြစ်များ

Tà ke Maje ke Luc ndang 1:10

Gute kosdooge malang ndai nata kêm kei le Kuwe-ɓee à ɔji se’n tà.

Nje Ke Rome 8:34

Dooge ke Nube kuwe tɔr de a, ɔr tà dè de’t a tɔ nga, ké nan ase gangtà dè de’t wa? Doo karé bè ke ase gangtà dè de’t goto, tede Jésu-Krist wei tede tà le de. Jésu-Krist ke wei tede tà le de nga, è unde loo tee dann njé ke koo’t. Taɓai è aw ndi dè jikon Núbe’t à ra rebe tà le jéi.

Hebreuge 7:25

Gir’n ke nè á njé ke reei ra Nube’t se takul Jésu ɓaa, è ase kaje de nja karé bere ke ngang’n. Jésu nga ndi kumgajer sár se non. E ɔje tà se Nube dɔ-dɔ tede le de.

Hebreuge 9:4

Dè ɗinger loo ke dé ra se nar-ɔr tò kem̂ gile kei ke tò se ninn’n gai’t nè nga. E loo nè á dé ró nyange ke ete sununu tutu d’ade Nube. Sandu mann-ra ke dé loin gide bere mbak se nar-ɔr tò kem̂ gile kei ke tò se ninn’n nè nga tɔ. Jóbai ke dé leen se nar-ɔr tò kem̂ sandu mann-ra’t nè nga. Mur ke ri’n nè manne se kage tɔse le Aaron ke ndɔ ke putu njin tooi kem̂ sandu mann-ra’t nè nga tɔ. Taɓai begre mbal ke dé ndang gute-nduge tutu tooi kem̂ sandu mann-ra’t nè nga tɔ.

Lookilera’n 10:1

Taɓai m’an doo ke danrán karé ke rang ke njètɔg in danrán rise nang. Doo nè nga bum utu dè’n lêt-lêt a, an-in dè’n king-king a tɔ. Tàkum’n ndoin tite kàde bè a, nja’n tò tite por ke suri nan ɗêng-ɗêng bè a tɔ.

Lookilera’n 14:18

Doo ke danrán karé ke rang ke aw se tɔgmong dè por’t unde loo tee pitring dè ɗinger loo nyankuje-mese’t. E tam tà se ndu’n ke bòi beng ede made’n ke uwe ngɔrong ke ate pem̂ jinn’t nga ede nè: «Ile ngɔrong lei ke ate pem̂ non nang lêr uje’n kul nduu ke dè nang nè ɗap i gang, tede kul’n nga ɔɔ ɓá.»

Lookilera’n 5:8

Loo ke è taa magtub nè nga pat ɓaa, nyankunde ke sɔ se ngatɔgege ke kɔr-joo-gidé-sɔ ɔsi keje de nang non Ngonn bate’t ɗɔyi nin. Ei karé-karé malang ei se kundu-jêng se baige ke dé ra se nar-ɔr. Wubu ke dé ra se katchatcha rusu kem̂ baige nè neĵ-neĵ. Wubu ke ra se katchatcha nga è kɔje tà se Nube le njé ke tooi se ninn de.

Lookilera’n 6:9

Go’t gugu, Ngonn bate tutu tà nyankorji ke njèkon’t mi. Ke loon’t nè kuwe, m’an ngarankum ra njé ke ndɔ ke dé tuje kɔbe de tede tà le Nube ke kété ɔri go nga tooi gir ɗinger loo nyan-kuje mese’t.

Lookilera’n 7:2

Taɓai m’an doo ke danrán karé ke rang in loo tee’t le kàde. E uwe nyankorji le Nube njèndi kumgajer jinn’t. E tam tà se ndu’n ke bòi beng ede madennge ke sɔ ke d’ade de tɔgmong le tuju’n nang se ba-bò ede nè:

Lookilera’n 8:4

Sà katchatchage ke ró tee tukuk-tukuk ji doo ke danrán’t nè nga aw non Nube’t nan’t se tà kɔje ke dooge le’n malang ɔji se’n nga.

Lookilera’n 8:5

Doo ke danrán nè nga uge yal por ke dè ɗinger loo nyankuje-mese’t kem̂ bai ró katchatchage’t ade rusu neĵ ɓaa, è lɔke ile piring dè nang nè. Ke loon’t nè kuwe, ndi ndang a, têl a, ndu dooge ɓar wuu-wuu a, nang unn gir yei ɓuk-ɓuk a tɔ.

Lookilera’n 9:13

Doo ke danrán ke njèkon’t mute-mute kɔl burunju. M’oo ndu doo ɓar sɔbe dè kil ɗinger loo nyankuje-mese ke sɔ ke dé ra se nar-ɔr. Loo nyankuje-mese nè nga tò non Nube’t.