Lookilera’n 8:2 - Nouveau Testament en Gulay 2004

² Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.

Lookilera’n 8:2 ပူးပေါင်းရင်းမြစ်များ

Matthieu 18:10

An-in! tá nè a kin-in nedi ngonn karé bè dann madennge’t nè. Man m’ede sei titeke dooge le de ke danrán ndai tàkum Baa ke ndi danrán ndêrm se ndɔ karé-karé malang tede tà le de.

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Tà ke Maje ke Luc ndang 1:19

Doo ke danrán ke Kuwe-ɓee ule’n nga tel ile Zacharie dè’t ede nè: – Man m’ee Gabriel ke njè nda non Nube’t se ndɔge-ndɔge. E Nube kuwe á ule’m rai’t le kade m’ɔje sei tà a, le kade m’ile mber Tà ke Maje nè nga m’adi a tɔ.

Tà ke Maje ke Luc ndang 21:36

I ndii dè nja si’t kekek. Ɔji tà se Nube dɔ-dɔ titeke bè á a ingei tɔg si le dum’n dè nyange ke à teei a, le kade i ndai garang non’m man ke m’ee Ngonn doo nga a tɔ.

1 Nje Ke Corinthe 15:52

Ndɔ ke burunju à ɓar ɓaa, jéi malang ra jéi à tel waks ke loon’t nè kuwe, titeke bêl kum doo ke tuge jip bè. Loo ke ndɔn’t burunju à ɓar ɓaa, njé ke weii à undei loo teei dann njé ke koo’t le teli ndii kumgajer se non. Jéi malang géa, d’a d’ade ra jéi à tel waks tɔ.

1 Nje Ke Thessalonique 4:16

Ndukunn à in ra Kuwe-ɓee’t kuwe. Loo ke ndu doo ke bò ke danrán à ɓar beng a, burunju le Nube à ɓar a tɔ. E Kuwe-ɓee kuwe à in danrán se ra’n le tel ree. Ke loon’t nè kuwe, njé ke undei kem̂ de dè Krist’t ke weii nga à undei loo teei pa ɓita.

Lookilera’n 1:4

Man Jean, m’ndang magtub m’ade njékebe nange le Nube ke gir ji sejimute ke ndii kem̂ ɓeekon ke Asie. Maje kade Nube ade sei kem̂noje se kem̂lom. E nga ndi tutu kété mari sár ɗarinè. E ndi à ree sei non a tɔ. Maje kade ndilge ke ji sejimute ke ndai non kutu-ngar’t le Nube adi sei kem̂noje se kem̂lom.

Lookilera’n 11:15

Taɓai doo ke danrán ke njèkon madennge’t ji sejimute kɔl burunju. Ke loon’t nè kuwe, ndu dooge ɓar danrán beng-beng edi nè: «Tɔgmong konɓee ke dè nang nè oso ji Kuwe-ɓee Nube’t le jéi se Krist le’n a tɔ. Kuwe-ɓee à on ɓee sár se non.»

Lookilera’n 15:1

Go’t gugu ɓaa, m’an nyantɔje ke rang ke bò ke dum kum kem̂ danran’t. M’an dooge ke danrán ji sejimute uwei nyantosowurge ji sejimute ji de’t ndai. E ngei nyantosowurge ke Nube à ra se dooge le tɔl’n tà wong le’n.

Lookilera’n 16:1

Taɓai, m’oo ndu doo in gile kei ke tò se ninn’n le Nube ɓar beng ede dooge ke danrán ke ji sejimute ede nè: «Otoi nyantosowurge ke kem̂ bai wong-ge ke ji sejimute le Nube nga awi ɓênglei dè nang nè.»

Lookilera’n 8:13

M’an loo gerer ɓaa, m’oo ká kiro ke nel bage aw dann danran’t danné bɔp. Kiro nè nga tam tà se ndu’n ke bòi bèng ede nè: «Sei dooge malang ke i ndii dè nang nè nga, a an-in ɓai! a an-in ɓai! loo ke dooge ke danrán ke mute ke nan-in à unni gir kɔli burunjuge le de!»

Lookilera’n 8:6

Dooge ke danrán ke ji sejimute ke d’ade de burunjuge ji sejimute ji de’t karé-karé nga, uwei dè nja ra de le kɔli burunju.

Lookilera’n 9:1

Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.