Lookilera’n 8:13 - Nouveau Testament en Gulay 2004

¹³ M’an loo gerer ɓaa, m’oo ká kiro ke nel bage aw dann danran’t danné bɔp. Kiro nè nga tam tà se ndu’n ke bòi bèng ede nè: «Sei dooge malang ke i ndii dè nang nè nga, a an-in ɓai! a an-in ɓai! loo ke dooge ke danrán ke mute ke nan-in à unni gir kɔli burunjuge le de!»

Lookilera’n 8:13 ပူးပေါင်းရင်းမြစ်များ

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Lookilera’n 11:14

Nyantosowur ke njèkon’t joo nga tuge gang ɓá. An-in! è ke njèkon’t mute à ree ngɔr.

Lookilera’n 12:12

Gir’n ke nè sei dooge ke i ndii danrán, i rai ranel. Nè sei dooge malang ke i ndii dè nang nè éké nyange malang ke dann ba-bò kate’t nga, a an-in ɓai! Sú nga wong ra’n ngain ade rise nanga à aw sei non. E ger mbak titeke ndɔ le’n nain ndêin bè karè ta.»

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 14:6

Taɓai, m’an doo ke danrán karé ke rang nel se bage’n aw dann danran’t danné bɔp. E aw se Tà ke Maje ke tò se non tede kile mber’n kade dooge malang ke ndii dè nang nè. Mber Tà ke Maje nga ɔje dè kosdooge a, girkoje dooge malang ke dè nang nè ke tà tam de è gai-gai a, se dooge ke se dè ɓee-dè ɓee a tɔ.

Lookilera’n 19:17

Taɓai, m’an doo ke danrán karé nda se nja’n dɔ kum kàde’t. E tam tà se ndu’n ke bòi beng ede helge malang ke in-in se bage dann danran’t danné bɔp, ede nè: «Ɔsi nja nan, i reei tà mur dann ɓee ke bò’t le Nube!

Lookilera’n 3:10

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.

Lookilera’n 8:2

Go’t gugu ɓaa, m’an dooge ke danrán ji sejimute ndai non Nube’t. D’ade de burunju ji sejimute ji de’t karé-karé.

Lookilera’n 9:1

Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.

Lookilera’n 9:12

Nyankem̂kon ke desêin nga dere ɓá. An! nyankem̂konge ke rang joo à reei kuti go è ke nè ɓai.