Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lookilera’n 7:2 - Nouveau Testament en Gulay 2004

2 Taɓai m’an doo ke danrán karé ke rang in loo tee’t le kàde. E uwe nyankorji le Nube njèndi kumgajer jinn’t. E tam tà se ndu’n ke bòi beng ede madennge ke sɔ ke d’ade de tɔgmong le tuju’n nang se ba-bò ede nè:

အခန်းကိုကြည့်ပါ။ ကော်ပီ




Lookilera’n 7:2
29 ပူးပေါင်းရင်းမြစ်များ  

Simon Pierre in ile jésu dè’t ede nè: – I i Krist, Ngonn le Nube ke njèndi kumgajer.


Nè Jésu an’n mar-mar anje kile de dè’t. Maw njèkuje nyan-mese tel deje Jésu ede nè: – Man m’deji se ri Nube ke njèndi kumgajer le kade ede jè ndàt: ké i nga i Krist Ngonn Nube kuwe wa?


I rai kule tede nyankuse ke dè’n à ngei karè nga lé. Nè i rai kule tede nyankuse ke à tò sár-sár se non. Nyankuse ke à tò sár se non nga, è Ngonn doo á à ade sei, tede Ngonn doo nga nyankorji le Nube Bɔ dooge tò rann’t.


Jè nga Nube unde nyankorji le’n ra jé’t a, ade Ndil-Kêmnda ndi dè ɓengre’t jé’t a tɔ. Ndil-Kêmnda nga, è tàpitem nyange ke ndɔn’t j’à j’ingei.


Takul Krist á sei géa ooi ngarankum tà, ke è Tà ke Maje ke aje sei. Takul kundekem̂ ke sei undei kem̂ si dè Krist’t á Nube unde’n nyankorji le’n ke è Ndil-Kem̂nda ra si’t, titeke ndɔ ke è unn’n ndu’n kété mari ade sei nga.


I rai kum Ndil-Kem̂nda ndoo lé. Nube ɔr sei unde sei se ninn’n ke kosdooge le’n takul Ndil-Kem̂nda. E nyankorji ke Nube uje ra si’t le tɔje’n sei titeke à ɔr sei dann kaiyage’t le si njing se non ndɔ ke rang.


Loo ke ndɔ ke j’aw ɓéee le si nga, sei uwei jè ke ra si’t. Sei turi gide si adi mage polége ɔsi wan i teli ke ra Nube’t tede le ra kule kade’n è Nube ke get ke njèndi kumgajer. Nyange nè malang ke ndɔ ke i rai nga, dooge à ɔdi nan kɔr ser’n ɓai.


Nè né è bè géa, gir nyange ke Nube kuwe unde nga ngiring nang ngiring-ngiring. Gir nyange ke Nube unde nga, è kuwe ndang tàge nè dè’t se ji’n ede nè: «Kuwe-ɓee ger njé ke ei le’n mbak. Nanan ke ede nè n’ee le Kuwe-ɓee ɓaa, gar-gar à ute ra’n mbeng kɔke dè nyanra ke se dè naje’n lé.»


Nè sei ɓaa, i reei ngɔr ke dè mbal ke ri’n nè Sion, ɓee-bò le Nube ke njèndi kumgajer. Ɓee-bò nè nga è Jérusalem. E loo ke dooge ke danrán ke kɔr de dum mbɔje ɔsi nja de nan’t ndai rai ranel.


Doo ke tute magtub nè nga ra’n à nel’n. Njé ke uri mbi de ooi tàge ke in tà Nube’t a, tɔsi kum de dè nyange ke dé ndang tà’n kem̂ Magtub’t nè nga ɓaa, ra de à nel de tɔ. Nyange ke ndɔ ke m’tam tà’n nè nga, ndɔ’n nain ngɔr ta.


Taɓai m’an doo ke danrán karé ke rang ke njètɔg in danrán rise nang. Doo nè nga bum utu dè’n lêt-lêt a, an-in dè’n king-king a tɔ. Tàkum’n ndoin tite kàde bè a, nja’n tò tite por ke suri nan ɗêng-ɗêng bè a tɔ.


Loo ke ndi ndang titeke bè ɓaa, m’ayé kunn gir ndang nyan. Nè loon’t nè kuwe, m’oo ndu doo ɓar danrán ede nè: «Ndi ke ndang nja ji sejimute nè nga, ade tà’n tò loo ɓɔyɔn’t jêke^ m i ndang kem̂ magtub’t lé ɓanm.»


Doo ke danrán ke njèkon’t mute-mute uwe nyantosowur ke kem̂ bai wong’t le’n ɓêngle dann mann ba ke rin nè Euphrate. Tajinan’t nè kuwe, mann ba nè nga ii san-san inye rebe ade ngarge ke in-in loo tee’t le kàde.


Go’t gugu ɓaa, m’an doo ke danrán ke njètɔg. E deje tà se ndu’n ke bòi bèng ede nè: «Ké nan asekum tutu tà nyankorjige ke dé tinye’n tà magtub’t nè nga le teen kem̂ kan wa?»


Doo ke danrán karé ke rang ree nda ngɔr se ke dè ɗinger loo nyankuje-mese. E uwe bai ró katchatcha jinn’t. Doo ke danrán nè nga d’ade’n katchatcha ngain kade unn ade nan’t se kɔje-tà se Nube le dooge malang ke ɔji se’n dè ɗinger loo nyankuje-mese’t. Ɗinger loo ke ra se nar-ɔr nè nga tò ngɔr se kutu-ngar.


Ndu doo ke m’oo nga tam se doo ke danrán ke njèkon madennge’t mute-mute ke uwe burunju jinn’t ede nè: «I tutu dooge ke danrán ke sɔ ke dé tɔ de dè ba ke bò ke ri’n nè Euphrate inye de dɔ.»


D’unn ndu de d’ade de le kade on-in walè se nyan ke tebe karé éké kage karé bè géa dè nang nè lé. Nè d’inye loo d’ade de le kade rai kum dooge ke nyankorji le Nube goto nat-non de’t ndoo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ