Lookilera’n 7:4 - Nouveau Testament en Gulay 2004

⁴ D’ede’m kɔr dooge ke ei girkoje le Israel ke dé tɔse nyankorji nat-non de’t malang d’ade m’oo. Ei aru dɔg loo aru se kɔr-sɔ-gidé-sɔ.

Lookilera’n 7:4 ပူးပေါင်းရင်းမြစ်များ

Matthieu 19:28

Jésu tel ede de ede nè: – Kerɔte kuwe, man m’ede sei ndàt, ndɔ ke d’a tel gɔl nyange malang kade tel tò loon’t gugu nga, man ke m’ee Ngonn doo m’a m’al ɗáng ndi dè kutu-ngar ndubra’t le’m ɓaa, sei ke unni dè nja’m têr-têr nga géa a i ndii dè kutu-ngarge’t ke dɔg-gidé-joo le gangtà dè girkà’t le kosdooge ke Israel.

Tà ke Maje ke Luc ndang 14:22

Go’t gugu loo ke è tel ree ɓaa, ede kuwe’n ede nè: «Nyange ke i ede’m nga, m’ra ɓá nè gute loo nain karè ɓai.»

Tà ke Maje ke Luc ndang 22:30

Titeke bè á sei a usei a, a an-in nyan a tɔ dè table’t kêm Konɓee’t le’m. Sei a ndii dè kutu-ngar’t le gangi tà dè girkà kosdooge ke dɔg-gidé-joo ke ei girkoje le Israel.

Nyanra Njekawkulege 26:7

Girkà dooge le jéi ke dɔg-gidé-joo nga undei kêm de tchên titeke Nube à tɔl konn ndukunn le’n nè nga mbas. Gir’n ke nè á ei rai kule adi nin kada a, ndɔɔ a tɔ. Hei! ngar Agrippa, tede kundekêm tchên nè nga á Juipge à ɔdi nan sêke’m.

Nje Ke Rome 9:27

Esaie géa ndɔ ke tam tà se ndu’n ke bòi ɔje’n dè kosdooge ke Israel ede nè: «Ke nè á ngann Israelge bulei tite nyeenger ke tà bò’t bè géa, kalè de ke ndêin bè á Nube à aje’n.

Jacques 1:1

Man Jacques, ɓer kule le Nube se Kuwe-ɓee Jésu-Krist, m’ndang magtub nè m’ade girkàge le Israel ke dɔg-gidé-joo ke yali nan karé-karé m’ra’n de lapya.

Lookilera’n 14:1

M’an loo gerer ɓaa, m’an Ngonn bate nda dè mbal ke ɓee-bò ke Sion. Dooge le’n ke aru dɔg loo aru se kɔr-sɔ-gidé-sɔ ei se’n nan’t. Dé ndang ri Ngonn bate se ri Bɔ’n nat-non de’t.

Lookilera’n 14:3

Dooge ke aru dɔg loo aru se kɔr-sɔ-gidé-sɔ nga ɔsi pa ke kige non kutu-ngar’t tàkum nyankundege ke sɔ se tàkum ngatɔgege. Doo karé bè ke asekum ndó pa ke kige nè nga goto. Nè njé ke aru dɔg loo aru se kɔr-sɔ-gidé-sɔ ke in-in dè nang nè kuwe karé á asi ndói pa ke kige nè geri. Ei dooge ke ndɔ ke Ngonn bate gang dè de dè nang nè.

Lookilera’n 7:5

Njé ke girkoje’t le Juda ke dé tɔse nyankorji nat-non de’t ei aru dɔg loo dɔg-gidé-joo. Njé ke girkoje’t le Ruben ei aru dɔg loo dɔg-gidé-joo. Njé ke girkoje’t le Gad ei aru dɔg loo dɔg-gidé-joo.

Lookilera’n 9:16

Kɔr njérɔge ke awi se sindege nga d’ede’m d’ade m’oo. Kɔr de malang nga dum mbɔje.