Lookilera’n 8:12 - Nouveau Testament en Gulay 2004

¹² Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.

Lookilera’n 8:12 ပူးပေါင်းရင်းမြစ်များ

Matthieu 24:29

Go ndɔ nyantosowurge’t nè nga ɓaa, ke loon’t nè kuwe kàde à tel ndul a, nan à nda lé a, kɔnyonge à unni gir tosoi nang a, tɔgmong-ge ke uwei nyange ke danrán nan’t sêm-sêm nga, à yeyi ɓuk-ɓuk a tɔ.

Matthieu 27:45

Kàde nda dann ɓee bɔp. Tilkus sebe rip dè nang nè bere mbak sár ade kàde ke mute ke loo sɔlé ase’n.

Marc 13:24

Nyantosowur à ra dooge ngain kêm ndɔn’t nè. Go’t gugu ɓaa, kàde à tel tuge ndul ndáng-ndáng, nan à nda lé.

Marc 15:33

Kàde nda dann ɓee bɔp, loo unn gir tuge ndul bigm sár kàde mute ke tà loo sɔl’t.

Tà ke Maje ke Luc ndang 21:25

Nyange ke tooi ɓel ngain ke doo an ndɔ karé lé ɓai à undei loo teei kum kàde’t a, kum nan’t a tɔ. Dooge malang ke dè nang nè ɓel à unde de ndàt gang de kade tà ige de sêl. D’a d’an nyan karé ke kum ra lé tede mann ba-bò ke ule ade kɔr’n tal bungus-bungus a, tede ká’n ke ɓar ngain a tɔ.

Nyanra Njekawkulege 2:20

Kàde à tel ndul ndin-ndin a, nan à tel mese a tɔ, kété ɓita ndɔ gangtà le Kuwe-ɓee à ree bai. Ndɔ nè nga, è ndɔ ndubra ke bò ngain.

2 Nje Ke Corinthe 4:4

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 16:10

Doo ke danrán ke njèkon’t mi uwe nyantosowur ke kem̂ bai wong’t le’n ɓêngle dè kutu-ngar’t le dan. Tilkus sebe ràp-ràp dè ɓeekon’t le dan nè nga. Nyantosowur ra dooge ade ton-in tà de vbat-vbat.

Lookilera’n 6:12

Loo ke Ngonn bate teen tà nyankorji ke njèkon’t mute mute nga, m’an loo gerer ɓaa, nang unn gir yei ɓuk-ɓuk. Ke loon’t nè kuwe kàde tel ndul ndang-ndang tite kubu ndoo bè. Ra nan bere mbak tel ker tite mese bè.

Lookilera’n 9:15

Dooge ke danrán ke sɔ ke dé tutu de d’inye de dɔ nga ndii dè nja de’t tchên nginei kàde’n, ndɔ’n, nan’n se ɓal’n a tɔ, le kin-in kawi tɔli debe dooge ke karé dann ke mute’t.

Lookilera’n 9:18

Nyange ke gir mute ke teei tà sindege’t nga tɔli debe dooge ke karé dann ke mute’t kɔke.