Lookilera’n 7:3 - Nouveau Testament en Gulay 2004

³ «An-in! tá nè a kin-in tuji nang se ba-bò a, se kagege a tɔ. I nginei sár adi jè tɔse nyankorji nat-non ɓerge’t le Nube le jéi pa ɓita.»

Lookilera’n 7:3 ပူးပေါင်းရင်းမြစ်များ

Matthieu 24:22

Ke nè á Nube gang tà ndɔge nè nga dɔ lé ɓaa, doo karé ke ayé kinge kaje géa goto. Nè Nube à gang tà ndɔge nè dɔ tede tà le njé ke è tɔr de.

Matthieu 24:31

M’a m’ule dooge le’m ke danrán se burunju ke à ɓar kase loo nák-nák le kade ɔsi nja dooge le’m ke m’tɔr de m’unde de se ninn’n gai dè nang bere mbak, loo tee’t se loo kur’t le kàde, dè jikon se dè jigel a tɔ.

Jean 12:26

Ke nè á doo karé ndige ra nyan kade’m ɓaa, gar-gar à unn rebe goom’t. Loo ke m’ndi tutu nga, ngonn njèndi le’m géa à ndi se’m tutu tɔ. Ke nè á doo karé ra nyan ade’m ɓaa, Bɔ’m à uge dè ji’n.

Jean 3:33

Doo ke taa kɔrgo tà le’n ɓaa, ndige se’n titeke Nube tam ngarankum tà kuwe.

Nje Ke Rome 6:22

Nè ɗarinè d’ɔr sei ɓee ɓer’t le kaiya d’ade i ndii dè si pal le kade i teli ɓerge le Nube. Titeke bè á sei dooge le Nube ke i tooi se ninn si a, loo tɔl tà’n ɓaa a ingei ndikumgajer ke à tò sár se non a tɔ.

Lookilera’n 13:16

Dan ke njèkon’t joo nè ɔse dooge malang, ngannge se njé ke tɔgege, bawge se njéndooge, ɓerge se dooge ke ndii dè de pal, ade dé tɔse nyankorji jikon de’t se nat-non de’t.

Lookilera’n 13:17

Doo karé bè géa, ke nè á d’ɔse nyankorji éké ri dan éké kɔr nyan ke aw nan’t se ri dan nè nga rann’t lé ɓaa, è ase ndogo éké kige nyan ndan lé.

Lookilera’n 14:1

M’an loo gerer ɓaa, m’an Ngonn bate nda dè mbal ke ɓee-bò ke Sion. Dooge le’n ke aru dɔg loo aru se kɔr-sɔ-gidé-sɔ ei se’n nan’t. Dé ndang ri Ngonn bate se ri Bɔ’n nat-non de’t.

Lookilera’n 14:9

Doo ke danrán ke njèkon’t mute ndolè go madennge. E tam ndàt se ndu’n ke bòi beng ede nè: «Ke nè á doo karé ule dè’n nang ɗɔi’n dan nè éké nyan ke dé tɔl dé ndaje’n dan nè nga, éké inge nyankorji nat-nonn’t éké da-jinn’t ɓaa,

Lookilera’n 19:2

Gangtàge le’n è se dè naje’n kerɔte kuwe! Nube gangtà dè ɓee-bò’t nè ke ndɔ ke dooge ke kem̂é ei njé tooi se nan ke kaiya’t nga. Nube gangtà dè ɓee-bò’t nè nga tede tɔl ke ndɔ tɔli ɓer kulege le’n ade mese de an-in nang.»

Lookilera’n 20:4

M’an dooge ndii dè kutu-ngar’t. D’inye loo d’ade de le kade gangi tà dè dooge’t; taɓai, m’an dooge ke ndɔ ke dé jeng kɔbe de se kunge dé tɔl de tede kem̂ de ke ndɔ ke undei dè tà’t le Krist a, dè tà’t le Nube a tɔ. Taɓai, m’an dooge ke ndɔ ke ulei dè de nang non dan’t ɗɔyi nin lé éké ke non nyan ke dé ra dé ndaje’n dan nè nga lé a tɔ. Dé nè nga, dé dooge ke ndɔ d’unde nyankorji le dan nat-non de’t éké da ji de’t lé a tɔ. Dé tel dé ndikumgajer a, d’on ɓee nan’t se Krist loge aru dɔg.

Lookilera’n 22:4

Ɓer kulege le Nube à an-in nin se kum de a, ri’n à tò nat-non de’t a tɔ.

Lookilera’n 6:6

M’oo ká nyan ɓar asenan se ndu doo dann nyankundege ke sɔ’t tam ede nè: «Ko têl kem̂ ngonn nyan-mbɔje nyan karé bere kuwe à è kum nar kule ke ndɔ karé. Ko gɔje kem̂ ngonn nyan-mbɔje nyan mute bere kuwe à è kum nar kule ke ndɔ karé tɔ. Nè wubu se yibe ndu ɓaa, i tuji de kɔke lé.

Lookilera’n 7:1

Go’t gugu, m’an dooge ke danrán sɔ ndai se nja de dɔ dè kum nang ke sɔ’t. Dooge ke danrán nè nga on-in nelge ke sɔ ke dè nang nè njanm-njanm tede kade nel karé bè géa ule dè nang nè éké dè ba-bò’t éké dè kage karé bè lé a tɔ.

Lookilera’n 7:2

Taɓai m’an doo ke danrán karé ke rang in loo tee’t le kàde. E uwe nyankorji le Nube njèndi kumgajer jinn’t. E tam tà se ndu’n ke bòi beng ede madennge ke sɔ ke d’ade de tɔgmong le tuju’n nang se ba-bò ede nè:

Lookilera’n 9:4

D’unn ndu de d’ade de le kade on-in walè se nyan ke tebe karé éké kage karé bè géa dè nang nè lé. Nè d’inye loo d’ade de le kade rai kum dooge ke nyankorji le Nube goto nat-non de’t ndoo.