Lookilera’n 8:10 - Nouveau Testament en Gulay 2004

¹⁰ Doo ke danrán ke njèkon’t mute kɔl burunju. Ke loon’t nè kuwe, kɔnyon ke bòi ke on por njoi-njoi tite lampe bè in danrán oso nang. Kɔnyon nè nga oso dè debe ba karé’t dann madege ke mute’t se dè ngur mannge’t a tɔ.

Lookilera’n 8:10 ပူးပေါင်းရင်းမြစ်များ

Matthieu 25:1

Konɓee ke danrán nga tò asenan se sertà le ngamandege ke dɔg ke anji geri dingem ɓai. Ei otoi lampege le de ji de’t teei awi tilei non njè taa dinye kige.

Tà ke Maje ke Luc ndang 10:18

Nè Jésu tel ile de dè’t ede nè: – Loo ke m’an loo gerer ɓaa, m’an Mweisekar’m lé in danrán oso nang tite ndi ke têl bè.

Jude 1:13

Dé tite kɔr mann ba ke tal bungus-bungus ade pululu’n ke majelé in pɔk-pɔk bè. Dé tò d’asenan se kɔnyonge ke gangi ndiling-ndiling bè. Nube uwe dè nja loo ke ndul ndin-ndin unde konn le kade dé ndi tutu sár se non.

Lookilera’n 1:20

Nyan ke tò loo ɓɔyɔn’t ɔje dè kɔnyonge ji sejimute ke an jikonm’t a, lampege ji sejimute ke dé ra se nar-ɔr ke an a tɔ nga, gir’n á tò nè: Kɔnyonge ke ji sejimute nga, ei njékan dè njékebe nange le Nube ke ji sejimute. Lampege ji sejimute ke dé ra se nar-ɔr nga, ei njékebe nange ke gir ji sejimute nè nga tɔ.»

Lookilera’n 12:4

Ɓong’n uwe debe kɔnyonge karé dann è ke mute’t jɔrè’n nang nè. Dan-kɔbe nè nda non dinye ke ayé koje ngonn; è nda um tà’n le kade loo ke à oje ngonn ɓaa, è à unn kuse kɔke.

Lookilera’n 14:7

Doo ke danrán ke m’an’n nel bage nga tam tà se ndu’n ke bòi beng ede nè: «Ilei koje dè Nube’t a, ulei ndubra dènn’t a tɔ, tede kàde gangtà le’n nga tee ɓá. I ɗɔyi Nube ke njèkunde danran se nang a, ba-bò kate se ngire mannge ke an-in kutch-kutch a tɔ.»

Lookilera’n 16:4

Doo ke danrán ke njèkon’t mute unn nyantosowurge ke kem̂ bai wong’t le’n aw ɓêngle dann mann bage’t se ngur mannge ade teli mese.

Lookilera’n 6:13

Kɔnyonge ke kàde danran’t teei tosoi nang asenan se kage koté ke nel-bò yei’n ade ɓew’n ur nang bè.

Lookilera’n 8:7

Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.

Lookilera’n 9:1

Loo ke doo ke danrán ke njèkon madennge’t mi kɔl burunju ɓaa, m’an kɔnyon karé ke ndɔ ke in danrán oso nang nè. D’ade’n lakêlé nyan kɔr tà bolè ke son’n goto.

Lookilera’n 9:15

Dooge ke danrán ke sɔ ke dé tutu de d’inye de dɔ nga ndii dè nja de’t tchên nginei kàde’n, ndɔ’n, nan’n se ɓal’n a tɔ, le kin-in kawi tɔli debe dooge ke karé dann ke mute’t.

Lookilera’n 9:18

Nyange ke gir mute ke teei tà sindege’t nga tɔli debe dooge ke karé dann ke mute’t kɔke.